ГАК ќе расправа за подготовките на Самиот на ЕУ, следната буџетска рамка и поедноставувањето - Канал 5

Свет

ГАК ќе расправа за подготовките на Самиот на ЕУ, следната буџетска рамка и поедноставувањето

Министрите или државни секретари за европски прашања ќе дебатираат за усогласување на Предлог-заклучоците на средбата на шефовите на држави или влади на членките на ЕУ, предвидена за в четврток и петок. 

ГАК ќе расправа за подготовките на Самиот на ЕУ, следната буџетска рамка и поедноставувањето

Подготовката на претстојниот Самит на Европската Унија, Предлог-повеќегодишната финансиска рамка на блокот за периодот 2028-2034 година и пакет-мерките за административно поедноставување, ќе бидат главните теми на денешното заседание на Советот за општи работи на ЕУ во Луксембург, со кое ќе претседава данската министерка за европски работи Мари Бјере.

Покрај ова, австриската министерка за министерка за Европа, интеграција и семејство Клаудија Плаколм ќе ги информира своите колеги за нејзината неодамнешна посета на земјите од Западниот Балкан, во чии рамки престојуваше и во Скопје.

Министрите или државни секретари за европски прашања ќе дебатираат за усогласување на Предлог-заклучоците на средбата на шефовите на држави или влади на членките на ЕУ, предвидена за в четврток и петок.

Според најавите, на Самитот ќе се расправа за состојбите во Украина, за најновиот развој на настаните на Блискиот Исток со фокус на Газа, за плановите за европска одбрана и безбедност, за мерките за зајакнување на конкурентноста и за енергетската и зелената транзиција, како и за проблемите со домувањето и миграција.

Покрај ова министрите ќе имаат и политичка дебата за Предлог-повеќегодишната финансиска рамка на ЕУ за периодот од 2028 до 2034 година, вредна речиси 2.000 милијарди евра, со осврт на трошоците за остварување на политичките приоритети, зголемување на предвидливоста на финансиите на блокот, обезбедувањето буџетска дисциплина и олеснување на постапката за усвојувањето на годишниот буџет на Унијата.

Советот за општи работи одржува редовните дискусии со цел да се обезбеди што е можно поголем напредок во усогласувањето на предлог-финансиската рамка и насочување на понатамошните преговори.

Министрите ќе направат осврт на напредокот во плановите за административно поедноставување на ЕУ, изработени врз основа на извештаите на Енрико Лета за заедничкиот европски пазар и на Марио Драги за европската конкурентност.

Станува збор за пакетот „омнибуси“ за поедноставување на постојното законодавство на ЕУ во различни области, со цел поттикнување на одржливоста на корпорациите, поддршка за земјоделството и малите компании и зајакнување на дигитализацијата, одбраната и хемиската индустрија.

Во рамки на Советот ќе се одржи и деветтото сослушување за Унгарија, како дел од постапката против земјата покрената според член 7 од Договорот на ЕУ во септември 2018 година на предлог на Европскиот парламент.

Во иницијата на ЕП се бара покренување на постапка против Унгарија во врска со функционирањето на уставниот и изборниот систем, независноста на судството, борбата против корупцијата, заштитата на приватноста и личните податоците, слободата на изразување, вероисповедта , здружувањето и академската заедница, правата на еднаквост , на припадниците на малцинства, на мигрантите, барателите на азил и бегалците, како и економските и социјалните права.

За време на работниот ручек, министрите ќе се расправаат за предлогот на Еврокомисијата за создавање на Европски штит за демократија.

Тагови: ЕУ ГАК

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Се соблече најубавата водителка

Елеонора Инкардона, заштитното лице на спортската платформа „DAZN“ – која публиката често има можност да ја види за време на преносите на натпреварите од Серија А – сподели неколку фотографии од својот одмор на социјалните мрежи.

Фото: Се соблече најубавата водителка

Атрактивната водителка покажа делови од своето секојдневие надвор од телевизиското студио – од времето поминато покрај базенот и шетањето на кучето, до тренинзите, дружењето и уживањето во локалните специјалитети.

„Мало бегство, токму она што ми требаше“, напиша Елеонора Инкардона покрај секси фотографии во бикини.

Најголемата популарност ја стекна токму преку ангажманот на „DAZN“, каде што ги следи натпреварите од Серија А и големите фудбалски настани.

Паралелно со телевизиската работа, таа изгради и голема публика на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Меган Фокс непрепознатлива

Една од најубавите актерки во Холивуд, атрактивната Меган Фокс веќе неколку месеци изненадува со својот изглед. 

Фото: Меган Фокс непрепознатлива

Видео на филмската платформа Letterboxd, во кое актерката Меган Фокс и режисерката Кери Кусама ги препорачуваат своите омилени филмови, предизвика низа реакции на социјалните мрежи.

Многу од нив се однесуваа на физичкиот изглед на 40-годишната актерка.

Иако снимката беше објавена во почетокот на октомври 2026 година, средбата била снимена уште во октомври 2025 година, за време на специјална проекција на филмот „Jennifer's Body“ во Музејот на филмската уметност на Академијата во Лос Анџелес.

Во видеото, Фокс издвојува наслови како „Braveheart“, „The Lion King“ и „Ninja Turtles II“, како и филмскиот серијал за Хари Потер.

Сепак, откако некои корисници во коментарите заклучија дека актерката е непрепознатлива и почнаа да шпекулираат за можни естетски зафати, платформата Letterboxd ја оневозможи опцијата за коментирање на објавите на својот официјален профил на Инстаграм.

„Што се случи со Меган Фокс што сите ја знаевме? Боже, таа се уништи себеси...“, „Меган Фокс како Џигсо за Ноќта на вештерките“, „Изгледа како член на семејството Адамс“, „Целосно си го уништи лицето.

Каква штета“ – беа само дел од коментарите.

Дел од јавноста застана во одбрана на актерката, истакнувајќи дека видеото е снимено осум месеци откако таа го родила своето четврто дете, како и дека периодот по породувањето носи природни промени во изгледот. Некои укажаа и на можното влијание на осветлувањето и шминката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Како Џеф Безос го убеди „Ферари“ да го направи својот прв електричен автомобил

На една конференција, шефот на Ферари раскажа дека Џеф Безос му рекол оти не знае многу за автомобили, но знае многу за иновации, како и дека Ferrari треба сериозно да размисли за електричните возила.

Како Џеф Безос го убеди „Ферари“ да го направи својот прв електричен автомобил

Претседателот на Ферари, Џон Елкан, откри дека разговорот од 2016 година со основачот на Амазон, Џеф Безос, одиграл клучна улога во одлуката на италијанската компанија сериозно да го разгледа развојот на електричен автомобил.

На конференцијата, Елкан сподели дека Безос тогаш му рекол оти не знае многу за автомобили, но знае многу за иновации, и дека Ферари треба сериозно да размисли за електричните возила. Десет години подоцна, Ферари го претстави моделот „Luce“ – подготвен за сериско производство и прв целосно електричен модел на компанијата.

„Luce“ предизвика значителни реакции, не само поради својот електричен погон, туку и поради дизајнот. Надворешниот и внатрешниот дизајн беа развиени од студиото „LoveFrom“, во чиј тим е вклучен и поранешниот дизајнер на Apple, Џони Ајв.

Сепак, Ферари истакнува дека Luce останува верен на наследството на брендот во поглед на перформансите. Автомобилот располага со четири електромотори кои испорачуваат вкупна моќност од 1.050 КС и забрзува од 0 до 100 км/ч за само 2,5 секунди.

Батеријата со капацитет од 122 kWh овозможува деклариран досег од 530 км – што е донекаде скромна бројка со оглед на големината на батеријата. Цената е исто така нетипична за електрични автомобили.

„Ferrari Luce“ чини околу 550.000 евра во Европа, а се очекува цената во САД да биде приближно иста. Џон Елкан нагласува дека Ferrari немал намера да создаде контроверзен автомобил; напротив, разговорот со Безос ја зацврстил убеденоста на компанијата дека треба да ја прифати електрификацијата, пренесува b92.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер