На покана на државниот секретар на Соединетите Американски Држави, Марко Рубио, министерот за надворешни работи и надворешна трговија, Тимчо Муцунски, утре и задутре ќе престојува во работна посета на Вашингтон, каде што ќе учествува на министерски состанок посветен на заканите од политичкиот тероризам.

Состанокот ќе обедини високи претставници од повеќе од шеесет држави, со цел унапредување на меѓународната соработка и зајакнување на институционалната подготвеност за справување со современите форми на политички мотивирано насилство и тероризам.Во фокусот на разговорите ќе бидат транснационалниот карактер на политичкиот тероризам, радикализацијата во дигиталната ера, како и потребата од зајакната меѓународна координација во превенцијата и раното препознавање на заканите“, соопштија од министерството.

Во рамки на посетата на Вашингтон, на маргините на состанокот се очекува министерот Муцунски да оствари средба со Даниел Џ. Лотон, заменик-помошник државен секретар за западна и централна Европа и јужна Европа во бирото за европски и евроазиски прашања на Стејт департментот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Не на пратениците во празна сала, туку на граѓаните кои ги навредуваше со месеци.

Тој ги нарекуваше граѓаните „талог на општеството“, „глодари“, „медиокритети“, „мекотели“ и со други погрдни имиња.

Ги омаловажуваше сите кои не се согласуваат со него, кои ја критикуваат неговата политика или кои едноставно бараат подобар живот.

Таквото однесување не е достојно за премиер на држава. Уште помалку е достојно за човек кој се претставува како универзитетски професор.

Ова е срамота и за институцијата која ја претставува и за државата која ја води.

Особено што Мицкоски не застана сам во навредите туку беше поддржан. Заедно со својот прв соработник Иван Стоилковиќ, во Собранието отворено псуеше пратеници, а Стоилковиќ физички се обиде да се пресмета со пратеникот Митко Трајчулески.

Ова не е политичка расправа туку понижување на пратениците кои се претставници на граѓаните, како и на највисоката институција во државата.

Мицкоски мисли дека едно изнудено изговорено „извинете“ во празна сала може да ги избрише сите овие навреди? Не може.

Граѓаните не се наивни и не може да ги излаже.

Ова однесување е резултат на губењето на поддршката и на падот на рејтингот, кој самиот си го предизвика со секојдневните лаги, со немањето никаков резултат и со тоа што ја води државата во изолација и економски колапс.

Христијан Мицкоски должи јавно и искрено извинување на граѓаните на Македонија.

Сè додека тоа не го направи, ќе остане запаметен како премиер кој наместо да ги обединува граѓаните, ги навредува и ги понижува.

Скопје, 15.07.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

За само две години, во спортот Владата предводена од ВМРО-ДПМНЕ вложи над 21 милион евра. Реализирани се и започнати 60 капитални спортски проекти. Се инвестира во нови спортски сали, базени, атлетски патеки, се реконструираат стадиони, мултифункционални игралишта и се создаваат подобри услови за илјадници спортисти низ целата држава.

Се градат нови спортски сали во Радовиш, Крушево, спортската сала „Расадник“, салата на УКИМ, нови спортски сали во Општина Аеродром, Воената академија, се градат атлетските патеки во Велес и Гевгелија, трибините на Градскиот стадион во Тетово и девет базени низ државата.

Реализацијата на овие проекти се доказ дека спортот конечно добива вистинска поддршка. Додека СДС и ДУИ со години зборуваа за спортот само во предизборни кампањи, Владата предводена од ВМРО-ДПМНЕ работи и испорачува конкретни резултати.

Истовремено, воведен е потранспарентен систем за распределба на средствата, со јасни критериуми, со што државната поддршка конечно завршува таму каде што треба, кај спортистите, клубовите и федерациите.

Разликата е очигледна. Наместо запоставување на спортот, денес има инвестиции и конкретни дела.

Владата предводена од ВМРО-ДПМНЕ продолжува со уште посилно темпо, затоа што младите тоа го заслужуваат.

Спортот е еден од клучните приоритети на Владата на ВМРО- ДПМНЕ затоа се градат спортски објекти, се поддржуваат спортистите и се создаваат услови за нови победи. Тоа е разликата што граѓаните ја гледаат и ја чувствуваат.

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.