Македонија

Формиран Национален центар за следење на дозите на пациентите и обезбедување квалитет во радиолошката практика

Министерот за здравство Венко Филипче денеска присуствуваше на стручен состанок по повод формирање Национален центар за следење на дозите на пациентите и обезбедување квалитет во радиолошката практика.

Основањето на овој центар, соопшти Министерството за здравство, е резултат на одличната соработка меѓу Институтот за физика при Природно–математичкиот факултет во Скопје и Меѓународната агенција за атомска енергија (МААЕ) од Виена, кој воедно е финансиран од Меѓународната агенција.

– Повеќе од две години напорна работа и голем ангажман од домашни и странски експерти, беа потребни за да се стигне до тоа што денеска го промовираме. Откривањето на ракот на дојката во негова најрана фаза, е еден од најголемите предизвици, особено за радиолозите. Овие процедури ќе бидат воведени во сите државни радиолошки одделенија кои имаат дигитални мамографи без оглед дали тие во моментов се дел од скрининг програмата. Со формирањето Национален центар за секојдневно online следење на квалитетот на сликите и дозите на пациентите во мамографските центри одиме уште еден чекор напред во примената на европските стандарди во мамографската практика, посочи министерот во своето поздравно обраќање.

Втор модалитет каде се воведува online регистрирање на дозите на пациентите, како што се посочува, е компјутерската томографија, и тоа во сите државни болници каде има инсталирани скенери за компјутерска томографија и во двата КТ модула, кои се дел од скенерите на Институтот за нуклеарна медицина и патофизиологија и на Институтот за позитронска емисиона томографија (ПЕТ Центар).

Сето ова ќе придонесе со мерливи параметри и податоци успешно да се менаџира со квалитетот на работниот процес и да се унапредува радијациската заштита кај пациентите. Инсталирањето на опремата и софтверот по болниците ќе почне на 10 декември и ќе трае до 24 декември, и тоа ќе биде направено од реномирана белгиска компанија. Првите податоци и анализи се очекуваат на крај на јануари, стои во соопштението од Министерството за здравство. /МИА

Живот

10- годишно дете од САД си пресудило по малтретирањето на училиште-родителите 20 пати се жалеле

Десетгодишно момче од Индијана извршило самоубиство откако наводно било ужасно малтретирано на училиште, додека неговите родители тврдат дека 20 пати се пожалиле во училиштето.

Семи Теус се самоубил на 5 мај, а според неговото семејство бил малтретиран до ноќта пред смртта.

Неговите родители Сем и Никол тврдат дека момчето било физички и психички малтретирано на училиште, а наводно неодамна го претепале во училишниот автобус.

Малтретирањето започнало минатата година кога тој се префрлил во училиштето, пишува Дејли Мејл.

Според семејството, Сем 20 пати им кажал на наставниците и на другите вработени во училиштето за злоупотребата.

„Најпрвин го исмејуваа поради очилата, потоа поради забите. Тоа траеше долго. “, рече таткото на Семи.

Злоставувањето потоа станало физичко.

„Го претепаа во автобус, децата му ги скршија очилата. Се јавив во училиштето, ги прашав што ќе прават во врска со тоа, стануваше сѐ полошо и полошо“, рекол таткото.

Според него, училиштето знаело што се случува, а злоупотребата низ училиштето и во автобусот се проширила на социјалните мрежи.

Училиштето соопштило дека неговите родители ја пријавиле смртта како самоубиство и ги истражуваат тврдењата за злоупотреба.

Истрагата продолжува.

Регион

Скандалозен исказ на таткото, кој ги држел своите деца како заложници и пукал со калашников

Алекс Марку (40), кој ноќта меѓу вторникот и средата во Драч со часови ги држеше како заложници во станот своите две мали деца, додека пукаше со калашников, дал изјава во полиција.

Алекс Марку (40), кој ноќта меѓу вторникот и средата во Драч со часови ги држеше како заложници во станот своите две мали деца, додека пукаше со калашников, дал изјава во полиција и тврди дека направил сѐ за „да ги заштити децата од љубовник на жената“, објави Политико.

Марку рекол дека имал проблеми со сопругата и дека, како што тврди, таа нашла друг маж.

Таткото, кој испукал најмалку 18 истрели во станот и од балконот во Драч, тврдел дека ги зел децата „за да ги држи подалеку од момчето на жената“. Потоа, како што тврди таткото, „новиот дечко на неговата сопруга дошол да го нападне“.

Потоа, како што рече, со калашников излегол на терасата.

„Четири дена бев во стан на плажа со моите деца и сѐ беше супер. Жена ми побегна во Италија и малку се каравме. Последен пат кога се скаравме, таа отпатува за Италија и јас ги зедов децата и дојдовме во Драч.“

Марку рекол дека сѐ ескалирало кога „љубовникот дошол кај него“.

„И тогаш нејзиниот љубовник доаѓа да ме нападне во куќата и затоа пукав. Не сакав да има врска со децата. Го однесов детето на тераса кога пукав, па можеше да види дека никогаш не сум бил насилен кон децата“, тврди таткото, кој беше уапсен вчераутро по неколкучасовни преговори.

Медиумите јавуваат дека децата, кои биле извлечени неповредени од станот, сега се со својата мајка и го напуштиле Драч.

Не се знае со каква казна се соочува таткото.

Живот

Аеродромски работник падна од авион- му се лизнаа скалилата кога сакал да излезе (ВИДЕО)

Еден од работниците на аеродромот во Џакарта паднал од паркиран авион.

Скалите со помош на кои требало да го напушти леталото се лизнале непосредно пред да излезе, а бидејќи не забележал – паднал на земја.

Инцидентот, наводно, се случил на аеродромот во главниот град на Индонезија, Џакарта (CGK), кога еден од аеродромските работници излегувал од Airbus A320 (PK-TLB) на TransNus (8B), објави Aviation24. Видео кое кружи на социјалните мрежи јасно покажува како работниците на аеродромот ги отстрануваат скалите за качување/симнување додека човекот го напушта авионот.

Без поддршка на левата нога, работникот испаднал од авионот и завршил на земја.

Иако не се знае многу за здравствената состојба на работникот, голем број на специјализирани воздухопловни портали и профили на социјалните мрежи пишуваат дека тој скршил неколку коски и дека неговиот живот не е во опасност.Aviation24 јавува дека индонезиските власти започнале истрага за инцидентот.

Прагот на вратата на Ербас А320 е повеќе од три метри над земјата.

притисни ентер