Автомобилизам

Фото: Шкода отпорна на куршуми и гранати

Шкода претстави специјална верзија на моделот „Kodiaq“.

Шкода UK соработуваше со „UTAC Special Vehicles“ за да го претстави оклопниот „Kodiaq“, „SUV“ базиран на освежена верзија на моделот од првата генерација.

Надворешната модификација се однесува на трепкачите напред, на браникот и на вратите, додека внатре инфозабавниот систем е трансформиран во она што Шкода го нарекува „комуникациска станица“.

„Kodiaq Armoured“, како што се нарекува овој блиндиран модел, има и стакло отпорно на куршуми, додека кабината е значително изменета и обложена со челик.

И сопирањето и суспензијата се подобрени поради зголемената тежина, а сите четири тркала имаат систем кој овозможува возење и во случај на дупната гума. Моторот не е променет во споредба со оригиналот.

Од компанијата велат дека овој „Kodiaq“ е дизајниран така што може да издржи напади од разни пиштоли, пушки, како и експлозија на гранати или други експлозивни направи.

Тој е сертифициран со „PAS 300“ и „PAS 301“ и, меѓу другото, има испукано повеќе од 200 куршуми преку него за време на процесот на сертификација.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 18 возачи за безобѕирно управување возило, 15 возеле без возачка дозвола, од кои двајца малолетници

Во текот на изминатото деноноќие на целата територија на државата, полициските службеници лишија од слобода 18 возачи кои управувале возило без возачка дозвола, од кои двајца малолетници.

Пет лица во Гостивар, од кои еден е малолетник, а еден учествувал во претходна сообраќајна незгода, четири лица во Скопје, две лица во Кичево од кои еден малолетник и по едно лице во тетовско, Кривогаштани, Прилеп и Битола. Под дејство на алкохол возело едно лице во Делчево. Додека пак, по едно лице во Кичево и Кавадарци возеле со забрана за управување на моторно возило. По целосно документирање на случаите ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Предлогот на разрешување и избор на членовите на Владата е пристигнат во Собранието

Предлогот за разрешување и избор на членовите на Владата е пристигнат во Собранието.

Седницата е закажана за понеделник 13 јули, со почеток од 11 часот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Во тек е тампонирањето на новиот кружен тек на Северен Булевар

Градежните работи на новиот кружен тек на Северен Булевар напредуваат според предвидената динамика, а со секој нов чекор проектот се приближува до својата завршница.

Со завршувањето на кружниот тек ќе се создадат подобри услови за одвивање на сообраќајот, ќе се намалат застојите и ќе се овозможи побезбедно и поефикасно движење за сите учесници во сообраќајот.

Продолжуваме посветено да реализираме проекти што носат трајни придобивки за граѓаните, стои во објавата на градоначалникот на Општина Кавадарци, Митко Јанчев.

Тагови: Митко Јанчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.