Фотографија која стана симбол на нападот во Брисел: Околу мене во крв лежеа луѓе без нозе! - Канал 5

Живот

Фотографија која стана симбол на нападот во Брисел: Околу мене во крв лежеа луѓе без нозе!

Фотографијата од жена со раскрварено лице и нозе, искината облека и запрепастен израз на лицето, и друга жена која испаничено телефонира, ја направи грузиската новинарка Кетеван Кардава непосредно по двојната експлозија на аеродромот во Брисел. Оваа фотографија стана симбол на нападите изведени во европската престолнина.

Фотографија која стана симбол на нападот во Брисел: Околу мене во крв лежеа луѓе без нозе!
- Ми беше должност како новинарка да направам фотографии и да му покажам на светот што се случуваше. Знаев дека сум само јас на тоа место - вели Кардава.

Таа тргнала на пат за Женева да известува за преговорите меѓу Русија и Грузија, кога избила првата експлозија.

- Се беше во прашина и чад. Околу мене во крв лежеа десетина луѓе без нозе. Веднаш ги проверив моите нозе и не можев да верувам дека ги имам. Бев во шок - вели Кетеван за американски „Тајм“.

Помалку од минута подоцна одекна втората експлозија кога сите почнаа да бегаат како што знаат и умеат - раскажува таа.

- И јас тргнав да барам безбедно место но во исто време сакав и да фотографирам - вели таа.

Прво ја фотографирала жената со жолтата јакна која, според зборовите на Кетеван била „без глас, не плачеше, само со страв гледаше наоколу“.

Потоа го сликала поранешниот белгиски кошаркар Себастијан Белин, пред д аго напушти аеродромот.

- Ги оставив и отидов на сигурно место. Се надевам дека се добро. Искрено се надевам дека ќе ги совладаат сите потешкотии - вели грузиската новинарка.

таа ќе остане во Брисел да известува за ситуацијата, но еден ден ќе мора да се врати на аеродромот Завентем.

- Тоа не можам ни да го замислам. Тоа за мене ќе биде многу тешко - вели Кетеван Кардава.

Во трите експлозии во Брисел на аеродромот и на метро станица, загинаа најмалку 31 лице а 260 се повредени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма на израелскиот аеродром: Исчезна двегодишно дете, пронајдено на лента за багаж

Двегодишно дете накратко исчезна на меѓународниот аеродром Бен Гурион во Израел откако се качило на лента за багаж и пешачело неколку метри до местото каде што се сортираат куферите пред да се товарат во авиони.

Драма на израелскиот аеродром: Исчезна двегодишно дете, пронајдено на лента за багаж

Инцидентот се случил во четврток, кога семејство кое се подготвувало за лет за Ларнака, Кипар, се соочило со исчезнувањето на своето дете, објави денес Канал 12. Откако родителите не успеале да го пронајдат детето, ја известиле полицијата, која започнала потрага по исчезнатото дете на аеродромот.

Двегодишното дете било пронајдено неколку минути подоцна на лента за багаж, каде што се сортираат куферите пред да се товарат во авиони.

Аеродромските власти соопштија дека детето е пронајдено неповредено и во добра состојба, откако пешачело само неколку метри на лентата.

Во соопштението се наведува и дека детето не било под надзор на своите родители во времето на инцидентот. Израелските аеродромски власти започнале истрага за да ги утврдат околностите на инцидентот, а според извештаите на медиумите, полицијата ја разгледува и можноста за покренување истрага.

Извор: Б92

Тагови: аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хаос на аеродромот во Мајами: Судир на два авиона, има повредени ВИДЕО

Товарен авион на „UPS“ и авион на „Copa Airlines“ се судрија на пистата на меѓународниот аеродром во Мајами во текот на ноќта, при што беа повредени две лица.

Хаос на аеродромот во Мајами: Судир на два авиона, има повредени ВИДЕО

Во судирот учествуваа „Boeing 767“ на „UPS“ и „Boeing 737“ на „Copa Airlines“, објави „CBS“.

„Околу 21:15 часот, авион што пристигнуваше и се повлекуваше се судрија на раскрсницата на две писти“, вели Грег Чин, директор за комуникации на меѓународниот аеродром во Мајами.

Чин вели дека противпожарната служба на Мајами им пружила помош на двајца пациенти на местото на настанот за полесни повреди и дека не им бил потребен медицински превоз, како и дека летовите биле пренасочени кон други писти, па судирот не влијаел врз работењето на аеродромот.

Карго авионот на „UPS“ требало да полета од Мајами до Богота, Колумбија, а авионот на „Copa Airlines“ слетал од Панама Сити, Панама.

Тагови: авион Мајами

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Експлозија во Ормускиот теснец: Танкери дигнати во воздух (ВИДЕО)

На двата танкери избувнале експлозии и голем пожар.

Експлозија во Ормускиот теснец: Танкери дигнати во воздух (ВИДЕО)

Два танкери за нафта се запалија откако наидоа на подводни мини во јужниот дел од Ормускиот теснец во текот на ноќта, соопштија поморските сили на Иранскиот корпус на Исламската револуционерна гарда (ИРГЦ), велејќи дека бродовите се обиделе тајно да поминат низ неовластена рута.

ИРГЦ во соопштението наведува дека танкерите претходно ги исклучиле своите системи за навигација и автоматска идентификација на бродови во обид да го сокријат своето движење низ Ормускиот теснец.

Според Иранскиот корпус на револуционерна гарда, откако наидоа на морските мини, на двата танкери избувнаа експлозии и голем пожар.

Во соопштението се додава дека уште два танкери за нафта, кои исто така се обиделе да поминат низ неовластена рута, дејствувале по предупредувањата од центарот за контрола на поморскиот сообраќај на ИРГЦ и се вратиле кон Персискиот Залив.

Тагови: Ормускиот теснец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер