Фрчкоски за „На кавга со Иван“: Од штипка на ногавиците преку министерствата до политички „Фројд“ на опозицијата - Канал 5

Македонија

Фрчкоски за „На кавга со Иван“: Од штипка на ногавиците преку министерствата до политички „Фројд“ на опозицијата

Во последната емисија од првата сезона на „На кавга со Иван“ гостуваше Љубомир Фрчкоски, кој на негов типичен но на моменти и атипичен начин ги коментираше актуелните и минатите политички случувања особено за „трите прива пред гранап“.

Фрчкоски за „На кавга со Иван“: Од штипка на ногавиците преку министерствата до политички „Фројд“ на опозицијата

Овој дипломат успеа со само една емисија да ја окупира целата јавност во Македонија, што се забележува и преку рекордна гледаност на Јутјуб каналот на емисијата и на извадоците од истата.

Познат по остриот јазик, со 35 години политичка кариера, Фрчкоски разговорот со Иван го започна, како што самиот вели, во добро расположение, но посочи дека како личност низ годините се променил. Вели дека се развил и созреал доволно, но дека и за некои работи „омекнал“.

„Сите страдаме од глупави и лоши политичари“ – рече Фрчкоски, а на констатацијата на водителот дека омекнал, како и на прашањето дали го “срозала” пријавата која неодамна ја добил од МВР, одговори решително:

– Напротив, тоа би ме заоштрило во нормални услови, ако реагирам како порано, би им се пуштил посилно со сите аргументи дека е тоа Монти Пајтоновска пријава – одговори Фрчкоски.

Разговорот за оваа тема, според Мирчевски, потекнува уште од времето на Бујар Османи, кога почнале белешките.

Мирчевски се осврна и на нивната прва средба што се случила во Карпош и го потсети дека дошол на гости кај една девојка, па потоа го праша дали се сеќава каде бил на 12 јуни 1996, а и дали тогаш имал инструкции да претставува и друга земја освен Македонците во НАТО на првата заедничка официјална средба?

Фрчкоски, како прв министер за надворешни работи, отишол на програма што се викала „индивидуална“, и зборувал во име на Македонија и Албанија, тврдејќи дека таа линија исток–запад се гледа како американска линија во регионот.

– Албанија и Македонија, па и Косово, се нашата регионална ориентација. Американците функционираат по таа линија и се спротивставуваат на српско–грчко–руската линија. Нашата линија за откачување и станување вистински независни беа Американците во ’92 и ’96 – што го потпишав јас со Милошевиќ – рече Фрчкоски.

„Каква голема Албанија, не се занесувај“

На спомнување на Бугарија како држава и прашањето во која линија таа припаѓа – Фрчкоски рече дека тоа е голема држава и дека има своја линија.

– Јас тогаш не бев како овие сегашни министри „пипиревка“ да играат, тогаш министрите за надворешни работи ја креираа политиката. Киро и јас. Киро одлучи за Американците и таа линија заедно со мене. Таа линија е многу важна за нас – изјави тој.

Според него, идејата за „Голема Албанија“ не треба да се сфаќа сериозно, и дека сојузот со Албанија е решение за доминирање на Балканот. Но на крајно несоодветен за политичар начин реагираше на огромниот процент на македонската јавност која не сака , под сегашните услови, Бугарите да бидат вклучени во нашиот Устав , при тоа нарекуваји ги како „оние кои со 3 пива седат пред гранап“

Остатокот од интервјуто погледнете го на линкот од Јутјуб.

YouTube video

Тагови: Љубомир Фрчкоски Македонија политика

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Холивудска ѕвезда „случајно“ го испушти пешкирот и остана гола (ВИДЕО)

Гвинет Палтроу повторно привлече внимание со необична кампања за нејзиниот бренд Goop Beauty.

Холивудска ѕвезда „случајно“ го испушти пешкирот и остана гола (ВИДЕО)

53-годишната актерка објави видео во кое стои среде цветно поле, завиткана само во бел пешкир, а на крајот од видеото, пешкирот паѓа и се појавува логото на нејзиниот бренд.

Видеото е објавено на Инстаграм како најава за новиот производ, но Палтроу не откри многу детали за тоа што доаѓа наскоро.

Најави нов производ за туширање

Таа напиша под снимката: „Сакате да се туширате со нас? Наскоро доаѓа нов додаток во вашиот дневен ритуал од Goop Beauty“.

Иако не откри за кој производ станува збор, од објавата е јасно дека е поврзан со нега на тело и рутина за туширање.

Најавата ги загрижи обожавателите

Нејзината најава предизвика бурни реакции, и додека некои напишаа дека изгледа прекрасно, многумина коментираа дека актерката изгледа премногу слаба. „Ова не е добро“, „Уф“, „Гвинет изгледа премногу слабо... Ова е загрижувачко“, „Изглед на холивудски скелетен изглед? Не, благодарам“, „Изгледа како скелетен“ и „Дали е добро?“, се само некои од коментарите.

Зошто го започна Goop

Според биографијата од 2025 година „Гвинет: Биографијата“ од Ејми Одел, личните искуства на Палтроу со здравјето, исто така, влијаеле врз лансирањето на Goop.

Како што пишува Одел, неколку години по смртта на таткото на актерката, Брус Палтроу, кој почина од рак на грлото во 2002 година, Палтроу почнала поинтензивно да се занимава со здравјето и да бара совети од различни лекари.

Според книгата, нејзината цел била да се адаптира и „оптимизира“ својот животен стил колку што е можно повеќе, што подоцна станало основа на филозофијата на нејзиниот бренд.

Тагови: пешкири

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Украина предупредува на нова руска тактика: Со дронови гаѓаат цивили (ВИДЕО)

Украинското воено разузнавање (HUR) денеска објави дека руските сили добиле наредби да ги интензивираат нападите со беспилотни летала врз цивилната инфраструктура и возилата по должината на фронтовската линија. 

Украина предупредува на нова руска тактика: Со дронови гаѓаат цивили (ВИДЕО)

Според нивните податоци, руските единици имаат специфични инструкции да ги таргетираат цивилните бензински пумпи, камиони, автобуси и автомобили, пишува Киев Пост.

Одмазда и нови тактики

Во Киев веруваат дека оваа кампања е одговор на зголемената фреквенција на украински напади врз руската логистика во задниот дел, која ги снабдува окупираните територии. HUR вели дека операцијата ја води елитната руска единица за беспилотни летала „Рубикон“, со поддршка на надворешни пилоти од редовни единици. Затоа, тие го повикаа населението во загрозените области да биде дополнително внимателно и да остане во засолништа за време на воздушните тревоги.

Руската војска планира да користи беспилотни летала со пренос на слики во реално време за овие напади, за разлика од беспилотните летала со долг дострел како што е „Шахид“, кои се водени од однапред поставени координати.

„Тие планираат да користат беспилотни летала контролирани во реално време, како што се системите Молнија-1, Молнија-2, Геран-Сикер, Гербера-Сикер, Лансет и V2U, за пребарување и уништување цели“, се наведува во извештајот на ХУР.

Инциденти и обвинувања за напади со лажно знаме

Украина, исто така, регистрирала неколку инциденти во кои руските сили, тврдат тие, ги погодиле сопствените војници поради лоша обука.

„Операторите на 1427-от моторизиран стрелачки полк на вооружените сили на Руската Федерација ја изгубиле ориентацијата и го насочиле дронот Молнија-2 кон цивилен автомобил УАЗ Буханка во близина на населбата Глушково во рускиот Курски регион“, се наведува во публикацијата. Тие додаваат дека дронот не ја погодил директно целта, туку експлодирал на околу десет метри од возилото.

ХУР, исто така, ги обвинува руските специјални служби за организирање напади со лажно знаме во руските гранични региони. „Руските специјални служби честопати насочуваат слични напади против сопственото цивилно население, што потоа Кремљ го користи за пропагандни цели за демонизација и дискредитација на Украина“, соопшти разузнавачката служба.

Еден таков пример е инцидентот во јуни, кога автобус што превезуваше детски фудбалски тим од Белорусија беше погоден во регионот Брјанск во Русија. Русија ги обвини украинските беспилотни летала за нападот, што Украина го негираше, велејќи дека станува збор за операција под лажно знаме. Инцидентот се случи во време на зголемени тензии и предупредувања дека Москва се обидува да го вовлече Минск во војна.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џони Деп призна дека го малтретирал Леонардо Дикаприо

Во филмската индустрија, вообичаено е поискусните актери да им помагаат на помладите колеги на почетокот на нивните кариери.

Џони Деп призна дека го малтретирал Леонардо Дикаприо

Леонардо Дикаприо немал толку среќа. На снимањето бил малтретиран од постариот Џони Деп, пишува списанието Far Out.

Сепак, таквиот третман не влијаел негативно врз неговата изведба. Иако бил релативно нов во светот на глумата, тој ја одиграл улогата беспрекорно и дури тогаш го покажал потенцијалот на една од најголемите ѕвезди на својата генерација, статус што подоцна го потврдил.

Иако строгоста на работа е вообичаена, носењето лични проблеми на работното место и изнесувањето фрустрации врз тинејџер е професионално проблематично. Сепак, зборуваме за Џони Деп, актер кој е познат и како барачки соработник.

Деп тогаш не бил ветеран. Имал 29 години кога, во ноември 1992 година, започнало снимањето на филмот „Што не е во ред со Гилберто Грејп“. За разлика од Дикаприо, кој наполнил 18 години две недели по почетокот на продукцијата, Деп веќе имал десет години искуство зад себе и номинација за Златен глобус.

Исповед на Џони Деп

ДиКаприо темелно се подготвил за улогата на Арни Грејп и поминал стотици часови истражувајќи го ликот. Сепак, на снимањето го сретнал лошо расположениот Деп, кој решил да ги истури своите необјасниви фрустрации врз својот помлад колега.

„Снимањето на тој филм беше тежок период за мене од некоја причина, не знам зошто“, се присети Деп. Актерот отворено зборуваше и за својата врска со Дикаприо надвор од снимањето. „Го мачев. Навистина го мачев“.

Се чини дека Деп најмногу го иритирала младешката енергија и интересите на Дикаприо, типични за тинејџер.

„Тој постојано зборуваше за видео игри, знаеш?“, се присети Деп. „Ти кажав, тоа беше мрачно време. „Не, нема да ти дадам цигара додека се криеш од мајка ти, Лео.“

Приказните за тешкиот лик на Деп на филмските сетови кружат со децении. И покрај нивната затегната врска, Деп и Дикаприо работеа како одличен пар на екранот, иако поголемиот дел од пофалбите од критичарите и публиката му припаднаа на Дикаприо.

Тагови: Леонардо ДиКаприо Џони Деп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер