Франција трага по Валентин (15), откако во запалената куќа ги нашле телата на неговите родители

Француската полиција ги повика граѓаните да им помогнат да пронајдат момче (15), чии родители биле пронајдени мртви во куќа и се верува дека е убиено.

Цела Франција е во потрага по Валентин, кој живеел со неговите родители чии тела биле пронајдени во куќа која била изгорена до темел. Во текот на истрагата било утврдено дека мажот и жената биле застрелани пред нивните тела да бидат уништени во пожарот.

Грозоморниот случај бил откриен на 27 ноември во утринските часови. Како што пренесуваат француските медиуми, пожарникарите добиле повик нешто пред 7 часот да го изгаснат пожарот кој зафатил куќа и штала во градот Шатовилан. Кога успеале да го локализираат пожарот, под урнатините нашле изгорени тела на маж и жена.

Според обвинителот, на двете тела биле констатирани прострелни рани, во пределот на главата и градниот кош.

Се верува дека станува збор за брачен пар кој поголемиот дел од годината го поминал во таа куќа. Мажот имал 58 години, а неговата сопруга 52. Нивните имиња не се официјално соопштени, но објавено е името на помалиот син Валентин по кого се уште се трага.

BMFTV јавува дека нивниот постар син (17) ден претходно отишол во градот каде што посетува училиште и дека е добро и безбеден. Ист е случајот и со неговите две полусестри, кои исто така не биле во куќата за време на злосторството.

Сега полицијата ги повикува граѓаните да им помогнат да го пронајдат Валентин, кој би можел да биде клучен сведок на она што се случило во куќата тој кобен ден. Според француските медиуми, момчето има Лајмска болест.

Во исто време полицијата го пронашла автомобилот со кој што таткото патувал на работа. Оштетеното возило било пронајдено на околу 40 километри од куќата која била уништена во пожарот. Автомобилот бил пронајден кога полицијата тргнала да контролира друг имот што парот го поседувал во областа.

Безбедносните камери снимиле дека возилото го управувало машко лице, но не е утврдено дали се работи за младиот Валентин или некој друг.

Според соседите, брачниот пар ја поседувале куќата во Шатовилан околу 15 години и редовно престојувале таму. Тие наведуваат дека тоа е место во кое живеат околу 800 луѓе, дека сите добро се познавале.

„Го познавав семејството, немам ништо друго освен пофални зборови за нив“, рекол еден сосед кој бил шокиран од нивната смрт.

Дивата од модните писти слави 58 роденден: Се трудам да бидам добра

Познатата манекенка Синди Крафорд го прслави својот 58 роденден.

- Благодарна за уште еден сет роденденски свеќички - порача таа на Инстаграм.

Жената која упадна на модните писти во деведесеттите продолжува да плени со својата природна убавина. Длабоко во шестата деценија од животот без никаква пластика на себе, таа сè уште се колне во убавина.

Покрај редовните вежби, врвниот изглед го постигнува и со посебен режим на исхрана.

Избира здрава храна и признава дека се труди „80 проценти од времето да биде 80 отсто добра“.

Денот започнува со смути направено од кокосово млеко, третина од замрзната банана, шолја свеж спанаќ, 10 листови нане, една лажичка протеини и малку зрна какао. За ручек најчесто јаде салата со пилешко, а за вечера подготвува ќофтиња од мисирка со салата и зеленчук.

Извор: Аваз

Милитао би можел да се врати на фудбалските терени во март

Одбранбениот фудбалер на Реал Мадрид, Едер Милитао е блиску до враќање во тимот.

Како што пренесе „Relevo“ Бразилецот ќе има време да закрепне навреме за четвртфиналето на Лигата на шампионите доколку мадридскиот клуб стигне до оваа фаза.

Четвртфиналето во елитното фудбалско натпреварување ќе се одржи во средината на март.

Во август 2023 година, во 1. коло од Ла Лига против Атлетик (2:0), Милитао ги скина вкрстените лигаменти на коленото.

За тренерот на Реал Мадрид со евентуалното враќање на Милитао ќе биде големо олеснување пред завршниот дел од сезоната. /МИА

Паолини го освои трофејот во Дубаи

Италијанската тенисерка Јасмине Паолини е победничка на ВТА 1000 турнирот во Дубаи, ОАЕ.

Паолини во денешното финале беше поуспешна од Русинка Ана Калинскаја во три сета. Мечот траеше 2 часа и 16 минути и заврши со резултат 4:6, 7:5, 7:5 во корист на италијанската претставничка.

Дваесет и петгодишната Русинка двапати сервираше ас, направи четири двојни грешки и реализираше шест брејк топки од осум шанси. Паолини немаше ниту еден ас, направи една двојна грешка и седум брејк топки реализира од девет можности.

Паолини го освои својот втор ВТА трофеј во сингл. Пред тоа таа стана победничка и на три турнири во двојки.

Од друга страна, Калинскаја не успеа да ја освои својата прва ВТА титула во сингл. Сепак, за време на турнирот во Дубаи, Русинката победи три претставнички на Топ 10 – Ига Швјонтек (1), Елена Остапенко (9) и Коко Гоф (3). /МИА

притисни ентер