Им значи, бидејќи ДУИ единствениот спас го гледа во враќањето на Груевски. Ова е сон на ДУИ, но за нивна жал, сегашната реалност не е сон, туку доказ кој покажува дека во Северна Македонија имаме влошување на состојбите во секој аспект и во секоја сфера.

Веќе постојат докази дека ДУИ преку разни начини и форми е во контакт со Никола Груевски, со кого се испитуваат можностите за негово враќање, од што би зависела судбината на ДУИ, заедно со СДСМ.

Па јавно прашуваме како помина вечерата на министерот Бујар Османи со Груевски на 06.09.2023 година во Будимпешта? Каков вкус имаше оваа вечера и како ќе се реализира „триумфалното“ враќање на Груевски?

ЕВРОПСКИ СОЈУЗ ЗА ПРОМЕНА

Подобрување на квалитетот на наставата, стекнување на дигитални вештини и безбедно пребарување на интернет, се дел од придобивките од набавената ИТ опрема за 40 основни училишта, преку проектот на Министерството за образование и наука за унапредување на основното образование кој е финансиран со средства од Светска банка.

Како што соопшти денеска Министерството за образование и наукa, се вложува во дигитализација на образовниот процес како еден од главните фокуси на реформата на националниот образовен систем. Станува збор за глобален тренд кој, како што се наведува, настојуваме да го следиме, а ќе придонесе и за развојот на дигиталното општество во земјава.

-Со примената на новата ИТ опрема, учениците во основните училишта ќе развиваат нови дигитални вештини, а особено важно е што ќе бидат заштитени од непристојни содржини кои ќе ги ограничува централниот систем инсталиран во рамки на МОН, стои во соопштението.

Од МОН потсетуваат дека покрај набавката на ИТ опрема за основните училишта, ресорното министерство ги опреми и кабинетите по предметите од групата на општествени науки како историја и географија со нови наставни и нагледни средства, а целосно се опремени и кабинетите по природни науки во сите основни училишта.

- Инвестирањето во образованието е инвестиција во иднината. Образован и квалификуван кадар може да придонесе за развој на општеството и средината во која живееме. Секоја инвестиција во процесот на образованието, двојно се враќа во државата, се вели во соопштението од Министерството за образование и наука.

Односот на државата, односно на владините институции кон граѓанскиот сектор е одраз на демократската зрелост на едно општество. Ефикасни анти-корупциски мерки можеме да имаме само ако и граѓанскиот сектор е вклучен во нивното креирање, имплементација и контролата на нивното спроведување, потенцираше заменичката на претседателот на Владата задолжена за политики за добро владеење, Славица Грковска на синоќешниот глобален Форум за граѓанско општество.

Форумот, како што информираат од владината прес-служба, кој го обедини невладиниот сектор, но и претставници на влади од целиот свет, се одржува во организација на Стејт Департментот на САД и Канцеларијата за дрога и криминал на Обединетите Нации (УНОДЦ), како пред-настан на Конференцијата на земјите потписнички на Конвенцијата на Обединетите Нации за заштита од корупција (УНКАК) во Атланта, САД, која почнува со работа од денеска.

Вицепремиерката Грковска учествуваше на панелот кој беше посветен на заштитата и поддршката на граѓанското општество во напорите за справување со корупцијата.

-Справувањето со корупцијата е предизвик, не само за Македонија, не само за Западен Балкан, туку на глобално ниво. Токму затоа, преку креирање на долгорочни и одржливи политики, со вклученост на сите општествени фактори, особено на граѓанскиот сектор, можеме да постигнеме конкретни резултати, нагласи вицепремиерката Грковска. Таа додаде дека граѓаните во Македонија покажуваат се помалку толеранција кон корупцијата, што е добар сигнал и уште поголема обврска за надлежните да преземат конкретни чекори за справување со корупцијата.

Таа посочила дека граѓанскиот сектор во Македонија има одлична експертиза, особено во делот на корупцијата во јавните набавки, како и за состојбите во правосудството и тоа е од големо значење за креаторите на политиките и за носителите на одлуки. Нагласила дека многу е важно при креирањето на мерките да се имаат предвид конкретните специфики на државата, на институциите, на општеството. Само на тој начин, посочила таа, може да имаме ефикасни и добро таргетирани мерки.

Вицепремиерката Грковска го претставила и Форумот на Југоисточна Европа на жени лидерки за добро владеење и анти-корупција, кој беше формиран на нејзина иницијатива, а кој претставува платформа за вмрежување на лидерки од регионот кои со својата работа дале значаен придонес во оваа област, но и платформа за поддршка за сите оние кои поради својата бескомпромисност и професионалност биле подложни на непринципиелни напади.

Во своето изглагање, Грковска се осврнала и на соработката со младите, како и на кампањата „Зависи од мене и тебе“, што ја реализира нејзиниот Кабинет, а чија главна порака е дека промените во општеството зависат од сите нас.

Покрај вицепремиерката Грковска, на панелот учествувале и Изабела Кореа, секретар за јавен интегритет на Канцеларијата за генерална контрола од Бразил, Кетакандриана Рафитсон, извршна директорка на Транспаренси Интернешнл, Мадагаскар, како и Пусетсо Морапеди, од Платформата за заштита на укажувачите во Африка.

Како што информираат од владината прес-служба, на денешниот прв ден од Конференцијата COSP 10, вицепремиерката Грковска ќе има обраќање на Пленарната сесија на конференцијата.