Автомобилизам

Фото: Спектакуларниот „Lotus Evija“ по четири години пристигнува на патиштата

Почнуваат испораките до клиентите, а од компанијата велат дека овој спортски модел се уште не е распродаден.

„Evija“ е електричен суперспортски модел кој неодамна ја презеде титулата најмоќен сериски автомобил од „Rimac Nevera“.

„Lotus“ ја претстави „Evija“ пред точно четири години, но на крајот, поради пандемијата и неочекуваните предизвици, почетокот на производството беше одложен.

Но, чекањето заврши. Гајван Кершо од „Lotus“ потврди за американскиот „CarBuzz“ дека производството на „Eviјa“ е подготвено. Во интервју на неодамнешниот фестивал на брзината во Гудвуд, тој потврди дека првите испораки се очекуваат во август.

Верзијата „Emerson Fittipaldi Edition“, автомобил кој наводно ќе биде испорачан на кинески клиент, беше прикажана на Фестивалот на брзината.

„Lotus“ планира да произведе вкупно 130 примероци, а Кершо истакна дека сè уште не се продадени сите примероци.

Инаку, „Evija“ и „Rimac Nevera“ имаат многу концептуални допирни точки. Погонот се состои од четири електрични мотори со вкупно 2.000 КС и 1.700 Nm, што овозможува спринт до 100 km/h за помалку од три секунди или до 300 km/h за помалку од девет секунди.

Максималната брзина е поставена на 350 km/h, а капацитетот на батеријата е 70 kWh, значително помалку од „Nevera“. На крајот на краиштата, тоа е „Lotus“ за кој ниската маса отсекогаш била приоритет.

Цената на автомобилот е 2 милиони фунти.

Извор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политички превирања во Унгарија: Тиса бара итен избор на нов претседател

Парламентарната група Тиса поднесе иницијатива Унгарскиот парламент да избере нов претседател на Републиката на вонредна седница на 11 август, во согласност со уставните рокови.

Парламентарната група Тиса денес поднесе иницијатива Унгарското национално собрание да избере нов претседател на Републиката на вонредна седница во вторник, 11 август.

Предлогот предвидува изборот на шеф на државата да биде вклучен како додаток на дневниот ред на вонредната седница на парламентот, закажана за 10 и 11 август, објави унгарскиот портал Индекс.

Според образложението на иницијативата, новиот претседател на Републиката треба да биде избран во вторник, 11 август, односно во рокот пропишан со унгарскиот Устав. Иницијативата ја поднесе шефицата на пратеничката група Тиса, Андреа Ана Бујдосо, а покрај лидерот на партијата, Петер Маѓар, ја потпишаа уште 42 пратеници.

Фото: ВИ

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Скандал во Хрватска: Запалено српско знаме (ВИДЕО)

На хрватскиот портал Индекс се појави видео клип, доставен од читатели, на кој се гледа група млади мажи како палат српско знаме во пресрет на прославата на операцијата „Олуја“.

Според Индекс, во пресрет на годишнината од таа акција во Хрватска, две лица се искачиле на надвозник во близина на Оточац и запалиле српско знаме.

На видеото се прикажани две лица облечени во црно, со покриени глави. Тие се искачиле на оградата на надвозникот, поставиле српско знаме, а потоа го запалиле.

До нив е закачен транспарент на кој пишува: „Фала им за сè, ние сме слободни луѓе, Олуја '95“.

Тагови: Олуја Хрватска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Околу 800.000 Либанци се вратија дома

Околу 800.000 Либанци раселени поради војната на југот на земјата почнаа да се враќаат во своите домови откако престанаа израелските напади, соопштија денес Обединетите нации.

„821.077 луѓе почнаа да се враќаат во своите домови“, се вели во соопштението на ОН, додавајќи дека повеќе од 360.000 остануваат раселени, вклучувајќи околу 26.000 во владини засолништа.

Израел започна воздушни напади и копнена инвазија на Либан во кои загинаа повеќе од 4.300 луѓе и расели стотици илјади.

Седмата рунда разговори меѓу Либан и Израел, посредувана од САД, е во тек во Рим за спроведување на претходно потпишан рамковен договор.

По петтата рунда разговори во Вашингтон, Либан и Израел потпишаа „рамковен договор“ на 26 јуни.

Договорот предвидува спроведување на таканаречената „програма за пилот-зона“, која започна кон крајот на јули, кога израелската армија почна да се повлекува од тие територии.

„Рамковниот договор“ предвидува либанската армија да преземе контрола врз делови од јужен Либан и да конфискува оружје од Хезболах, група поврзана со Иран, додека израелските сили постепено се повлекуваат.

Фото: ВИ

Тагови: Либан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.