На денешниот брифинг со новинарите објаснија дека планот прво ќе СДСМ му го презентираат на претседателот на партијата, Венко Филипче. Поводот е тоа што, според нив, опозициската партија не успева да дејствува обединувачки кон граѓаните кои се антивладино расположени. дополнително, не се задоволни од моменталниот рејтинг на партијата и сметаат дека ваквиот СДСМ, ако излезе на избори, ќе доживее катастрофален пораз кој може трајно да ѝ наштети на партијата и да ја спушти под егзистенцијалниот минимум.

Од Платформата исто така сметаат дека владата на ВМРО-ДПМНЕ покажува едни од најслабите перформанси на една владеачка гарнитура во изминативе 35 години, без да направи прогрес на ниту едно поле.

Според нив, за да може да се настапи против таквите политики на владеачката партија, потребна е силна опозиција која ќе формира и поширок опозициски фронт.

Според најавите, во текот на викендот ќе објават повеќе детали околу конкретните чекори.

Според Филипче постојат сомнежи дека тие луѓе се платени од власта за да ја раситнат опозицијата и уште еднаш ги повика ако сакаат да помогнат во опозициската битка дебатата да ја водат во рамките на партијата, а не со платформи надвор од неа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Според медиумските извештаи, трофејниот Јирген Клоп, новиот селектор на германската фудбалска репрезентација, по преземањето на функцијата одлучил да воведе правила поврзани со дисциплината.

„Билд“ пишува дека германскиот стручњак вовел строги правила, меѓу кои и забрана за користење мобилни телефони пред натпреварите, со цел играчите да останат фокусирани на теренот.

Покрај тоа, сите играчи, без исклучок, мора заеднички и навреме да присуствуваат на тимските вечери. Играчите нема да можат да повикуваат фризери во хотелот, туку сите репрезентативци се должни да ги завршат тие обврски пред да се приклучат на националниот тим.

За време на големите турнири, посетите од семејството ќе бидат строго ограничени и ќе се дозволуваат само во посебни случаи.

Овие правила ќе стават крај на малку поопуштената атмосфера што владееше додека Јулијан Нагелсман беше селектор на „Панцерите“. Клоп сака германската репрезентација да биде целосно затворена за јавноста додека тимот е на собир.

Се чини дека експертот за освојување трофеи смета оти токму недостатокот на дисциплина бил проблемот со кој се соочувале Германците во претходниот период, кога бележеле слаби резултати. Останува да се види како играчите ќе реагираат на строгите правила и дали тие ќе вродат со плод.

По преземањето на тренерската функција, Клоп изјави дека сака повторно да го направи настапот за националниот тим посебен и дека неговата задача е јасна: да ја врати Германија на врвот на светскиот фудбал.

Германските фудбалери ќе го одиграат својот прв натпревар во новата сезона во Лига на нации вечерва на гостински терен против Холандија, додека три дена подоцна ќе ја пречекаат Грција.

Потоа, за 1 октомври е закажан натпревар против Србија во Минхен, по што тимот на Клоп ќе гостува во Грција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Заменик претседателот на Владата и министер за транспорт Александар Николоски денеска оствари средба со амбасадорот на Обединетите Арапски Емирати во Македонија, Абдула Ал Себуси, на која беа разгледани можностите за унапредување на економската соработка меѓу двете земји, со акцент на ависообраќајот, инфраструктурата и туризмот.

Посебен фокус на средбата беше ставен на можностите за соработка во авиосообраќајот и воспоставување на нова авиолинија помеѓу двете земји.

Исто така се отворија и прашањата за инвестиции во транспортната инфраструктура, вклучително и во реализацијата на крупни инфраструктурни проекти кои имаат регионално значење.

Се разговараше и за унапредување на туризмот меѓу двете земји како и за потенцијалот за инвестиции во туристичката инфраструктура и развој на нови туристички понуди.

Вицепремиерот Николоски ги потенцираше инвестициските можности и услови што ги нуди Македонија за странските инвеститори, посочувајќи ги поволната географска положба на земјата, нејзината поврзаност со регионалните транспортни коридори, како и можностите за реализација на проекти од стратешко и инфраструктурно значење.

На средбата беше истакнат и потенцијалот за воспоставување на соработка со компании и инвеститори од Обединетите Арапски Емирати во повеќе стратешки области од значење за Македонија.

На средбата беше заклучено дека постои огромен простор за соработка, а целта е во наредниот период да се создаваат услови за реализација на конкретни инвестиции и проекти од заемен интерес.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.