Санофи развива две можни вакцини за да го спречи СОВИД 19, болест предизвикана од новиот коронавирус и, наводно, истражува неколку опции за негово производство, вклучително и нови соработки за да се осигури дека можат да одговорат на побарувачката, доколку било која од овие програми се покаже за успешна.

Фармацевтските компании итно бараат да развијат лекови и вакцини за коронавирус што предизвика смрт на повеќе од 255.000 луѓе ширум светот, зарази повеќе од 3,6 милиони луѓе и ги опустоши економиите ширум светот.

Од повеќе од 100 можни вакцини кои се во развој, десет досега влегоа во фаза на клиничко тестирање, соопшти Калифорнискиот институт Милкен.

Санофи, чие одделение Пастер има искуство во вакцини против грип, во соработка со британската компанија GlaxoSmithKline (GSK), идентификувала кандидати за вакцината за која се надева дека ќе биде готова следната година.

Санофи ќе обезбеди протеинска антиген - молекула што го зајакнува имунолошкиот одговор на организмот - заснована врз платформата што се користи за производство на вакцина против грип Флублок, додека ГСК ќе даде еден од неговите докажани додатоци кои ја зајакнуваат имунолошката реакција на организмот за да создадат повеќе антитела и да создадат подолг имунитет.

Првото испитување на вакцината, во кое би биле вклучени стотици субјекти, би можела да започне во септември, се надеваат од Санофи.

Иако во првата фаза на тестирањето за вакцина обично се вклучени мал број на здрави доброволци за тестирање на нејзината безбедност, Санофи се одлучи за повеќе испитаници да обезбеди сигурни информации што е можно поскоро.

„Предвидовме вклучување на неколку стотици испитаници во првата фаза, така што ова е всушност и прва и втора фаза на тестирањето“, рече директорот за истражување на Санофи, Џон Шивер.

Покрај пронаоѓањето на вистинската вакцина, клучен предизвик лежи во нејзиното производство и дистрибуција низ целиот свет.

„Ќе споредиме различни дози на вакцината и тоа е клучно. Тоа ќе ни го покаже капацитетот на фабриките и што треба да направиме за да се произведе бројот на дози што ги планиравме“, рече Шивер.

Санофи претходно објави дека може да произведе повеќе од милијарда дози. Нивниот проект со ГСК доби финансиска поддршка од Управата за напредни биомедицински истражувања и развој на Министерството за здравство на САД (БАРДА).

Следната фаза на тестирањето на илјадници субјекти, споредувајќи ги вакцините и плацебо, би можела да започне до крајот на оваа или почетокот на 2021 година, рече Шивер, додавајќи дека имало до 30.000 учесници во некои претходни тестови на вакцините против грип во Санофи.

Потпретседателот на компанијата Дејвид Лоу рече дека Санофи започнал прелиминарни разговори со државите за механизмите за пред нарачка на вакцината, доколку се покаже како успешна, иако деталите со ГСК сè уште не се разработени.

„Покомплицирано е кога работите во партнерство со друга компанија“, рече тој, додавајќи дека се водат разговори и со претставници на САД, како и со некои европски земји.

Со оглед на поддршката на БАРДА, дозите произведени во нивната американска установа прво треба да одат за американските пациенти, што предизвика загриженост во Европа.

На прашањето дали Санофи размислува за нови соработки, Лоу одговори: „Да, ако заклучиме дека немаме доволно капацитет“.

Санофи работи и со Bio Inc со седиште во САД, за да развие друга вакцина заснована на технологија за РНА (mRNA), слична на експерименталните вакцини што ги развива компанијата Pfizer Inc. во партнерство со BioNTech SE.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.