Автомобилизам

Фото: Претставен првиот „Maybach“ кој може да работи на струја

Автомобилот ја има ознаката „Mercedes-Maybach S580e“ каде буквата „е“ во името се однесува на „plug-in“ хибридниот погон. Најголемата и веројатно единствената вистинска иновација се однесува на погонот.

Електрификацијата го натера и „Maybach“ да се „спушти меѓу смртниците“, односно на ниво од шест цилиндри.

Имено, во срцето на погонот е 3.0 линиски шестцилиндричен бензински мотор со 367 КС и 500 Nm, а спарен е со електромотор кој произведува максимални 150 КС и 440 Nm.

Вкупната комбинирана моќност е 510 КС, а вртежниот момент достигнува 750 Nm, што одговара на „обичниот“ „Mercedes S580e“.

Очекувано, перформансите се исти, што значи дека овој луксузен „крусер“ до 100 км/ќ достигнува за 5,1 секунда, а максималната брзина е ограничена на 250 км/ч, односно на 140 км/ч, доколку автомобилот се движи само на струја..

Автомобилот се испорачува со полнач со моќност од 11 kW, додека како опција е достапен и појак од 60 kW. Во вториот случај, батеријата од 28 kWh се полни за само половина час.

Електричниот опсег е 100 км.

Се добива впечаток дека електрификацијата на „Maybach“ се случува некако срамежливо, па единствените знаци на препознатливост на електрифицираната верзија се сините детали во фаровите и отворот за полнење.

Внатре, единствената новина е индикаторот за статусот на батеријата на дигиталната контролна табла.

И една интересна работа. Овој модел ќе дебитира во Кина, потоа во Тајланд и дури потоа ќе дојде во Европа.

До крајот на годината ќе пристигне и првиот целосно електричен „Maybach“, најверојатно базиран на „SUV“ моделот „Mercedes EQS“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мисајловски на состаноци на министрите за одбрана во форматите CEDC и KREMS

Министерот за одбрана Владо Мисајловски престојува во Словенија каде денеска и утре (21 и 22 септември) во Брдо-Крањ, ќе учествува на редовниот годишен состанок на министри за одбрана.

Министерот за одбрана Владо Мисајловски престојува во Словенија каде денеска и утре (21 и 22 септември) во Брдо-Крањ, ќе учествува на редовниот годишен состанок на министри за одбрана во рамки на Централноевропската одбранбена соработка – CEDC со земјите од Западен Балкан (Албанија, Босна и Херцеговина, Србија и Македонија) и на состанок на неформалната регионална иницијативата за одбранбена соработка меѓу земји од Централна Европа во формат Грац/Кремс со земјите од Западен Балкан.

Фокусот на годинашните состаноците е безбедносната состојба во Европа, унапредување на регионалната безбедносна и одбранбена соработка преку заеднички проекти и размена на искуства со земјите членки на CEDC, воената мобилност, управувањето со кризи, хибридните закани, заеднички обуки и развој на капацитети и способности и идни активности кои ќе ја зајакнат улогата на земјите од Западен Балкан во евро-атлантската безбедносна архитектура

Во текот на утрешниот ден предвидено е да се реализира и состанок на земјите членки на Балканските медицински наменски сили

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Разговарав со државниот секретар на САД, Марко Рубио.

Во Њујорк разговарав со државниот секретар на Соединетите Американски Држави, Марко Рубио, објави на фејсбук, премиерот Христијан Мицкоски.

Овие разговори имаат особено значење и претставуваат потврда на важноста на стратешкото партнерство и континуираниот политички дијалог со Соединетите Американски Држави.

Директната комуникација на високо политичко ниво е важна можност за размена на ставови за прашањата од заеднички интерес, за продлабочување на билатералните односи и за натамошно зајакнување на нашата позиција како стабилен и доверлив сојузник.

Во период на сериозни геополитички предизвици, силните партнерства и отворениот дијалог со нашите стратешки сојузници имаат уште поголема тежина. Македонија има јасни државни интереси и продолжува достоинствено и принципиелно да ги застапува заедно со нашите стратешки партнери.

Продолжуваме да го јакнеме македонско-американското стратешко партнерство и да создаваме нови можности.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Променливо облачно со сончеви периоди

Времето денес ќе биде променливо облачно со сончеви периоди.

Попладне и во вечерните часови ќе има повремени локални врнежи од дожд кои ќе продолжат и во текот на ноќта кон вторник. Локално процесите ќе бидат во форма на краткотрајно невреме проследени со пороен дожд, засилен ветер и појава на грмежи. Ќе дува засилен ветер од северен правец, кој долж Повардарието ќе достигнува брзина од 40 km/h.

Минималната температура ќе биде во интервал од 10 до 17, а максималната ќе достигне од 25 до 32 степена.

Во Скопје, променливо облачно и топло со сончеви периоди. Ќе дува слаб ветер од северен правец. Попладне во делови од котлината ќе има повремени врнежи од дожд и засилен ветер. Минималната температура ќе се спушти до 18, а максималната ќе достигне до 28 степени.

ВРЕМЕТО ВО НАРЕДНИТЕ ДЕНОВИ

До крајот на работнава седмица ќе преовладува променливо облачно и посвежо време со сончеви периоди. Од попладневните часови од петок повторно се очекуваат врнежи. До среда ќе дува засилен северен ветер кој на моменти ќе надминува брзина од 50 km/h.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.