Фудбалерите за да се спасат , се обидоа да им избегаат со автомобил. Кога видоа дека не може да им избегаат , Колашинац излезе од автомобилот и со голи раце се одбрани себеси и својот колега.

„Мислев дека се крадци кои ги сакаат нивните часовници, но потоа на играчите им било кажано дека сакаат сè што имаат. Станува збор за гангстери кои сакаат да покажат дека не биле исплашени“, изјави извор близок до еден од играчите за „The Sun“ пред една недела. После тоа се појави веста дека сопругата на Сеад Колашинац го напуштила Лондон од страв од гангстерски напади.

Минатата недела двајца членови на бандата беа уапсени пред куќата на Месут Озил, а сега се појавија нови информации за гангстери кои им се закануваат на играчите на Арсенал.

Британските експерти тврдат дека проблемот е многу поголем од обидот за кражба и тврдат дека уличните банди се пресметуваат преку Колашинац и Озил околу чии куќи сега има има кучиња чувари и телохранители.

Еден од познавачите е Весли Кларксон, кој е запознаен со подземјето на Островот.

„Колашинац и Озил не беа виновни, туку се најдоа меѓу две банди среде нивната војна. Една од овие банди е од стар ков, турска, која владее со северен Лондон со години, додека другата е составена од источноевропски мафијаши кои се таму десетина години. Тие се во еден вид војна за територија , односно фудбалерите се таа територија “, раскажува Кларксон, додавајќи:

„Ова е класичен пример за она што се случува низ Британија во последните десет години. Единствената разлика е во тоа што новите банди се многу побрутални, тие не се грижат за колатерална штета и дека тоа се само фудбалери “.

Двајцата припадници на турската банда веќе се веќе уапсени. Станува збор за 27-годишните Ферхат Ерџан и Саламан Екинчи, кои треба да се појават на суд на 6 септември.