Осум години по потпишувањето на Преспанскиот договор, вели дека европските челници тогаш ни ветувале многу придобивки од таа спогодба, но Македонија се уште чека за почеток на преговори. Уверува дека подучени од минатото, како влада со аргументи водат надворешна политика со која внимателно ги решаваат предизвиците.

Прашан дали планира средба со власта од Грција за неисполнетите обврски од нивна страна, Мицкоски рече дека со соседите имаме многубројни заеднички проекти и во секое време е отворен за средба со грчкиот премиер Мицотакис.

Во меѓувреме, премиерот од Струмица најави дека владината реконструкција официјално ќе започне со разговорите со коалиционите партнери Вреди и ЗНАМ, договорени за во петок и сабота.

Инаку, под мотото Македонија забрзува наша обврска, ВМРО-ДПМНЕ вечерва во Струмица ќе го одбележи 36 роденден на партијата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Против 44 годишниот скопјанец кој го признал делото по итна постапка е поднесена и кривична за предизвикување општа опасност, информираат од МВР. Иако случајот е целосно расчистен од македонските институции осуди за настанот и понатаму пристигнувааТ од страна на Бугарија.

Премиерот Мицкоски на критиките од Софија го повтори ставот на владата за осуда на инцидентот и кажа дека нема да брза со квалификации

За опожарените возила се дебатираше и на седница во бугарското собрание. Дел од тамошните пратеници настанот го окарактеризираа како провокација, но и напад кон Бугарија и ЕУ.

„Нема да имаме разбирање, ниту да бидеме трпеливи, ниту толерантни кон какво и да е насилство. Ги повикув МВР но и целата Влада да бидат крајно категорични во соопштенијата кои ги упатуваат кон Македонија до надлежните органи кои треба да го истражат случајот и да го казнат виновникот. Нападот врз бугарската амбасада не е само напад на една држава, туку атак врз земја членка на ЕУ, а во оваа смисла и врз целата Унија“ – Георг Георгиев, пратеник од ГЕРБ-СДС.

„Опожарувањето на дипломатските возила во секој случај представува провокација и таа провокација е од сили во Македонија кои сакаат да го попречат европскиот развој на државата“- Николај Денков, пратеник од ПП-ДБ .

Опожарените дипломатски возилата пред амбасадата на Бугарија во Скопје се повод и за најавената блокада на сите три гранични премини кон Бугарија в недела во времетраење од два часа во организациија на бугарската фондација „Македонија“, чиј основач Виктор Стојанов има забрана за влез во државава.

Граничните премини кај Делчево, Ново Село и Дебе Баир ќе бидат блокирани од 11 до 13 часот по бугарско време, а целата како што најавуваат оранизаторите е да се испратела политичка порака до македонските власти против наводен „прогон на Бугари“ во земјава. Протестот како што тврдат од Фондацијата е одобрен од бугарското минситерство за внатрешни работи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

На средбата беа потврдени одличните билатерални односи и заедничката заложба за натамошно унапредување на политичката, економската и трговската соработка меѓу двете земји.Посебен акцент во разговорите беше ставен на европската интеграција, во пресрет на претстојното ирско претседавање со Советот на Европската Унија, кое започнува на 1 јули. Министерот Муцунски изрази благодарност за принципиелната и континуирана ирска поддршка на политиката на проширување и на европските аспирации на државата.

Притоа, ја нагласи цврстата определба на Владата за продолжување на реформскиот процес и напредокот на европскиот пат, истакнувајќи дека членството во Европската Унија останува стратешка цел и најсилен двигател на демократскиот, економскиот и општествениот развој.

Соговорниците разменија мислења и за актуелните регионални и глобални прашања, при што се согласија дека во услови на зголемени геополитички и безбедносни предизвици, на Европа повеќе од кога било ѝ се потребни единство, солидарност и блиска соработка.

Во рамки на посетата, министерот Муцунски оствари средба и со претседавачот и членовите на Заедничкиот комитет за прашања поврзани со Европската Унија на двата дома на ирскиот парламент.

Притоа, тој изрази благодарност за силната и принципиелна поддршка што Ирска ја дава на политиката на проширување на Европската Унија и на европскиот пат на државата.

На средбата беше разговарано за актуелната состојба во процесот на евроинтеграција, при што министерот Муцунски ја истакна посветеноста на Владата на спроведувањето на реформите, особено во областа на владеењето на правото, борбата против корупцијата и јакнењето на институциите.

Тој потенцираше дека кредибилен процес на проширување, заснован на заслуги и исполнување на Копенхашките критериуми, е од суштинско значење за зачувување на довербата во Европската Унија и нејзината трансформативна моќ во регионот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.