Фото: На продажба првиот тркачки Голф на светот

Фановите на Голг 1 не би требало да пропуштат ваква прилика.

Фолксваген Голф е со нас подолго од 45 години и за тоа време овој автомобил влезе во најтесниот круг на најпродаваните модели на сите времиња со преку 35 милиони испорачани примероци.

Вљубениците во овој автомобил имаат и своја омилена генерација а за многумина тоа е токму оригиналниот Голф 1.

Кога се појавил во 1974 година, Голф 1 со својот дизајн, претставувал целосна спротивност од тогашниот најпродаван Фолксваген, моделот Буба, како по обликот на каросеријата, така и во механиката.

Заоблените линии на Буба се заменети од коцкастиот облик на Голф, наместо воздушно ладен мотор поставен одзади, новиот Фолксваген имал водено ладење и предно поставен мотор, а и погонот од задните е поместен на предните тркала.

Само една година по премиерата, 1975 година е направен овој црвен примерок прилагоден за тркачката патека.

Дебито било впечатливо, со оглед на тоа дека токму тој Голф го освоил првото место на  трката во Хокенхајм. Зад воланот се наоѓал Бернд Лилиер.

Возилото преживеало се до денешен ден и е во извонредна состојба, а фановите на Голф и колекционерите наскоро ќе можат да се наддаваат за него на аукција организирана од „RM Sotheby“.

Додека стандардниот тркачки Голф 1 имал 1.6 литарски 4 цилиндарски мотор со 162 коњски сили, овој добивал сила од 1.8 литарски мотор со 175 коњски сили.

Освен тоа, автомобилот има и специјална тркачка суспензија , „Weber 45 DCOE“ карбуратор, специјални „BBS“ бандажи, и тркачки сопирачки.

Како што се наведува, овој Голф е реставриран во Фолксваген во 2011 година и благодарение на тоа се уште е во ваква состојба.

притисни ентер