Функционер на Хамас најави договор за ослободување на заложниците во „наредните часови“

 Високиот функционер на Хамас Изат Ришeк денеска изјави дека може да се постигне договор во „следните часови“ врз основа на кој палестинската организација ќе ги ослободи заложниците, а Израел палестински затвореници.

Лидерот на Хамас, Исмаил Ханије, кој живее во егзил, претходно изјави дека постигнувањето договор е блиску, но слични предвидувања во изминатите недели се покажаа како прерани, потсетуваат светските агенции.

Израел, САД и Катар со недели посредуваат за ослободување на заложниците и паралелен прекин на огнот во Газа и испорака на повеќе хуманитарна помош.

Досега Хамас ослободи четири жени, а Израел две. Телата на две Израелки неодамна беа пронајдени во близина на болницата Ал Шифа на северот од Појасот Газа.

- Нема да престанеме да се бориме додека не ги вратиме заложниците дома, не го уништиме Хамас и не обезбедиме повеќе да нема закана од Газа, изјави синоќа израелскиот премиер Бенјамин Нетанјаху по состанокот со претставниците на семејствата на заложниците.

Исламската екстремистичка организација Хамас и нејзините сојузници зедоа околу 240 заложници во Појасот Газа за време на нападите на 7 октомври во северен Израел, во кои исто така загинаа повеќе од 1.200 луѓе, главно цивили.

Министерот за национална безбедност на Израел, Итамар Бен Гвир утрово објави изјава во која предупредува за евентуалниот договор за заложниците.

- Многу сум загрижен затоа што се зборува за некаков договор … не ни откриваат детали и не ни ја кажуваат вистината. Гласините се дека Израел повторно ќе направи голема грешка на сличен начин како договорот за со Шалит, се вели во изјавата.

Тој изрази загриженост дека „договорот што може да донесе катастрофа“, наведувајќи го „можното ослободување на палестинските затвореници“, како и дозвола за внес на гориво во Појасот.

Во јуни 2006 година, милитантите на Хамас го киднапирале израелскиот војник Гилад Шалит. Тој бил заложник на Хамас до 18 октомври 2011 година, кога бил разменет за 1.027 палестински затвореници.

Видео: Аеродром со најголемиот затворен водопад во светот!

Сингапурскиот „Скапоцен камен“ од 10 ката ги остава туристите без здив!!

Во срцето на Сингапур се наоѓа вистинскиот „дијамант“меѓу светските аеродроми – аеродромот Чанги.

Овој аеродром не е само порта кон другите делови на светот, туку и независно искуство кое остава неизбришлива трага во меморијата на патниците од целиот свет.

Аеродромот преставува беспрекорна комбинација на луксуз, иновација и природа, која ги остава сите без здив.

Четирите терминали на аеродромот и неговата централна атракција, „Jewel Changi“, формираат комплекс кој ги комбинира уметноста, архитектурата и природата во една импресивна структура.

Терминалите на аеродромот Чанги нудат широк спектар на услуги и капацитети за патниците. Од луксузни бутици и светски познати брендови во трговски центри до широк избор на ресторани кои нудат разновидна гастрономска понуда, патниците можат да уживаат во различни искуства додека го чекаат својот лет. Терминалите се опремени и со бројни салони, објекти за забава и области за релаксација, обезбедувајќи им на патниците удобност и забава додека чекаат. Неговата репутација како еден од најдобрите аеродроми во светот дополнително ги привлекува патниците кои бараат врвно патувачко искуство.

Десеткатниот комплекс „Jewel Changi“, е поврзан со терминалите 1, 2 и 3, и го претставува врвот на понудата на аеродромот. Овде има бројни атракции, вклучувајќи импресивна градина со висечки градини, спектакуларна фонтана за вода, кино на отворено и мноштво продавници и ресторани. Неговата локација на раскрсницата на воздушните линии меѓу Азија, Европа, Австралија и Америка го прави аеродромот Чанги идеална точка за поврзување и патување низ светот.

За сите патници на аеродромот посебно импресивен е водопадот „The Rain Vortex“.

Спектакуларниот водопад наречен „The Rain Vortex“, највисокиот затворен водопад во светот. Овој водопад на „Jewel Changi“, е централната атракција на аеродромот Чанги во Сингапур.

Со висина од 40 метри, овој импресивен водопад создава спектакуларна глетка додека водата тече низ стаклената купола на аеродромот. Во вечерните часови, водопадот станува уште повпечатлив кога е осветлен со разнобојно LED осветлување, создавајќи магична атмосфера за патниците и посетителите.

Инаку, иако аеродромот Чанги во Сингапур постои повеќе од 40 години, тој го доби својот модерен изглед во последните неколку години.

Во тек реставрација на пештерската црква „Света Богородица“ на островот Мал Град, кај Пустец

 Со европски пари се реставрира црквата „Света Богородица“ на островот Мал Град, кај Пустец, Мала Преспа, под надѕор на Регионалната дирекција за национална култура од Корча.

-Во тек е реставрацијата на црквата „Света Богородица“ на островот Мал Град, каде на виделина излегуваат дел од извонредни византиски фрески. Во исто време се поставува и надворешната врата, изработена врз основа на оригиналната, која се наоѓа во Музејот на средновековна уметност во Корча, објави општина Пустец. Со овој прекуграничен проект кој е продолжение на проектот „SmartCulTour“ ќе биде санирана и патеката до неа, а ќе биде поставено и осветлување на островот, информираа од општина Пустец.

Додаваат дека проектот е финансиран од Европската Унија преку ИПА Програмата за прекугранична соработка и со заложба на општините Битола и Пустец, како и Дирекцијата за музеи од Битола, Регионалната дирекција за културно наследство Корча и Младинскиот културен центар од Битола.

Оценуваат дека „оваа соработка ќе го подигне односот меѓу нашите институции и држави на друго ниво“

Пештерската црква „Света Богородица“, со својот фрескоживопис отскокнува од другите пештерски цркви расфрлани по бреговите на Преспанското и Охридското Езеро.

Островот Мал Град се наоѓа на три километри североисточно од Пустец на југоисточниот брег на Преспанското Езеро.

Врз основа на записите сочувани на неа, оваа црква претрпела три измени. Во првиот натпис пишува дека основач на црквата е Бојко со жена му Евдокија во 1345 година. Во вториот натпис, пишува дека црквата е возобновена во 1369 година од Кесар Новак, неговата жена Кали, неговиот син Амирал и неговата ќерка Марија. А, третиот натпис датира во 1607 година, кога е насликана надворешната западна фасада. Внатрешноста на црквата е целосно живописна и е доста позната по ѕидните фрески од византискиот палеолошки стил.

Видео: Ники Минаж уапсена поради дрога, снимила се и објавила: „Ме наместија“

Контроверзната раперка Ники Минаж е уапсена на аеродромот Шипхол во Амстердам во Холандија, јавуваат локалните медиуми, а пренесува Скај њуз. 

Раперката го снимила нејзиното апсење и се` објавила на социјалните мрежи.

На снимката се слуша како полицаецот и вели: „Ти си уапсена“.

"Се обидоа да ме спречат да дојдам на концертот. Ми ги земаа торбите пред да ги видам. Ги ставија во авионот. Сега велат дека чекаат царина. Вака изгледа кога луѓето се дебело платени пари за да се обидат да ја саботираат турнејата откако сè останато не успеало“, се пожалила таа.

Холандската полиција соопшти дека 41-годишна Американка била уапсена под сомнение дека поседувала лесни дроги, но не го навела името на жената за која станува збор. Уметницата наводно се подготвувала да лета за Манчестер на концерт во арената Co-op Live каде што требало да настапи.

притисни ентер