Г.г Стефан: Иако живееме во време на многу книги нема покорисна книга од онаа во која е содржано словото Божјо - Канал 5

Македонија

Г.г Стефан: Иако живееме во време на многу книги нема покорисна книга од онаа во која е содржано словото Божјо

Со свечена литургија во соборниот храм „Свети Никола“ во Штип и литија, денеска е одбележан празникот на патронот на градот.

Г.г Стефан: Иако живееме во време на многу книги нема покорисна книга од онаа во која е содржано словото Божјо

Со литургијата чиноначалствуваше Архиепископот Охридски и Македонски г.г Стефан, како и митрополити на епархии и свештеници од Брегалничката епархија. Поглаварот на МПЦ-ОА г.г Стефан се обрати и пред верниците говорејќи за патронот и заштитникот на градот Штип, Свети Николај.

- Свети Николај патронот и заштитникот на Штип е светител за кого е речено дека целиот свој живот се придржувал на сите христијански добродетели: верата, надежта и љубовта, а денес можеби како никогаш досега потребни ни се светителите, божјите угодници. Иако живееме во време на многу книги нема покорисна книга од онаа во којашто е содржано словото Божјо. Имаме многу градби, но најпотребни ни се оние во кои се вселил светиот дух, има и многу луѓе кои говорат, но најпотребен ни е сведок на живиот Бог. Потребен ни е Богоугодник, порача г.г Стефан.

Архиепископот Охридски и Македонски истакна и дека Свети Николај во годините наназад го штител народот и се молел за сите.

- Молитвите остануваа исти, да се грижи за градот Штип, за граѓаните, за Брегалничката епархија, истакна г.г. Стефан.

По богослужбата верниците се упатија кон шеталиштето „Ванчо Прќе“ каде што се кршеше славскиот колач.

Мир, развој на градот и бериќет посака градоначалникот на Штип, Иван Јорданов, по повод денешниот празник.

- Денеска имавме една утринска литургија, потоа литија. Посакувам мир, бериќет, напредок, развој во нашиот град, Штипјани масовно го слават Свети Никола, на нив им посакувам добро здравје и за многу години, рече Јорданов.

Со исти желби се и граѓаните, кои велат традицијата се негува, се слави ликот и делот на заштитникот на градот.

Настаните за одбележување на празникот Свети Никола во Штип започнаа од вчеравечер, кога се одржа свечена седница, а се доделија и орденот и признанијата „Свети Никола“.

Тагови: Г.г Стефан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Јанчев: ЈЗУ Општа болница со проширена дејност Кавадарци доби нов ЕМГ кабинет

Денеска официјално го промовиравме новиот ЕМГ кабинет во ЈЗУ Општа болница со проширена дејност Кавадарци, објави на социјалните мрежи градоначалникот Митко Јанчев. 

Јанчев: ЈЗУ Општа болница со проширена дејност Кавадарци доби нов ЕМГ кабинет

-ЈЗУ Општа Болница со проширена дејност Кавадарци.

Денеска официјално го промовиравме новиот ЕМГ кабинет во ЈЗУ Општа болница со проширена дејност Кавадарци, со што се прошируваат можностите за современа невролошка дијагностика и унапредување на здравствената заштита на пациентите од Кавадарци и регионот.

На промоцијата присуствуваа градоначалникот Митко Јанчев и директорот на Клиниката за неврологија, Јован Божиновски.

Електромиографијата (ЕМГ) е значајна дијагностичка метода за испитување на функцијата на периферните нерви и мускулите, која помага во откривањето и процената на различни невролошки состојби. Со воведувањето на оваа услуга, на пациентите им се овозможува полесен пристап до потребните дијагностички испитувања, без потреба за патување во други здравствени установи за секоја ваква услуга.

Како раководство на болницата, остануваме посветени на модернизација на медицинската опрема, унапредување на стручните капацитети и создавање подобри услови за работа на здравствените работници и поквалитетна здравствена грижа за пациентите.

Наш приоритет е здравјето на граѓаните и постојаното унапредување на здравствените услуги што им се достапни, стои во објавата на Јанчев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Хаос во Сплит – 500 хулигани се тепаа на ривата пред 100 полицајци

Во центарот на Сплит синоќа дошло до судир меѓу навивачите на Хајдук и Ајакс, по што се уапсени 57 лица.

Видео: Хаос во Сплит – 500 хулигани се тепаа на ривата пред 100 полицајци

Според извештаите на хрватските медиуми, околу 150 припадници на навивачката група на хајдук, „Торцида“ ги нападнале навивачите на холандскиот клуб, а полицијата брзо интервенирала за да спречи поголеми нереди.

Меѓу уапсените има 19 холандски државјани. Се наведува дека кај нив биле пронајдени ножеви и школки, а изречени им се седумдневни затворски казни, како и двегодишна забрана за пристап до „Пољуд“ и Сплит.

По повод инцидентите, претставникот на Здружението на навивачи на Ајакс, Фабијан Нагцам, даде изјава за телевизијата AT5, барајќи силна реакција од УЕФА.

Тој нагласи дека безбедноста на гостинските навивачи мора да биде приоритет и предупреди на можноста од повторување на слични напади при гостувањата на европските натпревари.

Натпреварот меѓу Хајдук и Ајакс на стадионот „Пољуд“ ќе се одигра вечерва со почеток од 18:45 часот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Собранието одбележан Меѓународниот ден на белиот стап

Настанот заврши со дебата во која активно се вклучија и лицата со попреченост, кои имаа можност да ги споделат своите искуства, предизвици и предлози за подобрување на пристапноста и остварувањето на нивните права.

Во Собранието одбележан Меѓународниот ден на белиот стап

Интерпартиската парламентарна група (ИППГ) за правата на лицата со попреченост, во соработка со Државното училиште за рехабилитација на деца и младинци со оштетен вид „Димитар Влахов" и Националниот сојуз на слепи и Зета - Организација за попреченост и правда, денеска, во Собрание организираше настан по повод Меѓународниот ден на белиот стап.

Настанот, во улога на модератор го отвори Елена Кочоска која ги поздрави присутните и изрази благодарност до Собранието за организацијата на овој настан.

Никола Мицевски, претседавач на ИППГ за правата на лицата со попреченост, во своето обраќање истакна дека секој човек има право на независен живот, како и на пристап до образование и здравствена заштита. Тој нагласи дека пристапноста не е дополнителна придобивка, туку неопходен чекор кон еднаквоста, повикувајќи на почитување на различностите и отстранување на бариерите со кои се соочуваат лицата со попреченост.

Александра Јаковчевска, директорка на Државното училиште за рехабилитација на деца и младинци со оштетен вид „Димитар Влахов“, се осврна на предизвиците со кои се соочува училиштето во секојдневното функционирање, како и на спроведените реформи насочени кон создавање услови учениците да се чувствуваат пријатно, да ги извршуваат своите обврски и успешно да се образуваат.

Валентина Ѓурчиновска, претседателка на Здружението на слепи и лица со оштетен вид – Скопје, ги посочи проблемите со кои се соочуваат слепите лица и лицата со оштетен вид во секојдневниот живот, нагласувајќи ја потребата од континуирана поддршка и унапредување на условите за нивно независно функционирање.

Во продолжение на настанот, модерирањето го презема, Кристијан Лазарев, кој му даде збор на Ѓоко Велковски, министер за социјална политика, демографија и млади, кој истакна дека Министерството е во постојана комуникација со организациите што ги застапуваат лицата со попреченост и работи на конкретни законски реформи за унапредување на нивните права. Тој нагласи дека институционалната поддршка и координираната соработка меѓу надлежните институции и лицата на кои им е потребна помош се клучни за постигнување вистинска еднаквост.

Министерката за образование и наука, Весна Јаневска, се осврна на активностите на училиштата и Министерството во насока на унапредување на инклузивноста во образовниот процес. Таа истакна дека целта е секој човек да има еднаква можност да го развива својот потенцијал и самостојно да ја гради својата иднина, посочувајќи ги промените што се преземаат за зголемување на самостојноста на лицата со попреченост.

Портпаролката на Владата, Марија Митева, говореше за активностите на Владата во оваа област, нагласувајќи дека во изминатиот период се преземени конкретни чекори за поддршка на лицата со попреченост. Таа посочи дека обврска на институциите е донесените мерки и решенија да ги доближат до лицата на кои им се потребни, со цел тие да можат полесно да ги остваруваат своите права.

Министерот за дигитална трансформација, Стефан Андоновски, истакна дека сè уште постојат предизвици во однос на пристапот до дигиталната инфраструктура. Тој нагласи дека целта е секој граѓанин да може самостојно, едноставно и брзо да ги завршува административните обврски преку дигитални услуги, без потреба од посета на шалтери. Во таа насока, тој ја истакна важноста на предлозите и дискусијата отворени во рамките на денешниот настан.

Пратеничката Емилија Ангелова, членка на ИППГ за правата на лицата со попреченост, сподели дека нејзиното професионално искуство со лицата со попреченост ѝ овозможило да научи значајни лекции за потребата од еднаквост, разбирање и почитување. Таа нагласи дека пристапот до институциите не е привилегија, туку човеково право, посочувајќи дека зад секое лице со попреченост стои личност со сопствени соништа, цели и потенцијал. Наместо да се создаваат пречки, неопходно е да се обезбедат услови за нивно рамноправно учество во општеството.

Настанот заврши со дебата во која активно се вклучија и лицата со попреченост, кои имаа можност да ги споделат своите искуства, предизвици и предлози за подобрување на пристапноста и остварувањето на нивните права.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер