Автомобилизам

Фото: Како ќе изгледа новиот „Renault 5“

Легендата дефинитивно се враќа, како ретро електричен модел.

Само неколку дена откако на социјалните мрежи почнаа да кружат фотографии од маскираната „петка“, Рено одговори со објавување на фотогалерија од возилото за претпродукција.

На фотографиите моделот е „камуфлиран“ со црна фолија, со дополнително нагласени линии во црвена и жолта боја.

Сега нема сомнеж, компанијата одлучи да ги задржи во поголема мера карактерните линии на оригиналот, односно концептот претставен во 2021 година.

Секако, сега кога моделот е блиску до производство, пристигнаа и конвенционални детали како рачки на вратите, поголеми ретровизори и малку редизајнирани браници.

Нова е и графиката на LED светлата, но важно е дека новиот модел ќе го задржи препознатливиот изглед на првите две генерации на легендарната „петка“.

Новиот „R“5 се очекува да биде долг под четири метри, што го прави малку пократок од „Clio“.

Од друга страна, електричниот погон ќе придонесе за поголема просторност во кабината, па „R5“ на крајот би требало да влезе во просекот на Б сегментот.

Најголемата непозната засега е внатрешноста. Се поставува прашањето дали „Renault“ ќе ги користи постоечките решенија или има подготвено сосема нов стилски израз за „R5“.

Новата „петка“ ја користи механичката платформа „CMF-BEV“, која ќе ја дели со новиот „Nissan Micrа“. Електромоторот поставен напред произведува 136 КС, а во комбинација ќе се нуди со батерија од 40 kWh или над 52 kWh на подобро опремените верзии кои ќе имаат автономија од 400 km.

Во Техноцентарот на компанијата „Renault“ во близина на Париз ќе се произведуваат 60 примероци од претпроизводството на „R5“, а потоа, по оптимизацијата на производствениот процес, ќе започне сериското производство во фабриката „Douai“ на северот на Франција.

Европското деби се очекува следната година, кога „R5“ ќе го замени сегашниот електричен модел „Zoe“ на пазарот. За почеток, би требало да чини помалку од 25.000 евра, што би го направило „Renault“ подготвен да го пречека својот иден ривал, „Volkswagen ID.2“.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Гаши – Тигањ: Потврдено традиционалното партнерство

Претседателот на Собранието, Африм Гаши оствари средба со амбасадорката на Република Хрватска, Нивес Тигањ.

На средбата беа потврдени блиските пријателски односи и традиционалното партнерство меѓу двете земји, кои претставуваат цврста основа за унапредување на билатералната соработка, но и позитивен пример за градење добрососедски односи и придонес кон стабилноста и просперитетот на регионот.

Соговорниците разменија мислења за актуелните случувања во земјата и во регионот, при што беше истакната силната и недвосмислена политичка и техничка поддршка што Република Хрватска ја обезбедува за европската перспектива на државата и напредокот во евроинтегративен процес.

Тагови: Африм Гаши

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Плаќање по работен час или месечна плата - предлогот на работодавачите бара темелна анализа и отвора дилеми

Идејата за плаќање по работен час, наместо досегашниот модел на месечна плата, отвори дебата меѓу Владата, синдикатите и работодавачите, но ја отвора дилемата дали со таков модел ќе има помали плати?

Заменик-министерот за економија и труд, Марјан Ристески, вели дека воведувањето на ваков модел би значело измени во Законот за работните односи. Пред да се донесе каква било одлука, смета дека потребно е темелно да се анализира како тој би се одразил во јавниот и во приватниот сектор.

- Од економски гледна точка, не само мое лично мислење, можеби ќе даде подобра продуктивност, подобра контрола на вработените и во приватниот и во јавниот сектор, меѓутоа, од друга страна, да видиме дали тоа ќе даде и позадоволни работници со повисоки плати, да видиме кои се нивните анализи да направиме наши анализи. - Марјан Ристески – заменик министер за економија и труд

Од Конфедерацијата на слободни синдикати го поддржуваат предлогот и очекуваат растот да ги опфати сите плати.

- Нашата цел е со ваквото претварање на минималната плата од минимална плата во работен час, да почнат по вертикала да растат сите плати — не само минималната, него сите плати, не само во јавниот сектор, него и сите плати во приватниот сектор.- Благоја Ралповски – претседател на КСС

Од бизнис-заедницата, од каде што потекнува иницијативата, сметаат дека плаќањето според одработените часови може да ја подобри продуктивноста, да овозможи пофлексибилна организација на работното време и да ги намали трошоците на компаниите. Според нив, работниците што поефикасно ги извршуваат задачите би имале можност да заработуваат повеќе. Од организацијата на работодавачи, нагласуваат дека се потребни јасни правила за распределбата на работните часови и пресметката на платите.

- Самиот вработен ќе рече во дадена ситуација: Јас за 4 часа овдека на ова работно место ја завршив работата. После може да отиде да доработи на друго место уште 4 и практично да земе дупла плата - Горан Ѓорѓиевски – претседател на Сојуз на стопански комори

-Мора на некое неделно или месечно ниво да ги има часовите што работникот треба да ги одработи за да ја земе целата плата да се задоволат.- Ангел Димитров - Организација на работодавачи

Од Сојузот на синдикатите на Македонија, пак, претходно посочија дека се подготвени да го разгледаат предлогот, но бараат гаранции дека новиот модел нема да доведе до намалување на платите и дека ќе се обезбеди достоинствена вредност на работниот час.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Шасивари - Григорјан: Заеднички заложби за подостапна правда и унапредување на бесплатната правна помош

На средбата беа разгледани можностите за подобрување на достапноста и квалитетот на правните услуги, како и за зајакнување на институционалните капацитети.

Министерот за правда, Јетон Шасивари, оствари средба со постојаниот претставник на Програмата за развој на Обединетите нации (УНДП), Армен Григорјан, на која се разговараше за унапредување на бесплатната правна помош и продолжување на меѓусебната соработка.

На средбата беа разгледани можностите за подобрување на достапноста и квалитетот на правните услуги, како и за зајакнување на институционалните капацитети.

Министерот Шасивари ја истакна важноста на еднаквиот пристап до правда како еден од приоритетите на Министерството за правда, нагласувајќи дека правната заштита треба да биде достапна за секој граѓанин.

Соговорниците ја нагласија важноста на партнерството меѓу Министерството за правда и УНДП во спроведувањето на активностите насочени кон унапредување на системот за бесплатна правна помош.

Заедничката определба е преку континуирана соработка и размена на искуства да се придонесе кон поефикасен систем на правна помош и поголема доверба на граѓаните во институциите.

Тагови: Јетон Шасивари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.