Франција без Екитике на СП2026

Францускиот репрезентативец во редовите на Ливерпул, Уго Екитике, ќе го пропушти претстојното Светско првенство, откако првичните извештаи околу вчерашната повреда во четвртфиналниот реванш во Лигата на шампиони против ПСЖ навестуваат долга пауза.

„Изгледа многу сериозно, но тешко ми е да кажам колку е лошо. Ќе видиме по дополнителните тестови, но јасно е дека не изгледа добро“, изјави тренерот на Ливерпул, Арне Слот.

Екитике го напушти теренот на вчерашниот дуел на Енфилд во поразот од 2-0 од ПСЖ и елиминацијата во ЛШ во 28. Минута, држејќи го десниот глужд со болен израз на лицето.

Медиумите во Франција објавија дека станува збор за повреда на Ахилова тетива, што значи крај на надежите на Екитике да игра на Светското првенство.

Понатамошните прегледи ќе утврдат дали руптурата е делумна или целосна, но во секој случај, овој вид повреда бара операција и долгорочна рехабилитација.

Франција ќе игра во групната фаза на Светското првенство против Сенегал, Ирак и Норвешка.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шведска убедлива на првиот меч на Светското првенство!

Фудбалерите на Шведска убедливо ја победија репрезентацијата на Тунис со резултат од 5:1 (2:1) во натпреварот од првото коло од Групата Ф на Светското првенство.

Со три бода, скандинавската репрезентација го зазеде првото место на табелата, откако Холандија и Јапонија одиграа нерешено 2:2.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мицкоски на трибина посветена на Органодарителството и значењето на трансплантацијата

Мицкоски ќе присуствува и свое обраќање ќе има на трибина посветена на органодарителството и значењето на трансплантацијата.

Денес во 15:00 часот претседателот на Владата на Република Македонија Христијан Мицкоски ќе присуствува и свое обраќање ќе има на трибина посветена на органодарителството и значењето на трансплантацијата во амфитеатарот на Медицинскиот факултет во Скопје.

Тагови: Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собранието ќе избира член на Судскиот совет

Денеска Собранието на РМ треба да ја продолжи 104. седница на која на дневен ред се останати неколку точки.

Пратениците треба да гласаат за Предлог за избор на член на Судскиот совет на Република Македонија што го избира Собранието. Комисијата за прашања на изборите и именувањата на пленумот му предлага изборот да биде извршен помеѓу Артим Ислами, дипломиран правник со положен правосуден испит од Струга и Феузи Џафери, дипломиран правник со положен правосуден испит од село Чајле, Гостивар.

На дневен ред се и Предлог на закон за соодветна и правична застапеност – Прво читање на предлог на Владата, како и Предлог на закон за соодветна и правична застапеност – Прво читање, предложен од пратениците Зијадин Села, Илире Даути и Елми Азири од Албанската Лига.

Пратениците треба да се изјаснат и за Предлог на закон за изменување на Законот за судовите, по скратена постапка, и за Предлог на кодекс за етичко однесување на пратениците во Собранието.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.