Фото: Пристигна редизајниран „Peugeot 208“ - Канал 5

Автомобилизам

Фото: Пристигна редизајниран „Peugeot 208“

Иако не покажуваше знаци на стареење, „Peugeot“ одлучи да го рестилизира својот најмал модел.

Фото: Пристигна редизајниран „Peugeot 208“

Еден од најпопуларните и најатрактивните модели во класата сега е визуелно усогласен со остатокот од гамата на францускиот производител.

Новиот светлосен склоп ја наоѓа својата инспирација во „Peugeot 9x8 Hypercar“, дневните светла сега се тројно зголемени, а предната табла е освежена со нов дизајн.

Сите верзии имаат куќишта на ретровизорите во сјајна црна завршница, додека стоп светлата имаат нова графика.

Има и црни облоги за браници, а купувачите можат да изберат од седум надворешни бои.

Листата на новитети на надворешноста завршува со нова линија на алуминиумски тркала од 16 и 17 инчи.

Во кабината, најголемата иновација е 10-инчниот екран на мултимедијалниот систем, додека 10-инчниот дигитален кокпит е достапен на нивоата на опременост „Allure“ и „GT“.

Подобрите познавачи на марката ќе го забележат и новото лого на „Peugeot“, и надворешно и внатре, и новата рачка на 6-брзински мануелен менувач.

„Peugeot“ стандардно го опремува автомобилот со системот „i-Connect“, а како опција се нуди и „Advanced“ верзија.

„Android Auto“ и „Apple CarPlay“ се стандардни, а подобро опремените верзии добиваат 3 USB-C приклучоци, безжичен полнач и предни и задни камери за помош за паркирање.

Нема многу новости под хаубата. Најголемата промена се однесува на електричниот погон, односно верзијата „E-208“, која сега има 156 КС и батерија од 51 kWh.

Досегот е зголемен на 400 км, а полнењето на брзиот полнач од 20 на 80% капацитет трае 25 минути.

Опционален е трифазен полнач од 11 kW, а стандарден е монофазен полнач од 7,4 kW.

Во понудата остануваат бензинските модели, како и оние со блага електрична поддршка. „Лесните“ 48V хибриди имаат 100 и 136 КС, додека верзии со чист бензин нудат 75 и 100 КС.

Во сите случаи, зборуваме за 1,2 трицилиндрични мотори.

Цените не се објавени, но се очекува дека нема да се променат значително во однос на сегашниот модел.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода вкупно осум лица во, кај нив при преглед е пронајдена дрога

Лишени од слобода вкупно осум лица во Скопје, Струга и Кичево, кај нив при преглед е пронајдена дрога.

Лишени од слобода вкупно осум лица во, кај нив при преглед е пронајдена дрога

На 11/12.07.2026 во Скопје, на различни локации полициски службеници од СВР Скопје ги лишија од слобода Т.Е.Б.(23), С.Б.(26), М.С.(33), Л.Д.(29), Е.М.(37) сите од Скопје и М.С.(18) од Тетово, затоа што кај нив се пронајдени и одземени марихуана, бела прашкаста материја и бела грутчеста материја.

На 11.07.2026 полициски службеници од ОВР Неготино извршија службен разговор со Н.К.(26) од село Бистренци, демиркаписко, затоа што при преглед од страна на полициски службеници од Мобилната единица за компензаторни мерки, кај него била пронајдена и одземена марихуана. Известен бил јавен обвинител.

На 12.07.2026 во 01:00 часот, на ул.„Нико Нестор“ во Струга, лишен од слобода е Н.М.(18) од струшкото село Мислодежда кај кого, полициските службеници при извршен преглед, пронајдоа и одзедоа опојна дрога марихуана.

На 12.07.2026 во 01:00 часот, кај месноста „Китино кале“ во Кичево, лишен од слобода е И.Ѓ.(48) од Белград, Република Србија кај кого, при извршен преглед, полициските службеници пронајдоа и одзедоа непозната бела прашкаста материја.

По целосно документирање на случаите, ќе следуваат соодветни поднесоци.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД погодија 140 цели во Иран, Техеран повторно го затвори Ормускиот теснец

Американските сили погодија околу 140 воени цели во Иран во третиот бран напади извршени во текот на оваа недела, соопшти централната команда на САД – ЦЕНТКОМ.

САД погодија 140 цели во Иран, Техеран повторно го затвори Ормускиот теснец

Во нападите биле употребени проектили и оружје лансирано од борбени авиони, беспилотни летала и воени бродови. Меѓу погодените цели биле позиции за ракети и дронови, поморски капацитети, складишта за муниција, комуникациски мрежи и крајбрежни системи за надзор. Причина за последните напади бил нападот врз товарен брод под кипарско знаме од страна на Иран. Техеран соопшти дека бродот се движел по неодобрена маршрута и дека бил погоден откако не ги почитувал иранските поморски инструкции. Новата размена на оган следи по неуспехот за постигнување финален мировен договор меѓу двете страни.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Глишиќ свечено осветен големиот крст, на осветувањето присуствуваше градоначалникот Јанчев

Денес во Глишиќ свечено беше осветен големиот крст, кој ќе остане како траен симбол на верата и духовноста за жителите на Глишиќ и целиот наш крај.

Во Глишиќ свечено осветен големиот крст, на осветувањето присуствуваше градоначалникот Јанчев

На чинот на осветувањето присуствуваа градоначалникот на Општина Кавадарци Митко Јанчев и претседателот на Советот др Стојанчо Рамов. Овој значаен проект е реализиран благодарение на иницијативата и посветеноста на Месната заедница Глишиќ, со поддршка од Општина Кавадарци, ЈП „Комуналец“, општествено одговорни компании и физички лица кои несебично помогнаа во неговата изградба.

Крстот, висок 15 метри со распон од 10 метри, ќе биде место на молитва, благослов и духовно собирање, сведоштво за силната вера и заедничката желба да оставиме нешто вредно за идните генерации.

„Благодарност до сите кои дадоа свој придонес во реализацијата на ова дело. Нека овој свет христијански симбол носи мир, љубов и благослов за сите жители на Глишиќ и Кавадарци.“- објави Јанчев на Фејсбук

Тагови: Општина Кавадарци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер