Фудбалерите на Манчестер јунајтед шокирани од мерките за штедење - Канал 5

Фудбал

Фудбалерите на Манчестер јунајтед шокирани од мерките за штедење

 Мерките за штедење на сите нивоа во Манчестер Јунајтед се видливи и во најновата одлука на клупското раководство со која играчите ќе имаат право на само два бесплатни билети за финалето на Лигата на Европа.

Фудбалерите на Манчестер јунајтед шокирани од мерките за штедење

Исто така, играчите ќе можат да купат максимум десет билети за финалето против Тотенхем, кое е закажано за 21 мај во Билбао на стадионот „Сан Мамеш“, објавија денеска британските медиуми.

Бесплатните билети се откажани за вработените во Јунајтед, а раководството го оправдува ова со желбата што е можно повеќе билети да им бидат достапни на навивачите.

Манчестер јунајтед и Тотенхем имаат право на по 15 илјади билети.

Медиумите наведуваат дека показател колку далеку ќе одат заштедите во Манчестер јунајтед е и најавата дека доколку „Црвените ѓаволи“ ја освојат Лигата на Европа, нема да има прослава во луксузен ресторан, туку ќе биде организирана скара во тренинг центарот „Карингтон“.

Рестриктивните мерки за штедење почнаа откако британскиот милијардер Џим Ратклиф стана најголем поединечен акционер на Манчестер јунајтед. Најпрво, 250 вработени во клубот беа отпуштени, потоа цената на одредени категории влезници се зголеми, а на преостанатите вработени им беше укинат бесплатниот ручек.

Клубот од „Олд Трафорд“ го освои својот последен европски трофеј во 2017 година, кога го победи Ајакс (2-0) во финалето на Лигата на Европа во Стокхолм.

Тагови: Манчестер Јунајтед

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Вечерва Бела ноќ во Скопје

Вечерва од 19:00 до 03:00 часот, плоштадите, мостовите, галериите, музеите и чаршијата ќе бидат места за нови доживувања и средби што се паметат.

Вечерва Бела ноќ во Скопје

- Има ноќи во кои градот се доживува поинаку. Ноќи во кои улиците стануваат сцена, уметноста ни доаѓа во пресрет, а музиката нè спојува. Скопје повторно ќе живее една таква ноќ, нашата Бела ноќ! Ве поканувам заедно да го исполниме Скопје со љубопитност, насмевки и енергија и да ја почувствуваме неговата креативна сила – истакна Градоначалникот на Град Скопје, Орце Ѓорѓиевски.

Само за „Бела ноќ“, работното време на угостителските објекти на подрачјето на Град Скопје се продолжува за два часа, за дружењето и убавата атмосфера да траат подолго.

За сите полесно да бидат дел од оваа ноќ, превозот со ЈСП ќе биде бесплатен од 18:00 часот на 3 октомври до 05:00 часот на 4 октомври.

Во рамките на „Бела ноќ“, бесплатен ќе биде и влезот во Зоолошката градина Скопје.

Уметноста ве очекува на плоштадот „Мајка Тереза“, на платото пред МОБ, во МКЦ, на Мостот на уметноста, на Боемска улица и во Старата скопска чаршија.

Дел од оваа ноќ ќе бидат и Музејот на Град Скопје, „Аудио Култура“, Домот на градежници, „Мала станица“, ДКЦ „Карпош“, Градската библиотека, Чифте амам, улицата „Македонија“ и Музејот на современа уметност.

Излезете со семејството, повикајте ги пријателите и одберете ја својата прва станица. Дозволете му на Скопје да ве изненади со нешто што досега не сте го виделе, слушнале или почувствувале.

Бела ноќ е покана за сите генерации, за сите што го сакаат овој град и за сите што допрва ќе го доживеат.

Да ги наполниме улиците со живот и да создадеме уште еден убав спомен за нашето Скопје!

Тагови: Бела ноќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски на увид на градежни активности на мостот на улица „Љубљанска“ во Карпош

Претседателот на Владата на Македонија, Христијан Мицкоски ќе изврши увид на градежни активности на мостот во изградба на улица „Љубљанска“ во Општина Карпош.

Мицкоски на увид на градежни активности на мостот на улица „Љубљанска“ во Карпош

По завршување на увидот предвидено е премиерот да даде изјава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај во Скопје поради фудбалски натпревар на арената „Тодор Проески“

Вечерва  со почеток од 20:45 часот ќе се одржи фудбалски натпревар од Лига на нации помеѓу репрезентациите на Македонија и Шкотска на арената „Тодор Проески“ во Скопје.

Посебен режим на сообраќај во Скопје поради фудбалски натпревар на арената „Тодор Проески“

Од тие причини СВР Скопје – Единицата за безбедност на патниот сообраќај ќе преземе мерки за посебен режим на сообраќајот.

Апел до сите граѓани учесници во сообраќајот да се почитуваат наредбите кои ќе ги даваат униформираните полициски службеници.

Тагови: Посебен режим

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер