Технологија

Фото: Не се 3310, но тешко се кршат

„Nokia“ се здружи со германската компанија „i.safe“ за да објави два нови мобилни телефони.

Овие телефони, означени како „Nokia HHRA501x“ и „Nokia IS540.1“, се наменети да се користат во индустриски средини. Се разбира, тие поминаа строги стандарди и ригорозни тестирања на издржливост, па затоа имаат оценки „IP68“ и „MIL-810H“.

„Nokia“ вели дека телефоните може безбедно да се користат во области со висок ризик од експлозии, како и во области со помал ризик.

Исто така, компанијата соопшти дека телефоните ги поддржуваат сите потребни функции кои често се користат и дека ги имаат добиено сите потребни сертификати, па затоа се „погодни за употреба од светски компании“, пишува „Gizchina“.

Мобилниот телефон „Nokia IS540.1“ е опремен со 6-инчен екран и е заштитен со „Corning Gorilla 3“ стакло. Има „Qualcomm octa-core QCM6490“ процесор, а неговите перформанси се блиски до оние на „Snapdragon 778“.

Уредот доаѓа и со „8 GB RAM“ и „128 GB“ внатрешна меморија. Има камера од 48 мегапиксели со автофокус и предна камера од 5 мегапиксели, како и батерија од 4400 mAh.

Фудбал

Арсенал се надева дека Жоргињо ќе го продолжи договорот

Фудбалерот од средниот ред на Арсенал, Жоргињо може да го напушти клубот.

Според „Standard“, за 32-годишниот Италијанец силно се заинтересирани Јувентус, Лацио и Наполи. Во исто време, лондонскиот клуб се надева дека играчот ќе ги одбие понудите и ќе го продолжи договорот со Топџиите.

Оваа сезона Жоргињо одигра 35 натпревари, постигна гол и две асистенции.

Се шпекулира дека одлуката дали Жоргињо ќе остане во Арсенал во голема мера ќе зависи дали неговиот тим ќе ја освои Премиер лигата. /МИА

Македонија

Изречени 130 санкции за брзо возење на територија на државата

На територијата на државава во текот на вчерашниот ден изречени се вкупно 130 санкции за брзо возење.

Од нив, како што информираа денеска од Министерството за внатрешни работи, 12 возила се движеле со брзина над 50 километри на час повеќе од дозволеното, а две возила со дури над 70 километри на час повеќе од дозволената брзина. Притоа, 53 возила ја пречекориле брзината во населено место, а 77 надвор од населено место.

Македонија

Санкционирани 157 возачи под дејство на алкохол

МВР информира дека вчера, во акциска контрола, се санкционирани 157 лица кои возеле под дејство на алкохол.

Контролата била спроведена од 16.00 до 22.00 часот на територијата на Република Северна Македонија.

Според МВР, санкционирани се и 183 други видови на сообраќајни прекршоци.

-Сообраќајните контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, наведува Министерството.

притисни ентер