Фото: Фолксваген кој кога бил нов чинел повеќе од Порше - Канал 5

Автомобилизам

Фото: Фолксваген кој кога бил нов чинел повеќе од Порше

Реткиот автомобил од 1959 година е базиран на Фолскваген Буба.

Фото: Фолксваген кој кога бил нов чинел повеќе од Порше

Исклучително реткиот Фолксваген „Beutler 1.2“ од 1959 година, еден од само 28-те примероци некогаш произведени. Ќе се појави на аукција во јули и се очекува да биде продаде по цена од 80.000 до 120.000 швајцарски франци.

Интересно е тоа што всушност се работи за возило механички базирано на култната Фолскваген Буба, додека каросеријата е сосема нова и изработена од лесен алуминиум. Со должина од 4,35 метри, моделот „Beutler“ е и поголем од Буба.

Автомобилот е дело на браќата Фриц и Ернст Бојтлер, а во времето кога се појавил на пазарот пред повеќе од 60 години, имал почетна цена од 14.950 швајцарски франци.

Тоа било голема сума на пари во тоа време, особено ако се земе предвид дека нова Буба можела да се купи за 6.490 швајцарски франци. Во тоа време, „Beutler 1.2“ бил дури поскап од Порше 356.

Повеќето од 28-те примероци имале стандарден мотор и менувач од Буба, но шест од нив биле опремени со помоќен 1,3-литарски од гореспоменатото Порше 356.

Овој конкретен примерок бил нов нарачан од дилер на Фолксваген од Швајцарија и првично бил обоен во светло-кафеава металик боја со контрастен црн покрив и беж внатрешност. Автомобилот се сменил во доцните 1990-ти и е темелно реставриран.

Беутлер 1.2 бил префарбан во оригиналната нијанса на светло кафена металик за време на реставрацијата, додека покривот бил префарбан во темно кафена боја.

Променет е и двобојниот ентериер, а ремонтирана е и механиката. Како што се наведува, реставрацијата траела неверојатни 11 години, оттогаш автомобилот ретко се користел.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Секторот за компјутерски криминал повика 13 лица поради ширење на лажни информации за водата во Скопје

 Со лицата е извршен службен разговор, при што сите се изјасниле дека информациите ги објавиле или споделиле откако претходно виделе слична објава на социјалните мрежи или слушнале од друго лице.

Секторот за компјутерски криминал повика 13 лица поради ширење на лажни информации за водата во Скопје

Министерството за внатрешни работи ја информира јавноста дека Секторот за компјутерски криминал и дигитална форензика при МВР, во врска со ширењето на лажните информации на социјалните мрежи за наводно загадување на водата за пиење во Скопје, до сега повика 13 лица на информативен разговор.

Со лицата е извршен службен разговор, при што сите се изјасниле дека информациите ги објавиле или споделиле откако претходно виделе слична објава на социјалните мрежи или слушнале од друго лице. Притоа, никој од нив не посочил конкретен, потврден или веродостоен извор кој би ги поткрепил тврдењата за загадување на водата.

Секторот за компјутерски криминал и дигитална форензика ќе продолжи со прибирање и анализа на податоци со цел да се потврдат сите околности поврзани со настанот, како и начинот на кој информациите се појавиле и понатаму се ширеле во интернет просторот.

Министерството за внатрешни работи укажува дека ширењето на непроверени и неточни информации, особено кога станува збор за прашања што се однесуваат на здравјето и безбедноста на граѓаните, може да предизвика неоправдана паника и вознемиреност во јавноста.

Апелираме до граѓаните да не споделуваат информации чија точност не е проверена и да се информираат исклучиво од официјални и релевантни извори. Одговорното користење на социјалните мрежи и проверката на информациите пред нивно објавување или споделување се од суштинско значење за спречување на дезинформации и заштита на јавниот интерес.

Тагови: вода

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силна експлозија во фабрика за муниција во Италија (ВИДЕО)

Силна експлозија одекна во фабрика за муниција во близина на италијанскиот град Колеферо, југоисточно од Рим, а детонацијата, според извештаите на локалните медиуми, се слушнала на километри оддалеченост.

Силна експлозија во фабрика за муниција во Италија (ВИДЕО)

Ројтерс известува дека пожарникарите и полицијата брзо пристигнале на местото на пожарот што избувнал во индустрискиот комплекс. Надлежните служби веднаш почнале да проверуваат дали има жртви во несреќата.

Експлозијата се случила во поранешната фабрика „Симел Дифенс“, која сега ја управува „KNDS Amo Italia“, дел од француско-германската одбранбена група „KNDS“.

Телевизиските снимки покажуваат голем облак од густ чад што се издига над индустрискиот погон, додека службите за итни случаи интервенирале во областа на фабриката.

„KNDS Amo Italy“ произведува муниција со среден и голем калибар за копнени и поморски одбранбени системи, како и цврсти ракетни погонски горива за системи за лансирање во вселенската индустрија.

Компанијата е исто така меѓу изведувачите вклучени во рамковните договори на Европската агенција за одбрана за набавка на артилериска муниција од 155 милиметри, склучени во 2023 година.

Во времето на објавување, не беше познато дали има повредени или смртни случаи, ниту што точно ја предизвикало експлозијата.

Тагови: Италија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Украина и предлага на Русија прекин на нападите врз цивилни цели во Црното Море

Украина испрати понуда од трета страна до Русија за двете страни да престанат да напаѓаат цивилни цели во Црното Море, изјави за Ројтерс извор запознаен со ситуацијата.

Украина и предлага на Русија прекин на нападите врз цивилни цели во Црното Море

Украина сè уште не добила одговор на својата понуда, додаде изворот.

Во последните недели, двете страни изјавија дека меѓусебните напади врз пратките со жито и инфраструктурата во виталниот воден пат би можеле значително да влијаат на светските цени на храната оваа година.

Извор: Индекс.хр

Тагови: русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер