Голем број фудбалери и познати личности вчера се простија од трагично загинатите португалски фудбалери Диого Жота и неговиот брат Андре Силва. На погребот на Диога Жота и неговиот брат Андре Силва во нивниот роден Гондомар во Португалија изненадувачки го немаше и капитенот на Португалија, Кристијано Роналдо, кој во моментов е на заслужен одмор со семејството на јахта во близина на шпанскиот брег..

Најголемата португалска ѕвезда и капитен на националниот тим, Кристијано Роналдо од досега непознати причини не беше присутен на погребот на Диого Жота и Андре Силва.

Неговото отсуство не остана незабележано од јавноста ширум светот, а навивачите се бесни поради неприсуството на Кристијано на погребот на неговиот соиграч и пријател од репрезенацијата.

Но, сега, медиумите објавуваат дека Роналдо бил отсутен од конкретна оправдана причина.

Тој одлучил да не присуствува на церемонијата во тажниот Гондомар од страв да не ја наруши атмосферата на жалост и тага во градот. Роналдо го контактирал семејството на Жота и објаснил дека не сака неговото присуство да го одвлече вниманието од моментот и да ја потисне тагата на семејството.

Инаку, Роналдо беше меѓу првите што се збогуваа со својот соиграч од репрезентацијата со емотивни зборови.

„Ова нема смисла. Бевме само заедно во репрезентацијата. Токму се венчавте. Им упатувам најискрено сочувство на семејство, на сопругата и децата, им ја посакувам сета сила на светот. Знам дека засекогаш ќе бидете со нив. Почивајте во мир Диого и Андре. На сите ќе ни недостигате“, се вели во објавата на Кристијано Роналдо.

На погребот во Гондомар присуствуваа голем број фудбалери и познати личности. Имаше членови на португалската репрезентација, соиграчи од Ливерпул, селекторот на Португалија, Роберто Мартинез, играчи од Премиер лигата, како и претседателот на Португалија.

На погребот присуствуваа и Рубен Невес, Рубен Дијаз, Бернардо Силва, Жоао Мутињо, Џејмс Милнер, Бруно Фернандес, Џо Гомез, Дарвин Нуњез, Жоао Феликс, Нелсон Семедо, Роберто Мартинез.

Мануел Линда, епископ на Порто, им се обрати на илјадниците ожалостени кои ги исполнија улиците за да му оддадат почит.

Во емотивна порака, тој конкретно се осврна на тројцата наследници на Жота, кои не присуствуваа на погребот. Епископот рече дека „многу ќе се моли за нив“, додавајќи: „Ако е тешко да се види како возрасен плаче, уште потешко е да се види како дете плаче“.

Следеа зборови што го „растураат “ срцето.

- Оние кои многу страдаат се вашата мајка и вашите баба и дедо. Гледањето на останките од дете е најголема болка, но кога има две урни, немам зборови... - додаде Линда.