Француската опозицијата го собори премиерот, целта е Макрон - Канал 5

Свет

Француската опозицијата го собори премиерот, целта е Макрон

Како што се очекуваше речиси 15 дена, мнозинството пратеници на Француското национално собрание синоќа гласаа за недоверба на владата на премиерот Франсоа Бајру, кој, како што најави, денеска ќе поднесе оставка пред претседателот Емануел Макрон.

Француската опозицијата го собори премиерот, целта е Макрон

Блумберг Адрија

Како што се очекуваше речиси 15 дена, мнозинството пратеници на Француското национално собрание синоќа гласаа за недоверба на владата на премиерот Франсоа Бајру, кој, како што најави, денеска ќе поднесе оставка пред претседателот Емануел Макрон и со тоа ќе го принуди претседателот на Петтата Француска Република да бара нов премиер по петти пат за 600 дена.

Со обидот да ја добие поддршката од мнозинството пратеници за непопуларните масовни намалувања на буџетот од 43,8 милијарди евра со цел да се избегне „грчкиот дефицит“, Бајру не само што ја доведе својата малцинска влада до „политичка смрт“ по само девет месеци, туку сега Франција официјално е во политичка парализа каква што не е забележана од 1933 година, кога за само две години Третата Република имаше дури шест премиери.

Откако 364 пратеници беа за гласање за недоверба на владата, 194 против и 25 воздржани, Елисејската палата потврди дека претседателот Макрон ќе назначи нов премиер во наредните денови.

Секако, Макрон има можност повторно да свика нови предвремени парламентарни избори, но тој тоа го отфрли како можност во изминатите неколку дена, очигледно проценувајќи дека таквото политичко коцкање како во јуни 2024 година само ќе ја доведе неговата центристичка коалиција до уште помалку пратенички места.

Соборувањето на уште еден премиер на Макрон го доведува во прашање планот за употреба на мерките за штедење за намалување на буџетскиот дефицит на 4,6 проценти од бруто домашниот производ (БДП), што е и натаму значително повисоко од критериумите на Европската Унија.

Без разлика како Макрон се обидува да ја реши истата таа нерешлива равенка, каков и да е профилот на идниот премиер или премиерка, тој или таа ќе биде осуден да го изврши истото балансирање помеѓу, од една страна, парламент речиси подеднакво поделен на левичарски, центристички и десничарски блокови во кои ниедна струја нема јасно мнозинство, и од друга страна, презадолженоста на земјата чиј јавен долг изнесува околу 3.300 милијарди евра, што е 113,1 процент од БДП, исто како и на Грција на почетокот на должничката криза.

Тагови: Емануел Макрон ле пен Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер