Забава

Фото: Меси за фотографија со Јамал како бебе: „Неверојатно“

По крајот на мундијалските полуфиналиња и победите на Шпанија и Аргентина, топ вест во светските медиуми е една фотка на најдобриот светски фудбалер Лионел Меси и неговиот наследник Ламин Јамал како бебе

И Лионел Меси, како и целиот свет, е вчудовиден од фактот дека ќе игра за светската титула против момчето што го држел во рацете пред две децении.

Сега веќе познатата фотографија на Меси – направена во времето кога тој го градеше својот пат во Барселона – и на сосема малото, новородено бебе Јамал, повторно стана актуелна откако Ламин се проби во првиот тим на Каталонците и многу брзо со право според игрите се здоби со статус на ѕвезда.

Фотката своевремено предизвика неверување во фудбалскиот свет. Потоа падна во заборав, но повторно излезе во преден план за време на Светското првенство и стана хит откако и двајцата стигнаа до финалето.

Сега звучи уште поневеројатно тоа што „моделите“ од таа позната фотографија ќе се борат за светската титула. Дваесет години откако е направена фотографијата.

Од сите приказни поврзани со Светското првенство раскажани досега – не само од тековниот турнир – оваа е можеби најневеројатната.

„Ламин е играч кој може многу да постигне. Пред него е одлична кариера и можност да направи нешто историско, но се надевам дека тоа нема да се случи овој пат, против нас. Животот е луд, а фактот што и двајцата играме на Светското првенство по онаа фотографија е неверојатен. Му посакувам многу среќа во Барселона. Ќе се обидеме да не му дозволиме да биде во најдобра форма во недела, иако тоа ќе биде тешко“, изјави Меси на настан организиран од ФИФА во Њујорк.

На фотографиите направени во 2007 година може да се види како Меси го бања бебето Јамал.

Во 2007 година се случи историски момент, а никој не беше свесен за тоа.

Всушност, идејата била да се реализира фотосесија за годишен календар.

Во декември, каталонскиот весник „Спорт“, во соработка со Барселона и УНИЦЕФ, започна проект за хуманитарен календар. Идејата беше ѕвездите на Барселона да се фотографираат со бебиња, а потоа календарот да се искористи за собирање средства за хуманитарни цели.

УНИЦЕФ помина неколку месеци избирајќи семејства од Каталонија кои би учествувале во оваа програма, а за изборот да биде целосно правичен, меѓу заинтересираните родители била организирана ждрепка. Извлечено било семејството на Ламин Јамал. Но, тука не завршило сè. Не се знаеело со кого ќе се фотографира момчето, а кога семејството пристигна на „Камп Ноу“, ги пречекало изненадување – на нивниот син му бил доделен никој друг туку Лионел Меси. Овој момент го овековечија фотографите Жан Монфор и Ориол Каналс.

Тагови: Ламин Јамал Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тајфун ја погоди Кина: На повеќе од 870.000 им е наредено да се евакуираат (ВИДЕО)

Тајфунот Саудел двапати го погоди источниот брег на Кина во петок наутро. Властите евакуираа луѓе и ги запреа возовите и фериботите, објави Ројтерс.

Тајфунот го погоди градот Таиџоу околу 8 часот наутро по локално време и градот Венџоу еден час подоцна. Ова е трет тајфун што ја погодува покраината Жеџијанг оваа година.

Саудел ќе донесе обилни дождови во Жеџијанг и Фуџијан, покраина на југоисточниот брег, со можност за локални поројни дождови, соопшти кинеската државна новинска агенција Ксинхуа. Додека тајфунот се движи кон внатрешноста, може да донесе обилни дождови во други региони на покраината, вклучувајќи ги Хубеи, Гуангси и Јунан.

Владата на Венџоу нареди евакуација на повеќе од 820.000 луѓе, додека властите во Таиџоу суспендираа осум линии за патнички фериботи и идентификуваа 52.000 луѓе кои треба да бидат евакуирани, објави државниот радиодифузер „CCTV“.

#BreakingNews Typhoon Saudel has JUST made landfall in Zhejiang!🌧️Before the storm hit, Chinese and foreign volunteers joined forces to help warn local residents at Yancang Community near Ningbo’s Old Bund on Aug 27. French expat Samy, a community expat, shared his experience.… pic.twitter.com/5Jp7epqfkN
— WowNingbo (@WowNingbo) August 28, 2026

Железничкиот оператор „China Railway Shanghai Group“ привремено ги суспендираше некои услуги на неколку линии во Жеџијанг од четврток до петок, според „CCTV“.

Фуџијан во четврток започна итни мерки против тајфунот. Проектите по должината на брегот се суспендирани, а 57 патнички фериботски линии се затворени.

Извор: Б92

Тагови: Кина тајфун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Македонија вечерва осум активни пожари

Во Македонија до 18 часот се регистрани осум активни пожари, информираат од ЦУК. Во општина Сарај гори во селото Копаница, каде што е зафатена ниска вегетација.

Пожар е активен и на подрачјето меѓу селото Трново во општина Гостивар и селата Битово, Заград и Страјане во општина Македонски Брод, каде што гори нискостеблеста шума, ниска вегетација, пасишта и папрат. Во општина Чашка активен е пожарот над селото Нежилово, во месноста Сватови, каде што гори ниска вегетација и поединечни дрвја. Пожар има и во селото Копанце во општина Јегуновце, каде што е зафатена мешана шума. Во прилеп активни се три пожари – над касарната, кај старите гробишта, како и во селото Црнилиште.

Тагови: пожари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ на сите верници им го честита христијанскиот празник Успение на Пресвета Богородица

ВМРО-ДПМНЕ им го честита големиот христијански празник Успение на Пресвета Богородица на сите православни верници.

Успението на Пресвета Богородица е празник на верата, надежта, љубовта и семејството. Мајката Божја е вечен пример за скромност, трпеливост, пожртвуваност и човечност - вредности кои не потсетуваат дека силата на едно општество се темели на почитта, солидарноста и грижата за ближниот.

Семејството, традицијата, верата и солидарноста се темелите врз кои градиме силна, достоинствена и просперитетна Македонија. Токму овие вредности не обединуваат и ни даваат сила со заедништво и одговорност да чекориме кон подобра иднина.

Нека овој голем празник донесе мир во домовите, спокој во срцата, здравје и благосостојба, и нека нe обедини во заедништво, почит и љубов кон семејството и татковината.

Нека ни е честит и вековит празникот Успение на Пресвета Богородица!

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.