Шоу биз

Гага, Клуни и Гарнер нови членови на Комитетот за уметност и хуманитарни науки на претседателот

Гага, Клуни и Гарнер станаа членови на Комитетот за уметност и хуманитарни науки на претседателот на САД

Џо Бајден потпиша указ за назначување неколку познати културни дејци за членови на Комитетот за уметност и хуманитарни науки при претседателот на САД.

Како што се наведува во соопштението, копретседатели на комитетот ќе бидат пејачката Лејди Гага и продуцентот Брус Коен. Двајцата се добитници на многу награди како Оскар. Гага е добитничка на 13 награди Греми, таа ја пееше американската химна на инаугурацијата на Бајден во 2021 година.

Коен соработуваше со администрацијата на Барак Обама, помагајќи на тогашната прва дама Мишел Обама на проект за поддршка на семејствата на војниците и ветераните. Леди Гага има добиено 13 награди „Греми“.

Останати именувани членови на Комитетот се актерите Џорџ Клуни и Џенифер Гарнер, музичарот Џон Батист, Констанс Керол, претседател на Асоцијацијата на дипломци од општинските колеџи на Калифорнија. Потоа, Филип Делориа, професор по историја на универзитетот Харвард, Нора Халперн историчарка на уметноста и куратор на многу авторски проекти.

Претседателскиот Комитет за уметност и хуманитарни науки е формиран во 1982 година како консултативен совет при Белата куќа, „за развој на уметничкото и хуманитарното образование, културна дипломатија и креативни индустрии“.

Во 2017 година Комитетот привремено запре со работа во знак на протест против Доналд Трамп, откако некои членови го критикуваа тогашниот претседател за попустливост на кон протестите на екстремната десница и повикаа негова оставка.

Работата на Комитетот беше обновена од Бајден во 2022 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Седница на главниот штаб за кризи: Водата во Гостивар останува забранета за употреба

Водата во Гостивар се уште не е безбедна за пиење и останува да се користи исклучиво за технички потреби.

Ова денеска го соопшти министерот за внатрешни работи Панче Тошковски по седницата на Главниот штаб за управување со кризи. На состанокот било одлучено во наредниот период да се интензивираат контролите на квалитетот на водата, се додека не се добијат три последователни исправни микробиолошки анализи. До тогаш, жителите ќе продолжат да добиваат флаширана вода, а според Тошковски, досега се дистрибуирани речиси 600 илјади литри. Во меѓувреме, продолжува хиперхлорирањето на водоводниот систем. Тошковски вели дека присуство на хлор е регистрирано на сите контролни точки, што е показател дека дезинфекцијата се одвива успешно. Паралелно се испира примарната мрежа, за што упати и апел граѓаните да ги отвораат чешмите за да се исчисти и секундарната водоводна мрежа во домовите.

Од ЈП „Водовод и канализација“ велат дека бактеријата Proteus mirabilis ( проетус мирабилис), која беше пронајдена во дел од примероците, е очекувана поради застојот на водата во системот за време на целосната забрана за користење.

Во меѓувреме, Министерството за здравство информира дека вчера биле регистрирани 78 прегледи, шест помалку од претходниот ден. За споредба, на 18 јули, кога беше врвот на кризата, биле евидентирани 650 прегледи. Според здравствените власти, во овој момент состојбата е стабилна, а бројот на пациенти постепено се намалува.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нов круг преговори меѓу Либан и Израел во Рим

Во Рим денеска почнa седмиот круг преговори меѓу Либан и Израел со посредство на САД, насочен кон спроведување на рамковниот договор постигнат во јуни.

Разговорите се фокусирани на постепено повлекување на израелските сили од јужен Либан, распоредување на либанската армија во ослободените подрачја и решавање на преостанатите гранични прашања. Либанската влада соопшти дека работи на договор што би довел до целосно повлекување на израелските сили, додека Вашингтон нагласува дека процесот мора да се одвива постепено за да се избегнат нови безбедносни ризици. Преговорите во Рим ќе траат до 6 август и треба да постават основа за поширок мировен и безбедносен договор меѓу двете земји.

Тагови: Израел Либан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Министерот за полиција сега ќе ја анализира водата во Гостивар - додека граѓаните сѐ уште се трујат

Паче Тошковски, министер за внатрешни работи, најави „почести анализи“ на водата во Гостивар.

Министер за полиција ќе ја проверува водата?

Каде е министерот за здравство Клековски?

И тој е на екскурзија како Мицкоски?

Нема место на светот каде министер за полиција што до вчера се занимаваше со хиперхлорирање, денеска станува стручњак за анализи на вода.

Што работеа досега?

Зошто дури сега најавуваат анализи?

Водата беше прогласена за „технички исправна“ само затоа што тоа го рече Мицкоски.

Нема официјален документ.

Нема потпис.

Никој не сака да преземе одговорност.

Директорот на Дирекцијата за заштита и спасување Стојанче Ангелов вчера јавно потврди дека има бактерија.

Повторно се врши хиперхлорирање.

Кога се прави хиперхлорирање - водата не е за употреба, ниту за капење.

Граѓаните сѐ уште ги мијат садовите и се капат со вода што содржи опасна бактерија.

Сѐ ова се случува само за да се спаси лажната изјава на Мицкоски.

Обвинителството мора веднаш да застане на страната на граѓаните и да покрене кривична одговорност против:

• Христијан Мицкоски

• Сашо Клековски

• Паче Тошковски

За свесно загрозување на здравјето на граѓаните на Гостивар.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.