Балкан

Фото: „Луд“ возач од екс ЈУ, „дрифташе“ на легендарната Планица

Срамен чин на возач на автомобил со регистарска табличка од од поранешна Југославија на светски познатата ски-скокалница во Планица, Словенија.

Голема материјална штета е предизвикана во словенечкиот нордиски центар Планица.

Во саботата попладне, помеѓу 16 и 17 часот, непознат возач управувал со автомобил со странски регистарски таблички и „се движел“ низ снегот во подножјето на детските и младинските скијачки скокалници.

Со тоа, засега анонимниот возач го оштетил тревниот тепих и долната структура на скијачките скокалници, а неговото несовесно возење е снимено од безбедносните камери.

Полицијата од Крањ го истражува инцидентот и сè уште го бара сторителот, кој управувал со автомобил регистриран во една од земјите на поранешната заедничка држава.

„Секоја година се соочуваме со истата тажна приказна. Тревниот тепих под снегот е оштетен, слично како оној на фудбалскиот терен. Станува збор за исклучително чувствителна тревна површина која, поради неповолните услови, сè уште не е замрзната, па според првите проценки, штетата е огромна“, велат од Нордискиот центар „Планица“.

Тагови: словенија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Интерпелација за работата на министерот за внатрешни работи Панче Тошковски

Денеска на собраниска седница е интерпелацијата за работата на министерот за внатрешни работи Панче Тошковски поднесена од пратениците од опозицијата.

Го обвинуваат министерот Тошковски за креирање на „приватна партиска полиција заради владино прикривање и таргетиран политички реваншизам кон опозицијата“; командна одговорност за полициските пропусти кои доведоа до трагедијата во Кочани; непостапување на македонската полиција во случаи на семејно, врсничко и родово базирано насилство и говор на омраза. Меѓу другото, забележуваат и за, како што наведуваат, непрофесионални „двојни стандарди“ при постапувањето на полицијата со различно однесување за исти или слични случаи проследено со злоупотреба на овластувањата при употреба на сила. Ова е трета интерпелација за министерот Тошковски.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска официјално ќе биде промовирана „Везилка“ – првиот центар за вештачка интелигенција во земјава

Денеска официјално ќе биде промовирана „Везилка“ – првиот центар за вештачка интелигенција во земјава.

Проектот е воспоставен во рамки на европската заедница за пресметување со високи перформанси, кофинансиран од Европската унија и координиран од факултетот за компјутерски науки и инженерство при УКИМ во соработка со министерството за дигитална трансформација.

Проектот е од важност за зајакнување на дигиталниот суверенитет, забрзување на дигиталната трансформација, поттикнување на иновациите во јавната администрација, подобрување на одлучувањето засновано на податоци и создавање можности за истражување, претприемништво и технолошки развој. Има за цел и да ја зајакне соработката меѓу институциите, универзитетите, истражувачките центри, организациите на граѓанското општество и деловната заедница.

Тагови: Везилка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев ќе оствари билатерална средба со министерката за јавна администрација и локална самоуправа на Србија

Министерот за јавна администрација на Република Македонија, Горан Минчев, ќе оствари билатерална средба со министерката за јавна администрација и локална самоуправа на Република Србија.

Средбата се организира со цел размена на искуства и унапредување на соработката во областа на јавната администрација.

По завршувањето на билатералната средба, двајцата министри ќе дадат изјави за медиумите.

Кабинет на Министер за Јавна Администрација

Тагови: Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.