Забава

Фраза која е проверен вовед во раскинување

Многумина оваа фраза ја сфаќаат како утеха, но нејзиното вистинско значење е сосема поинакво.

Секој однос е единствен, но постојат одредени сигнали кои покажуваат дека во вашата врска има проблем. Стручните лица се согласуваат дека, иако пристапот и динамиката помеѓу паровите може да се разликува, некои предупредувачки знаци се универзални.

Еден од најинтересните сигнали е реченицата која сите сме ја чуле, а терапевтот за односи Луен Ворд ја потенцира: „Не сакам да те повредам“, која укажува на тоа дека вашата врска може да заврши со раскинување.

Додека многумина оваа фраза може да ја сфатат како утеха, Луен предупредува дека кога некој/а партнер/ка ја кажува оваа реченица, всушност сугерира на тоа дека верува оти другата личност има посилни чувства од оние што самите тие ги имаат. Со тоа поставува основа за потенцијално лошо однесување во иднина зашто партнерот не сака да се соочи со вина кога ќе се јават проблеми во врската.

Всушност, оваа фраза може да биде начин за личноста да избегне вина. Ако партнерот не ја гледа другата личност како потенцијален долгорочен партнер, тогаш е свесен дека може да ја повреди таа личност.

Луен Ворд препорачува внимателно да ги слушате овие предупредувања и пред сè, да се грижите за себе. Постојат и други сигнали што треба да се следат за да воочите дали на вашата врска ѝ се ближи крајот.

Пејџ Мос, стручњак за врски, наведува три знака кои исто така може да бидат показател дека е време за раскинување.

Првиот знак се однесува на чувството „газење по јајца“. Ако пред да поделите нешто важно се чувствувате преплашено и не знаете како да го изнесете тоа, тогаш ова е јасен показател за нездрав однос.

Потоа, запрашајте се себеси, ако имате волшебно стапче и да не морате да сносите никакви последици, дали би ја раскинале вашата сегашна врска?

На крај, ако во вашиот однос не постои меѓусебна „топлина“, што многумина ја дефинираат како емоционална или физичка блискост, тогаш тоа е голем аларм, пишува „Мирор“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Моцарт го „освојува“ Салцбург: Позлатени фигури се појавуваат низ градот

Од денес, улиците, парковите и знаменитостите на Салцбург се украсени со повеќе од 300 позлатени фигурини на Волфганг Амадеус Моцарт, поставени по повод одбележувањето на 270-годишнината од раѓањето на еден од најголемите композитори во историјата.

Фигурините високи пет сантиметри се дело на германскиот уметник Отмар Херл и се изработени по нарачка на фондацијата „Моцартеум“, објави денес весникот *Le Figaro*. Тие го прикажуваат Моцарт со неговото куче, Пимперл. Според фондацијата, фигурините се поставени во градината каде што композиторот често шетал, во неговиот некогашен стан, како и на други локации низ градот, пренесува Танјуг.

Херл изјави дека не сакал да создаде уште еден споменик на Моцарт, туку да ја прикаже неговата човечка страна и да покаже дека, и покрај својот гениј, тој бил обичен човек.

Фондацијата „Моцартеум“ нарача вкупно 400 фигурини, а дел од нив се чуваат во складиште за да се надоместат евентуалните загуби поради кражба. Според претставникот на фондацијата, Линус Клумпнер, две фигурини се веќе украдени. Посетителите што сакаат да ја земат фигурината како сувенир, можат да ја купат за 100 евра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Актерка виси на справа за пилатес Кадилак

Убавата балканска актерка, 40 годишната Нина Сеничар редовно тренира дури и по две породувања, а сега покажа и некои од вежбите што ги прави.

Се снимала себеси на справата за пилатес Кадилак - која се состои од хоризонтален кревет над кој има метална рамка со разни додатоци - пружини, јамки, дрвена шипка и трапез на кој висела актерката.

Инаку, актерката живее во Лос Анџелес со својот сопруг-милионер и децата, а еднаш зборуваше за деловните предизвици и истакна дека секогаш го избирала потешкиот пат.

– Ја имам таа потреба да почнам одново, од нула, таа постојана потреба за борба, за мачење. Почетоците воопшто не се лесни. Двапати почнав од нула, во смисла дека двапати се преселив во друга земја, но тоа не значи дека нема да го направам тоа повторно – изјави таа еднаш.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Орце Ѓорѓиевски: „Добредојдовте во Скопје“

[❤️] „Добредојдовте во Скопје“ - порака со која испраќаме топло добредојде до сите што пристигнуваат во нашиот град, објави на својот Фејсбук првиот човек на Скопје, Орце Ѓорѓиевски.

[🌃] Скопје го разубавуваме со љубов, внимание и посветеност, затоа што секој детал е важен кога градиме град со препознатливо лице и топла душа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.