Фреди Меркјури има ќерка? - Канал 5

Шоу биз

Фреди Меркјури има ќерка?

„Фреди Меркјури имаше тајна ќерка со која беше во близок однос сè до својата смрт во 1991 година.“

Фреди Меркјури има ќерка?

Не се шегуваме, ова стои во новата биографија за фронтменот на „Queen“. Во книгата „Љубов, Фреди“, авторката Лесли-Ан Џонс наведува дека детето било случајно зачнато за време на аферата на Фреди со сопругата на негов близок пријател во 1976 година.

Се наведува дека Меркјури редовно ја посетувал својата ќерка и ѝ дал 17 тетратки кои биле детални лични дневници кои таа ги чувала во тајност. Жена позната само како Б, која има 48 години и работи како здравствен работник некаде во Европа, ја споделила (наводно) содржината на тие дневници со рок биографката Лесли-Ан Џонс за потребите на книгата.

Наводните дневници на Фреди

Книгата содржи и рачно напишано писмо од наводната ќерка на Меркјури, која сака да остане анонимна, во кое пишува: „Фреди Меркјури беше и е мој татко. Имавме многу блиска врска од времето кога се родив и низ последните 15 години од неговиот живот. Тој ме обожаваше и ми беше посветен.“ Се верува дека само најблиските на Меркури знаеле за неговото постоење.

Пејачот, се чини, почнал да пишува дневници од 20 јуни 1976 година, кога наводно дознал за бременоста. Во нив, тој го опишува своето детство на Занзибар, каде што е роден како Фарук Булсара на 5 септември 1946 година, како и своето образование во британскиот интернат во Индија. Исто така, опишува како неговото семејство морало да избега од Занзибар по револуцијата во 1964 година и да се насели во Мидлсекс, северозападно од Лондон.

Последниот запис во тетратката е направен на 31. јули 1991 година, додека неговото здравје се влошувало. Починал на 45-годишна возраст од бронхијална пневмонија предизвикана од СИДА.

Неговата наводна ќерка: „Време е Фреди да проговори“

Во друго писмо вклучено во книгата, Б објаснува зошто одлучила да ги сподели дневниците на Меркјури по 30 години. „По повеќе од три децении лаги, шпекулации и искривување на вистината, време е Фреди да проговори. Тој ми ја довери својата колекција од приватни тетратки - мене, неговото единствено дете и законски наследник - запишани мисли, спомени и чувства за сè што преживеал“, напишала неговата наводна ќерка.

Авторот на книгата „Љубов, Фреди“, Џонс, вели дека Б првпат ја контактирала пред три години. Таа за Дејли меил изјавила: „Мојата прва реакција беше сомнеж, но сега сум апсолутно сигурна дека не е фантазија. Никој не можеше да го измисли сето ова. Зошто некој би работел со мене три и пол години, а да не бара ништо за возврат?“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Директорот на БЈБ Јанев во работна посета на Полициското одделение и Граничниот премин Ново Село

Вчера (23.06.2026) директорот на БЈБ Јанев оствари работни посети во Струмица, Полициското одделение Ново Село и Граничниот премин Ново Село, каде се запозна со состојбите и предизвиците на полициските службеници на терен.

Директорот на БЈБ Јанев во работна посета на Полициското одделение и Граничниот премин Ново Село

На средбите беше разговарано за безбедносната состојба, одржувањето на јавниот ред и мир, како и за спречување на прекуграничниот криминал. Посебен акцент беше ставен на унапредување на условите за работа, техничката опременост и зајакнување на координацијата со надлежните служби и соседните држави.

Беше истакнато дека ГП Ново Село е важна точка за проток на патници и стоки, при што останува приоритет обезбедување на ефикасна, професионална и безбедна услуга за граѓаните.

Тагови: БЈБ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Во изминатите 24 часа најмногу дожд во Битола, Демир Капија и Виница

Дадените вредности за количината на врнежи се измерени на дождомерните места на УХМР.

Во изминатите 24 часа најмногу дожд во Битола, Демир Капија и Виница

КОЛИЧИНА НА ВРНЕЖИ за изминатите 24 часа до 08 часот во (l/m2)

26 Битола, 24 Демир Капија, 21 Виница, 17 Лазарополе, 14 Берово, 13 Крива Паланка, 8 Гевгелија, 2 Скопје – Петровец, 1 Кавадарци, Крушево, Маврови Анови.

Забелешка: Дадените вредности за количината на врнежи се измерени на дождомерните места на УХМР. Поради локалноста на процесите, паднатата количина воден талог многу варира и на различни места може да е многу поголема од измерената.

Тагови: дожд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сообраќајот на државните патишта се одвива непречено, по суви коловози.

Интензитетот на сообраќај на патните правци надвор од градските средини е умерен.

Сообраќајот на државните патишта се одвива непречено, по суви коловози.

ВРЕМЕН РЕЖИМ НА СООБРАЌАЈ: На ден 23.06.2026 г. сообраќајот на патниот правец Прилеп- Битола близу железничката пруга Лознани е спроведен времен режим на сообраќај, сообраќајот ќе се одвива со пренасочување од магистралниот кон регионалниот пат заради изведување на градежни работи на терен.

СОСТОЈБА: Сообраќајот на државните патишта се одвива непречено, по суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона.

РАБОТИ НА ПАТ:

Од 21.05.2026 г. во 8 часот ќе се започне со изведување на градежни активности-санација на мостови на државен пат А2 делница Гостивар-Стража конкретно на мост бр.4 Вијадукт на Атанасова река и мост бр.7 Вијадукт на Дол и истата ќе трае до завршување на санацијата. Со таа цел ќе биде воспоставен времен режим на сообраќај кој ќе трае до самото завршување на градежните активности.

Од 14.04.2026 г. се изведуваат градежни активности на Државен пат А2 делница Гостивар – Стража на мост бр.7 Вијадукт на Дол. Со цел да може да се реализираат работите за санација на мостови, ќе биде воспостовен времен режим на сообраќај додека траат градежните активности.

Од 30.03.2026 година, ќе се изведуваат градежни активности на државен пат А2, мостови на А2 на реката Вардар во близина на с.Желино во двата правци (Скопје – Желино и Желино – Скопје), со цел санација на истите. Времениот режим ќе се спроведува согласно Одобрението за временска измена на режим на сообраќај издадено од Министерство за транспорт.

Од 13.03.2026 година започна со активности за изведба на премин на интерконективен гасовод под автопат А1 (М1) Пријателство, делница Смоквица – Гевгелија. На делницата се поставени знаци за времен режим на сообраќај.

На државниот пат А2 (скопска обиколница) се врши рехабилитација во должина од 250 метри од клучка Волково до клучка Кондово. Има поставено соодветна сигнализација за затворањето на левата сообраќајна лента за претекнување. Сообраќајот се одвива по лентата за движење (средна) и лентата за принудно запирање (десна).

Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани.

Тагови: АМСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер