Гаши им врачи благодарница на волонтери од Црвен крст за придонесот по пожарот во Кочани - Канал 5

Македонија

Гаши им врачи благодарница на волонтери од Црвен крст за придонесот по пожарот во Кочани

Иле Матеничарски од Црвен крст - Кочани во изјава за медиумите рече дека волонтерите се херои, вистински пример во заедницата и секој треба да ги следи нивните чекори.

Гаши им врачи благодарница на волонтери од Црвен крст за придонесот по пожарот во Кочани

Претседателот на Собранието Африм Гаши денеска им врачи благодарница на волонтери од Црвениот крст на Република Македонија, во знак на признание за севкупниот придонес и поддршка во надминување на последиците и предизвикани од катастрофалниот пожар во Кочани што се случи годинава на 16 март. Благодарницата беше врачена во рамки на настанот во Собранието по повод 5 декември - Светскиот ден на волонтерството.

Иле Матеничарски од Црвен крст - Кочани во изјава за медиумите рече дека волонтерите се херои, вистински пример во заедницата и секој треба да ги следи нивните чекори.

- Самата благодарница што денеска ја примивме претставува огромна поддршка и признание дека сме признаени и видени од страна на населението и на Собранието и претставува патоказ на нашите волонтери за нивна мотивација за понатамошни успеси, истакна Матеничарски.

Тој рече дека вратите на Црвениот крст се отворени, секој кој сака може да се приклучи, а се со цел заедно да се направат општествени промени во заедницата.

Александра Соколова, исто така, волонтер во Црвен крст - Кочани, изјави дека по несреќата во градот, со многу брза реакција, волонтери од цела држава биле распоредени и во здравствени установи и насекаде каде што биле потребни.

- Присутни сме по повод Денот на волонтерите. Ми претставува особено чест тоа што јас сум токму таа која го прими ова признание денеска од претседателот на Собранието. Благодарница што претставува признание за сите волонтери кои несебично учествуваат, ги даваат најдрагоценото време и енергија и со цело свое срце се вклучени во сите активности на терен, подвлече Соколова.

Собранискиот претседател Гаши во изјава за медиуми се осврна на настанот од утрово, кога пратеници и волонтери од Црвениот крст во Скопје излегоа заедно на терен за да помогнат таму каде што е потребно.

Како што беше појаснето, активностите опфаќале пакување и дистрибуција на хуманитарна помош, поддршка за бездомници, помош на стари и изнемоштени лица во домашни услови, социјални активности за поддршка на лица од третата доба, поддршка за лица со попреченост, промотивни активности од областа на првата помош и крводарителство и други хуманитарни и социјални активности во заедниците.

- Заедно со пратеници од сите политички партии, сите кои сакаа да учествуваат и имаа можност, бевме поделени во неколку групи и ние, како пратеници, учествувавме активно во волонтерството и бевме дел од таа армија на волонтери во државата, која е над пет илјади. Сакам да искажам голема благодарност кон оние, кои секогаш се подготвени да помогнат на луѓе без никаков надомест, туку само затоа што сакаат да бидат луѓе, да останат луѓе и да им помагаат на луѓе кога тоа им е најпотребно, додаде Гаши, истакнувајќи дека за првпат се организира ваков настан, и изрази надеж оти ќе ги има и многу повеќе во иднина.

Тој потсети дека идната година е година посветена на волонтерството, но, ги повика сите пратеници постојано да ја покажуваат хуманоста.

Генералниот секретар на Црвениот крст, Саит Саити рече дека сакаат да испратат порака оти волонтерството е вредност и капитал на секое општество, па и на нашето.

- Беа вклучени околу дваесетина пратеници, толку и побаравме, затоа што капацитетите и можностите на просториите каде се волонтираше отприлика тоа го бараат. Интересот беше навистина на потребното ниво, одговори тој на новинарско прашање.

Саити беше дециден дека денот се слави меѓу другото и за благодарност до волонтерите за нивните придонес и труд и да се поттикне и да се потсетат општествените чинители кои се одговорни за одлуките во државата, да го поддржат волонтирањето и напорите на волонтерите.

- Денеска отпочнуваме со потпишување на парламентарната декларација за поддршка на волонтирањето, на потпишување локални декларации по општините од страна на градоначалници и советите, и секако, ќе оди една повелба граѓанска што ќе биде објавена на веб-страницата на Црвен крст. Секој граѓанин ќе може во текот на 2026. да ја потпише, во смисла на поддршка, додаде Саити.

Тагови: Црвен крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нов потег на Путин: Русите вежбаат со Кинезите, пристигна нуклеарно предупредување

Рускиот претседател Владимир Путин вчера присуствуваше на воена вежба на планините Урал, во која учествуваа војници од Кина и од неколку други земји.

Нов потег на Путин: Русите вежбаат со Кинезите, пристигна нуклеарно предупредување

Путин го посети воениот полигон во регионот Чељабинск за да ја следи завршната фаза од вежбата „Центар-2026“. Вежбата се одржа во склоп на вежбата „Интеракција-2026“, спроведена од членките на Организацијата на Договорот за колективна безбедност – безбедносен сојуз предводен од Москва, составен од неколку поранешни советски републики.

Путин изјави дека 47.000 војници учествуваат во вежбата „Центар-2026“, вежбајќи одбивање напади на 11 полигони и во Каспиското Море. Вежбата започна во понеделникот, а завршува денес.

Путин предупреди дека нема да се двоуми да употреби нуклеарно оружје за одбрана на Калининград.

„Околу 6.000 војници од Русија и од други земји учествуваа во завршната фаза на полигонот Чебаркул“, рече Путин.

YouTube video

Тој додаде дека делегации од 55 земји учествувале како набљудувачи.

Според извештаите на руските медиуми, во вежбата учествуваат воени единици од Белорусија, Киргистан и Таџикистан, заедно со војници од Кина, Монголија и Пакистан. За време на посетата, Путин изврши увид во различни видови вооружување, вклучително и новите беспилотни летала „Геран“ на млазен погон, кои руската војска ги користи во нападите врз Украина.

Посетата на Путин уследи еден ден откако Русија го предупреди НАТО дека нема да се двоуми да употреби нуклеарно оружје за одбрана на Калининград, доколку некоја членка на воениот сојуз се обиде да ја отсече таа руска ексклава на западот на земјата од остатокот на Русија.

Извор: Б92

Тагови: Владимир Путин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мечки влегуваат во дворови во Русија: 16 лица загинаа за еден месец

Според анализата на „CNN“ на извештаите од руските медиуми, само во септември најмалку 16 лица загинале во напади од мечки низ Русија.

Мечки влегуваат во дворови во Русија: 16 лица загинаа за еден месец

Најтешко погоден е огромниот регион Краснојарск во централен Сибир, каде што оваа година седум лица ги загубиле животите во напади од мечки.

Руското Министерство за природни ресурси и животна средина наведува дека во земјата годишно вообичаено се регистрираат меѓу 20 и 30 напади од мечки врз луѓе. Оваа година, мечките навлегле во населени места во повеќе од 40 руски региони.

Жена нападната веднаш откако излегла од својот дом

Минатата недела во регионот Краснојарск, мечка убила 51-годишна жена откако таа излегла од својата куќа. Два дена претходно, еден чувар загинал во напад на паркинг за камиони во шумска област.

Претходно во септември, биле пронајдени и телата на две постари жени кои одделно отишле да берат печурки, нивните повреди укажувале на напад од мечка.

Смртоносни напади се случиле и на други места во Сибир. Во Тува, таткото на рускиот НХЛ-играч Андреј Кузменко загинал во напад од мечка додека рибарел кон крајот на септември. Во август, во регионот Алтај, мечка искинала шатор, одвлечкала 29-годишна жена во шумата и ја убила.

Зошто се приближуваат до луѓето?

Експертите со кои разговараше „CNN“ наведуваат неколку можни причини за порастот на опасните средби во одредени делови на Сибир.

Зоолозите како клучен фактор го посочуваат исклучително слабиот род на борови јатки и шумски плодови, што им го отежнува наоѓањето храна на мечките пред зимскиот сон. Големите шумски пожари исто така уништиле делови од нивното природно живеалиште.

Во есенскиот период, мечките интензивно бараат храна за да натрупаат доволно масни резерви за зимскиот сон. Доколку нема доволно храна во дивината, тие сè почесто се приближуваат до населби, депонии за отпад и други локации каде што храната е лесно достапна. Експертите исто така предупредуваат дека ширењето на индустриските активности во претходно оддалечени природни предели ја зголемува веројатноста за средби меѓу луѓето и мечките.

Полициски часови и затворање на паркови

Во текот на изминатите два месеца, властите во најмалку десет региони низ Сибир и рускиот Далечен Исток ги предупредија жителите за зголемена активност на мечките.

Во делови од регионите Алтај и Бајкал се воведени ноќни ограничувања на движењето, додека властите во Краснојарск го затворија Националниот парк „Краснојарски столбови“ и популарната планинарска патека на гребенот Торгашински.

Регионалните власти исто така формираа мобилни ловни тимови и нудат парични награди за убивање мечки. Во регионот Краснојарск се нуди награда од над 35.000 рубљи – приближно 420 долари – за нивно отстрелување.

По смртта на еден турист во регионот Алтај, убиени се повеќе од 50 мечки, а издадени се дозволи за отстрел на уште 157. Властите во регионот Краснојарск најавија отстранување на повеќе од 180 животни кои се сметаат за потенцијално проблематични.

Експерти: Масовниот отстрел нема да го реши проблемот

Зоологот Сергеј Колчин смета дека, иако отстрелот на агресивна мечка што навлегува во населено место понекогаш е неопходна итна мерка, сепак предупредува дека масовното убивање животни нема да го намали бројот на инциденти на долг рок.

Според него, суштинскиот проблем е лесно достапниот отпад што ги привлекува мечките кон населбите. Ако се убие една мечка во близина на депонија, друга може едноставно да го заземе нејзиното место.

Како долгорочни решенија, експертите ги наведуваат подоброто обезбедување на отпадот, едукацијата на жителите за тоа како да се однесуваат во живеалиштата на мечките, како и употребата на електрични огради и други средства за одвраќање.

Извор: Индекс.хр

Тагови: мечки русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и релативно топло

Утрото ќе биде ведро и студено, а преку денот сончево и релативно топло. 

Утре сончево и релативно топло

Ќе дува слаб ветер од северен правец. Минималната температура ќе биде во интервал од -3 до 8, а максималната ќе достигне од 20 до 28 степени.

Во Скопје, сончево и релативно топло со слаб ветер од северен правец. Минималната температура ќе се спушти до 3, а максималната ќе достигне до 26 степени.

Во следните денови времето ќе биде релативно топло. До среда утрата ќе бидат ведри и студени, а во текот на денот ќе преовладува сончево време. Од четврток ќе има зголемување на облачноста и услови за локален дожд, a утринските температури ќе бидат во пораст.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер