Забава

Фото: Луксузната вила на легендарниот хрватски фудбалер Марио Манџукиќ

Екс фудбалерот на Барен Минхен,Атлетико Мадрид, Милан....38-годишниот Марио Манџукиќ дефинитивно ужива во плодовите на својот труд по богатата и успешна кариера на зелениот терен

Во долгогодишната успешна кариера одличниот центарфор ги носеше дресовите на Динамо Загреб, Марсонија, Ал Духаил, Волфсбург, Јувентус, Атлетико и Милан во кои дефинитивно заработил милиони кои сега му обезбедуваат мирна иднина и старост.

Порталот „CA Knowledge“ пресметал дека популарниот Манџо ’тежи’ 35 милиони долари.

Поранешниот репрезентативец и поранешен помошник селектор на хрватската фудбалска репрезентација, откако пред неколку месеци ја напушти клупата на популарните „ватрени“ одлучи да влезе во менаџерските води.

Покрај тоа што продолжи да ја практикува својата најголема љубов - фудбалот - Манџукиќ дефинитовно размислува за живото и по фудбалот.

Тој е влезен и во бизнис водите и е директор на компанијата Вила Брач со седиште во Загреб. Тој поседува и луксузна вила на Брач, која изгледа навистина совршено.

Марио лукузната вила на Брач ја издава за туристи секако кои имаат подлабок џеб.

Вилата има 5 спални соби, 5 бањи, надворешен загреан базен од 20 м2, а погоден е за 10 лица.

Секако, луксузот доаѓа со цена која не е за секого. Имено, ноќевање чини 1.300 евра.

Свет

Завршија разговорите на делегациите на САД и Русија во Ријад- следува усогласување

Делегациите на Руската Федерација и Соединетите Американски Држави го договараат текстот на заедничката изјава по завршувањето на преговорите во Саудиска Арабија, изјави за РИА Новости извор запознаен со преговорите.

„Усогласувањето е во тек“, рече изворот, појаснувајќи дека станува збор за заедничка изјава.

Преговорите за делегација траат повеќе од 12 часа. Претседателот на меѓународниот комитет на Советот на Федерацијата, Григориј Карасин, изјави дека претставниците на Русија и на САД ги завршуваат преговорите во Ријад, пренесе Скај Њуз.

Експертскиот состанок меѓу рускиот и американскиот технички тим започна утрово, а се одржува зад затворени врати во хотел.

Како што претходно соопшти Кремљ, средбата главно била посветена на темата Црноморска иницијатива, која била предмет на разговор и при последниот телефонски разговор меѓу рускиот и американскиот претседател Владимир Путин и Доналд Трамп на 18 март.

Македонија

Протестен марш во Скопје: „Доста бевме ние, системот е следен!“

Под мотото „Доста бевме ние, системот е следен!“, вечерва во Скопје се одржува протестен марш во организација на граѓанската иницијатива „Кој е следен?“...

Протестот започна во 18 часот и 59 минути, симболично за 59-те жртви, на плоштадот Македонија, па продолжи пред Собранието и Владата...

Таму е Дејан Трајковски... Дејан, кои се пораките и барањата на граѓаните?

Свет

Сијарто: Повеќето земји- членки на ЕУ сакаат да продолжи војната во Украина

Унгарскиот министер за надворешни работи Петер Сијарто изјави дека повеќето либерални бриселски лидери сакаат војната во Украина да продолжи.

Унгарскиот министер за надворешни работи Петер Сијарто изјави дека повеќето либерални бриселски лидери сакаат војната во Украина да продолжи, но дека Унгарија останува посветена на својата позиција дека се потребни преговори, врз основа на американско-рускиот договор, за да се запре војната.

Сијарто рече дека Брисел ја покренал идејата за заобиколување на унгарското вето за да може да обезбеди дополнителна помош за Украина. Тој за РТ изјави дека Унгарија во текот на изминатите три години јасно стави до знаење дека нема решение на бојното поле за украинскиот конфликт, кој може да се запре само преку преговори.

„Претходната американска администрација фаворизираше војна, додека претседателот Доналд Трамп сака мир“, рече Сијарто, пренесе агенцијата МТИ.

Тој нагласи дека Унгарија високо ги цени тековните преговори меѓу САД и Русија. Сијарто истакна дека добрите односи меѓу Вашингтон и Москва се добри за глобалната безбедност.

„Светот стана многу побезбедно место благодарение на Трамп. Ризикот од ескалација е далеку помал отколку за време на администрацијата на Бајден“, оцени Сијарто.

Според него, Централна Европа „сега е многу поблиску до мирот отколку кога било во изминатите три години“. Сијарто рече дека лидерите на ЕУ спроведоа „многу лоша стратегија“ од избувнувањето на војната во Украина, нанесувајќи им штета на европската безбедност и економијата. „Секогаш ќе постапуваме во согласност со нашите национални интереси“, рече Сијарто, оценувајќи дека тоа е „непријатно за повеќето европски либерали“, пренесе Телеграф.