Галевски и Петковски по победа во Атина: Бевме психички, физички и тактички подготвени - Канал 5

Ракомет

Галевски и Петковски по победа во Атина: Бевме психички, физички и тактички подготвени

Високото ниво на психичката, но и физичката и тактичката подготвеност на РК Алкалоид во синоќешниот прв натпревар од Европскиот куп против АЕК во Атина, го истакнаа крилото Александар Петковски и голманот Иван Галевски.

Галевски и Петковски по победа во Атина: Бевме психички, физички и тактички подготвени

Високото ниво на психичката, но и физичката и тактичката подготвеност на РК Алкалоид во синоќешниот прв натпревар од Европскиот куп против АЕК во Атина, го истакнаа крилото Александар Петковски и голманот Иван Галевски, јави дописничката на МИА од Атина.

Алкалоид славеше со 25-29 на гостински терен и за помалку од една седмица ќе го игра реваншот во Скопје, а двајцата млади ракометари, кусо по историската победа, во изјава за македонските новинари кои во Атина го следеа натпреварот, не го криеја нивното задоволство од резултатот.

-Пред сè да им честитам на момците за нашата борбеност и мислам дека тоа беше доста пресудно во овој натпревар. Имавме време, доста се подготвувавме, ги анализиравме. Влеговме максимално уште од стартот и тоа се одрази на нашата игра и на крај кога беше најпотребно да водиме со поголема разлика, рече Петковски додавајќи дека темпо на играта се промени при крајот на првиот дел и тоа ја донесе победата.

Со низа одбрани, голманот на Алкалоид и на репрезентацијата, 20-годишниот Иван Галевски остави свој белег на натпреварот, а посочи дека освен подготвеноста, важна улога има и тимската хемија.

-Мислам дека пресуди нашата психичка подготвеност, но и физичка и тактичка. Можам да кажам дека добро бевме подготвени за натпреварот, влеговме со ладни глави, максимално и тоа донесе до ваков исход на натпреварот, рече Галевски.

За чувството да се одбранат толку пенали, истакна дека е непроценливо и дека „едноставно е уживање“ и објасни дека без разлика на противникот, за секој натпревар се подготвува максимално концентрирано и фокусирано, додавајќи дека „анализата кај еден голман е најважна“.

-Со 20 години играм европско финале што ми е голема чест и задоволство. Гинеме тука еден за друг имаме голема тимска хемија, сплотеност, амбиција, желба и ете дојдовме до ова. Но, ништо не е готово, имаме уште 60 минути да се одиграат во Борис Трајковски. Ја повикувам целата македонска јавност да ја наполниме салата на голем спектакл, европско финале.

Момент што ќе остане запаметен и за навивачите на АЕК е кога Галевски, по одбранет пенал, прославувајќи, се сврти кон трибината на која беа домашните навивачи.

-Вртењето кон навивачите беше премногу емоција, експлозија не беше ништо со лоша намера, истакна Галевски.

За инцидентот предизвикан токму од навивачите на АЕК, крилото Петковски посочи дека уште пред патувањето во Атина, биле подготвени за можни провокации.

-Искусна екипа, не им е првпат да прават инциденти, но уште од Скопје имавме на ум дека ќе има простор за такви работи, така што можам да кажам дека бевме подготвени да останеме смирени во таа ситуација, изјави Петковски.

Тренерот на Алкалоид, Кире Лазаров, како што вчера објави МИА истакна дека биле психолошки подготвени и за ова сценарио.

-Ние бевме подготвени на тоа, очекувавме и полошо сценарио, бевме психолошки подготвени за ваква атмосфера. Можеби малку грешката е кај нас, не требаше да реагираме на публиката, но не понесе емоцијата, водевме три гола. Требаше да се смириме. Сакаат да направат фора за да го свртат натпреварот. Им реков смирете се ова е фора, сакаа да го свртат натпреварот, објасни Лазаров во изјавата по натпреварот.

За постигнатиот успех им честиташе на ракометарите, рече дека одиграле онака како што биле договорени, да бидат храбри и мудри и да не паднеме на ниеден притисок, исполниле 90 отсто од договореното.

-Голманите беа на одлично ниво. Мислам дека сите придонесоа, но тие придонесоа многу за да биде ваков резултатот. Четири разлика е голема разлика, но мора да знаеме дека имавме вкупно 18 одбрани. Да не беше така можеби и резултатот нема да беше тој, истакна Лазаров.

Ракометарите ќе добијат неколку дена за да се одморат, а потоа и ќе продолжат со подготовките за реваншот во Скопје, а Лазаров вели дека потребно е да бидат внимателни иако ќе бидат мотивирани.

- Овие момци ја направија горда нацијата, бидејќи ова не е каква било победа, победа во главниот град на Грција. Треба да се одмориме малку и добро да се подготвиме, затоа што ќе биде огромна желбата, индивидуална кај поединци и ќе сакаат да се докажат пред 7.000 гледачи во Борис Трајковски и тоа ќе биде мојата работа и на стручниот тим да направиме стратегија, како да не го прокоцкаме она што го направивме овде. Ова е искусна екипа, огромна е предноста, ќе бидеме мотивирани и ќе бидеме претпазливи. Секоја чест за момците Македонци, истакна Лазаров.

Алкалоид синоќа оствари голема и историска победа за клубот, совладувајќи го АЕК во Атина, иако домаќините имаа огромна и силна поддршка од навивачите, кои речиси ја исполнија олимписката сала и 7.800 гледачи го бодреа АЕК што воедно е и рекордна посетеност на ракометен натпревар во Грција.

Реваншот од финалето во Европскиот куп ќе се одигра в недела на 25 мај во салата „Борис Трајковски во Скопје“.

Тагови: алкалоид

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Познато е колку Том Холанд би можел да заработи на новиот Спајдермен

Том Холанд би можел да заработи помеѓу 20 и 25 милиони долари за својата улога во филмот "Spider-Man: Brand New Day" .

Познато е колку Том Холанд би можел да заработи на новиот Спајдермен

Оваа сума ја вклучува основниот хонорар и бонусите поврзани со заработката од бокс-офисот. Новиот акционен хит во режија на Дестин Даниел Кретон веќе го сруши американскиот рекорд на филмот „Avengers: Endgame“ за заработка во текот на првиот викенд од објавувањето, пишува „The Hollywood Reporter“.

YouTube video

Патот на Холанд до мултимилионски хонорар

Кога актерот се приклучи на кинематографскиот универзум на Марвел во „Captain America: Civil War“ во 2016 година, тој заработи околу 250.000 долари, според „CheatSheet“. После тоа, неговиот хонорар брзо растеше.

За „Spider-Man: Homecoming“ во 2017 година, тој доби 1,5 милиони долари, од кои 500.000 долари беа фиксен хонорар, а остатокот беа бонуси. Две години подоцна, тој заработи 4 милиони долари за „Far From Home“, додека се проценува дека добил околу 10 милиони долари за „No Way Home“ од 2021 година.

Филмот веќе надмина 1 милијарда долари приходи

„THR“ вчера објави дека „Brand New Day“ веќе надмина 1 милијарда долари приходи во кината ширум светот. „Sony Pictures“ потврди дека филмот, во кој глумат и Зендаја и Сејди Синк, заработил 1,05 милијарди долари за само шест дена од објавувањето. Ова го прави само втор филм во историјата што го сторил тоа за толку краток временски период.

Филмот „Avengers: Endgame“ заработил 1,2 милијарди долари ширум светот во својот прв викенд во април 2019 година. „Sony“ истакнува дека новиот „Спајдермен“ го срушил американскиот рекорд на „Endgame“, кој изнесувал 357,1 милиони долари. Сепак, „Endgame“ сè уште го држи светскиот рекорд за заработка во првиот викенд, со 1,2 милијарди долари, додека „Brand New Day“ заработил 932 милиони долари во истиот период.

Извор: Индекс.хр

Тагови: Спајдермен Том Холанд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Во Ново Село Организираната криминална група прати насилници да ги тепаат младите - затоа што се плашат од вистината!

Во Ново Село денеска мирни млади социјалдемократи го пречекаа Христијан Мицкоски со едноставна порака, Гостивар се труе, вие сте виновни.

СДСМ: Во Ново Село Организираната криминална група прати насилници да ги тепаат младите - затоа што се плашат од вистината!

Мирно. Културно. Без насилство.

Одговорот на организираната криминална група беше класичен: пратија околу десетмина да им се закануваат, да ги нападнат и да ги замолчат.

Меѓу нив и шофер на градоначалникот на Ново Село, Наско Димитриев.

Вчера поднесуваа кривични пријави за навреда.

Денеска праќаат насилници.

Ова е нивото на власт што ја води Мицкоски.

Кога нема аргументи - праќаат луѓе да тепаат.

Кога нема резултати - шират страв.

Кога народот прашува за труењето во Гостивар - тие напаѓаат млади.

Мицкоски ја загуби контролата.

Се плаши од вистината.

Се плаши од народот.

Се плаши од младите.

Затоа што младите не се купуваат со лаги.

Не се плашат од закани.

И не молчат додека цела Македонија се труе.

СДСМ бара од МВР веднаш да ги идентификува и уапси сите учесници во нападот.

Сите до еден. Без селективност. Без заштита.

А на младите социјалдемократи им порачуваме јасно:

Не сте сами!

Нема да ве замолчат.

Борбата против насилството и криминалната власт продолжува.

Народот е буден.

И стравот веќе не е на нивна страна.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Тигрицата Умит се врати во дивината, нова надеж за загрозен вид (ВИДЕО)

Тигар е пуштен во дивината. Само по себе, ова можеби не би била толку возбудлива вест ако не беше фактот дека станува збор за женка од загрозениот Амурски тигар која е вратена во дивината на Казахстан.

Тигрицата Умит се врати во дивината, нова надеж за загрозен вид (ВИДЕО)

Животното, по име Умит (Надеж), е пуштено во природниот резерват Иле-Балхаш во регионот Алмати, каде што луѓето целосно ги истребија овие прекрасни предатори пред неколку децении. Резерватот е основан со една цел - да стане дом за овие големи животни.

Уникатниот проект за враќање на тигрите во нивното историско живеалиште го води Министерството за екологија на Казахстан во соработка со рускиот Центар за Амурски тигри.

Тигрицата Умит е втората женка што пристигна во областа. Првата беше пуштена пред две години откако пристигна од Холандија. Таа пристигна во резерватот со мажјак, а парот е сè уште во голем ограден простор и сè уште не е целосно слободен во природа.

Умит, сепак, е поинаква приказна. Таа пристигна од територијата Хабаровск на рускиот Далечен Исток. Таа беше придружувана од мажјак по име Амур, како и две младенчиња - Туран и Усури. Сите тие се дел од популацијата на амурски тигри од Русија и беа веднаш ослободени.

Амурскиот тигар, познат и како сибирски тигар, е најголемиот предатор мачка во светот. Возрасните мажјаци можат да тежат повеќе од 300 килограми и да достигнат должина од речиси три метри. Овој исклучително издржлив предатор може да преживее температури и до минус 40 степени Целзиусови благодарение на густото крзно и дебелиот слој маснотии на стомакот.

Во текот на изминатиот век, луѓето речиси целосно го истребија овој вид во дивината поради ловокрадство и уништување на шумите. Затоа, секој нов тигар пуштен во дивината е голем чекор кон опстанокот на едно од најзагрозените животни на планетата.

Целта на еден голем проект во Казахстан е да се создаде самоодржлива популација од 100 до 120 тигри во текот на следната деценија.

Извор: Б92

Тагови: тигар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер