Здравје

Француско истражување: Миокардитисот по вакцинација со mRNA е редок и никој не умрел од тоа

Вакцината базирана на РНК гласникот на covid-19 го зголемува ризикот од воспаление на срцевиот мускул и слузницата на срцето, но тоа е ретко и не ја доведува во прашање корисноста од вакцината, според сеопфатната француска студија објавена денес.

Оваа студија, спроведена од Epi-Phare во соработка со здравственото осигурување (CNAM) и Агенцијата за лекови (ANSM), опфатила луѓе на возраст од 12 до 50 години кои биле примени во болница во Франција поради миокардитис или перикардитис помеѓу 15 мај и 31 август, со 919 случаи на миокардитис и 917 случаи на перикардитис.

Миокардитисот и перикардитисот се воспалителни срцеви заболувања. Првиот влијае на срцевиот мускул, а вториот на обвивката што го опкружува срцето.

Како што веќе покажале фармаколошките извештаи, резултатите од една француска студија потврдиле дека вакцината на Pfizer, а особено на Modernа, го зголемува ризикот од развој на овие болести во рок од седум дена по вакцинацијата.

Секој случај бил спореден со контролна група од десет испитаници кои биле на иста возраст, пол и место на живеење, но немале миокардитис. Така, ризикот од хоспитализација за миокардитис или перикардитис бил спореден помеѓу вакцинирани и невакцинирани во инаку слични ситуации.

Овој ризик е поизразен, иако ретко, кај мажи на возраст под 30 години, особено по втората доза на Модерна. Така, вакцинацијата со втора доза предизвикала 132 дополнителни случаи на миокардитис на милион примени дози.

Кај жените помлади од 30 години, зголемениот број на случаи на миокардитис што се припишуваат на втората доза од вакцината Модерна бил 37 на милион дози.

Што се однесува до ризикот од перикардитис, тој исто така бил поизразен по вакцината на Модерна кај оние под 30 години, особено по втората доза, која е одговорна за „вишокот“ од 18 случаи на милион дози кај помладите мажи.

Не се пријавени смртни случаи меѓу хоспитализираните поради воспаление на срцето што се случило по вакцинацијата.

„Ако ја мериме ефикасноста на вакцината против Ковид-19 (проценета на околу 90 проценти) и постоечкиот, но редок ризик со позитивен исход, односот корист-ризик од вакцинацијата не е доведен во прашање“,вели за АФП Махмуд Зуреик, директор на Epi-Phare.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожари веќе трет ден се шират низ неколку области на Грција, а најтешка е ситуацијата во Ретимно на Крит

Пожари веќе трет ден се шират низ неколку области на Грција, а најтешка е ситуацијата во Ретимно на Крит,исто така и пожарот на Парос повторно се разгорува.

Според информациите од координативниот центар, гаснењето на пожарот во Ретимно го отежнуваат силните ветрови и непристапниот терен, што предизвикува постојано повторно појавување на пожарот и негово ширење.

Првичните проценки покажуваат дека се изгорени повеќе од 45 илјади хектари, а се очекува конечниот исход од катастрофата да биде поголем.

Поради многу високиот ризик од нови пожари, властите воведоа привремена забрана за сообраќај и присуство на граѓани во одредени шумски области на Патрас, но и на Халкидики

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Царинска управа: На Табановце спречен обид за нелегален пренос на девизи - запленети 64 илјади евра

Царински службеници на влез на граничниот премин Табановце спречија обид за нелегален пренос на готовина во износ од 64.250 евра, пронајдени при контрола на автомобил со германски регистарски таблички со кој патувал грчки државјанин.

Девизите се запленети, а против лицето е поведена прекршочна постапка пред надлежен суд.

Во конкретниот случај, на прашање на царинските службеници дали има нешто да пријави, лицето пријавило 60 илјади евра со образец издаден на влез во Република Србија. Поради сомневање во изјавата, царинските службеници заедно со полициски службеник на Фронтекс извршија детален претрес при што се пронајдени вкупно 124.250 евра. Согласно Законот за девизно работење на лицето му се вратени 60 илјади евра, а останатите се одземени.

Годинава се откриени вкупно 30 случаи на нелегален пренос на девизи, при што запленети се вкупно 820.675 евра, 141.300 британски фунти и 35 илјади австралиски долари.

Тагови: царина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Постигнат е договор за разоружување на Хамас и повлекување на израелските сили од Појасот Газа

Претседателот на САД, Доналд Трамп изјави дека е постигнат договор за целосно разоружување на Хамас и другите милитантни групи во Појасот Газа.

Договорот е дел од мировниот план во 20 точки што беше претставен минатата година.

Овој договор е клучен чекор кон тоа Газа конечно да биде управувана од нова палестинска влада, која ќе соработува со мировниот комитет за да му помогне на палестинскиот народ, објави Трамп на социјалната мрежа „Трут соушл“.

Тој додаде дека во исто време „Израел ќе ја добие безбедноста што ја заслужува, а Газа повеќе нема да се користи како база за терористички напади.

Тагови: Доналд Трамп Хамас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.