Форбс: Меси и Роналдо најплатени светски фудбалери, единствени во „клубот 100“

Нова листа на Форбс на најплатени светски фудбалери, асовите на Барса и Јуве единствени над 100 милиони долари.

Капитенот на Барселона, Лионел Меси и напаѓачот на Јувентус, Кристијано Роналдо се двајцата најплатени фудбалери на светот, објави магазинот „Форбс“.

Според тиражниот магазин само Меси и Роналдо во следнитегодина ќе заработат по повеќе од 100 милиони долари меѓу светските фудбалери.

На новата листат на Форбс најплатен светски фудбалер е Лео Меси со 126 милиони долари, 92 од договорот со Барселона и 34 милиони од спонзорските договори.

Кристијано официјално ќе инкасира 9 милиони долари помалку од вошбеникот од Аргентина. Роналдо има договор со Јувентус вреден 70 милиони, а „надвор од теренот“ ќе заработи дури 47 милиони долари.

На третата позиција на листата на Форбс е Бразилецот од ПСЖ, Нејмар со 96 милиони долари заработка, на четвртото место со „само“ 42 милиони долари заработка е соиграчот на Нејмар, Килиан Мбапе.

Во листата на топ десет фудбалери со најголема заработка се уште и: Мохамед Салах -Ливерпул 37 мил., Пол Погба – Манчестер Ј. 34 мил, Антонио Гризман – Барселона 33 мил, Герет Бејл – Реал М 29 мил, Роберт Левандовски - Баерн М. 28 мил и Давид де Хеа –Манчестер Ј. 27 милиони долари.

Форбс ја направил оваа листа според договорите на фудбалерите за сезоната 2020/2021 во кои се вклучени, бонуси, како и официјални заработки од спонзорите.

Рекорден број на нови случаи со Ковид-19 во Бугарија

Во Бугарија се потврдени 1.595 случаи на коронавирус.

Починале 16 лица, објавено е денес на официјалниот сајт за следење на состојбата со коронавирусот.

Во последните 24 часа се тестирани 9.038 лица, од кои 17,65 отсто биле позитивни на вирусот, пренесе „БТА“.

Досега во Бугарија заболеле 34.930 лица, од кои 16.033 активни случаи, а најмногу заболени има во Софија, Пловдив и Благоевград.

Хоспитализирани се 1.792 пациенти, од кои 112 на одделот за интензивна нега.

До сега од коронавирусот во таа земја починале 1.064 лица.

Лице од Велешта тешко повредено од соселани

Четириесет годишен жител од струшко Велешта синоќа бил нападнат и тешко повреден од лица од истото село.

Портпаролот на СВР Охрид Стефан Димоски денеска информира дека И.И. (40) бил хоспитализиран во Општата болница во Струга, со тешки повреди на главата.

– По преземени мерки, полициските службеници констатирале дека И.И., на авто-плац кај селото Долна Белица, бил физички нападнат од Г.О. и А.О. од селото Велешта. Против напаѓачите, ОВР Струга ќе поднесе соодветна пријава, изјави Димоски./МИА

Денот на македонската револуционерна борба одбележан во Делчево

Со пригодна свеченост, Општина Делчево денеска го чествуваше Денот на македонската револуционерна борба, 23 Октомври. 

По тој повод, за значењето на овој празник, членовите од КУД „Гоце Делчев" од Делчево подготвија пригоден реферат, а пред споменикот на Гоце Делчев во центарот на градот, се поклонија и букети свежо цвеќе положија делегација од Општина Делчево и од Советот на Општина Делчево, како и претставници од институции, политички партии и здруженија на граѓани.

– Денешниот датум во македонската историја е запишан како ден на основањето на Македонската револуционерна организација. Согласно со историските податоци, на 23 октомври 1893 година во Солун се поставуваат основите на организацијата којашто ќе стане симбол на борбите на Македонците за слобода. Основоположниците биле: Христо Татарчев, Даме Груев, Петар Поп Арсов, Иван Хаџи Николов, Антон Димитров и Христо Батанџиев. Тие основаат конспиративна група, нарекувајќи ја Македонски револуционерен комитет, истакнаа во говороот пред присутните членовите на КУД „Гоце Делчев" од Делчево.

Одбележувањето на „23 Октомври- Денот на македонската револуционерна борба" се организираше со почитување на протоколите и мерките за превенција од Ковид-19, поради што, како што додадоа, организаторите и бројот на присутни беше ограничен.

На настанот не присуствуваа претставници на Општинската организазија на ВМРО-ДПМНЕ. Оттаму најавија почит кон великаните на македонската револуционерна борба да им биде оддадена по завшрувањето на официјалниот настан. /МИА

притисни ентер