Фото: Новата Опел Мока е во завршна фаза на тестирање

Опел е при крај со тестовите на новата Мока за да стигне во продажните салони на почетокот на 2021.

Инженерите на Опел мементално ја тестираат новата Мока во центарот за тестирање возила Родгау-Дуденхофен во Германија.

Овој автомобил од експертите на Опел е тестиран и во зимски услови за финални подесувања на шасијата и системите за помош при возење на заледени патишта.

Втората генерација на Мока ќе има целосно нов дизајн кој е заснован на  „CMP“ модуларната механичка платформа.

Од германскиот произведувач објаснуваат дека овој модуларен комплет нуди максимална флексибилност во развојот на возилото. „CMP“ исто така овозможува возење на целосно електричен погон, како и возоење со помош на мотор со внатрешно согорување.

Новата Мока има и до 120 килограми помала маса од претходниот модел, со скоро исто меѓуосовинско растојание и димензии на гумите.

Во електричната верзија батеријата се вградува ниско под возилото.

Опел овој модел ќе го претстави до крајот на оваа година, а новата Мока во продажните салони треба да се најде во 2021.

притисни ентер