Фон дер Лајен со помош на Мерц ќе се обиде да го разубеди Де Вевер за „заемот за репарации“ за Украина - Канал 5

Фон дер Лајен со помош на Мерц ќе се обиде да го разубеди Де Вевер за „заемот за репарации“ за Украина

Според планот, Мерц прво ќе има средба со Фон дер Лајен, по што заедно ќе заминат на вечерата со Де Вевер.

Фон дер Лајен со помош на Мерц ќе се обиде да го разубеди Де Вевер за „заемот за репарации“ за Украина

Германскиот канцелар Фридрих Мерц денеска ќе престојува во Брисел, каде заедно со претседателката на Европската комисија, Урсула фон дер Лајен ќе имаат приватна вечера со белгискиот премиер Барт де Вевер во обид да го убедат да се согласи на планот за користењето на замрзнатите руски средства за исплата на т.н. „заем за репарации“ за поддршка на Украина.

Според планот, Мерц прво ќе има средба со Фон дер Лајен, по што заедно ќе заминат на вечерата со Де Вевер.

„Мисијата на Мерц“ е дел од напорите на Европската комисија да се убеди Белгија да се согласи на планот до Самитот на ЕУ закажан за 18 и 19 декември, на кој лидерите на земјите членки треба да се договорот за начинот на покривање на финансиските потреби на Украина за 2026 и 2027 година, на што се обврзаа на нивниот претходен собир во октомври.

Со колкава сериозност се пристапува кон ова прашање укажува и фактот што Мерц ја откажа за денеска планираната посета на Норвешка, за да може да допатува во Брисел на средби со Фон дер Лајен и Де Вевер.

Пред денешниот престој во Брисел, Мерц вчера во колумна во „Франкфуртер Алгемајне Цајтунг“ посочи дека солидарноста со Украина не само обврска на ЕУ, туку е и нејзин фундаментален личен интерес.

- На тест е ставена способноста на Европа да дејствува независно во момент кога нашите безбедносни интереси се под директна закана. Како ќе се справиме со овој предизвик ќе ја дефинира и нашата иднина, наведе Мерц.

Според него, со конкретниот предлог за „мобилизирање на повеќе од 165 милијарди евра за дополнително финансирање за Украина“ од замрзнатите руски средства се испраќа недвосмислен сигнал до Москва дека продолжувањето на воената агресија е залудно.

- Ова не е знак за продолжување на конфликтот, туку за негово завршување. Тоа ја покажува способноста на Европа да дејствува. Демонстрација дека ние Европејците сме задолжени да одлучуваме и да обликуваме што се случува на нашиот континент, потенцира Мерц.

Во колумната Мерц се осврнува и на причините за белгиските резерви кон планот, нагласувајќи дека сите финансиски ризици што произлегуваат од овој потег мора да се споделат колективно.

- „Колективно“ значи дека секоја земја членка ќе преземе еднаков дел од ризикот во однос на нејзиниот економски капацитет. Прво мора политички да се договориме за овој принцип, а потоа да го спроведеме преку правно обврзувачки одредби. Би било неприфатливо која било земја да носи несразмерен товар, истакна Мерц.

Тој додава дека целосно ја разбира загриженоста на белгиската Влада, со оглед на тоа што најголемиот дел од замрзнатите руски средства се чуваат во бриселскиот депозитар „Еуроклир“, како и дека му е сосема јасно оти Белгија не може да се потпира само на декларативни политички гаранции.

Според Мерц, загриженоста на Белгија мора да се реши при претстојните дискусии за правното обликување на планот, за што „дискусиите мора да започнат веднаш и брзо да завршат“.

- Ако сме сериозни, не можеме да им оставиме на неевропските држави да одлучат што ќе се случи со финансиските ресурси на агресорската држава кои се законски замрзнати во рамките на јурисдикцијата на нашето владеење на правото и во нашата валута. Одлуките што ги донесуваме сега ќе ја обликуваат иднината на Европа, заклучи Мерц во колумната.

Белгија се противи на користењето на замрзнатите руски средства, тврдејќи дека тоа би можело да го наруши нејзиниот углед како сигурен депозитар и да резултира со повлекување на депонираните странски средства. Дополнително, Белгија изразува загриженост и околу легалноста на таквата постапка и бара цврсти гаранции од други земји членки на ЕУ дека ќе ја споделат одговорноста доколку некогаш се дојде во ситуацијата искористените пари од сега замрзнатите средства да треба да ѝ се вратат на Русија.

Ова прашање вчера беше предмет на дебата и во белгискиот Парламент, при што Де Вевер изјави дека Белгија е подготвена да „направи жртви“, но не може од неа да се бара „да го направи невозможното“.

- Ние не поставуваме неразумни барања. Белгија никогаш нема да се согласи сама да ги сноси ризиците од таквата постапка, изјави Де Вевер, поздравен со аплауз од белгиските пратеници.

Де Вевер нагласи дека, иако новите предлози на Европската комисија „еволуираа во корист на Белгија“ во однос на првичниот план, сепак тие сè уште не ги исполнуваат „ниту минималните услови“ на кои инсистира белгиската Влада.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

„La decima“: Маркез е шампион – има повеќе титули од Валентино Роси!

Марк Маркез стана светски шампион во мотоциклизам по десетти пат во својата кариера, а по осми пат во најсилната категорија.

„La decima“: Маркез е шампион – има повеќе титули од Валентино Роси!

Во Португалија, на 22 ноември, Марк Маркез испиша историја во шампионатот MotoGP и ја освои јубилејната 10-та шампионска титула, а 8-ма во шампионатот MotoGP. Шпанецот сега е мотоциклистот со најмногу освоени титули во историјата на овој спорт!

на маркез на денешната трка му беше доволно и освојување на 9 место за конечен триумф во Мото ФП со оглед на тоа што имаше 55 поени повеќе од Хорхе Мартин и 62 повеќе од Марко Бецеки.

Во текот на трката беше јасно дека „Дукати“ му наложиле на Маркез безбедно да ја заврши трката во првите 10 и да не презема никакви ризици.

Во последниот круг Марко Бецеки пред Хорхе Мартин и Раул Фернандез влегоа со голема предност додека Марк Маркез се бореше за титулата од деветтата позиција. И успеа да стигне до неа.

Тој сега е најтрофејниот возач на сите времиња, додека Валентино Роси е втор со девет освоени титули!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Поранешен ас на Барселона неодамна излезе од затвор, а сега сопругата го напушта,причината шокантна причина

Поранешниот бразилски фудбалер Дани Алвеш и неговата сопруга Џоана Санз одлучија да стават крај на заедничкиот живот, а една од главните причини за разделбата е неговата сè поголема посветеност на религијата. 

Поранешен ас на Барселона неодамна излезе од затвор, а сега сопругата го напушта,причината шокантна причина

Веста за нивниот развод ја објави шпанскиот новинар Хави Охоса, кој разговарал со сопругата на Алвеш и дознал детали за нивната одлука. Двојката стапи во брак во 2017 година, а во октомври 2025 година ја добија ќерката Хулиета.

Според новинарите, Џоана Санз покренала постапка за развод бидејќи начинот на живот на екс фудбалерот на Барселона го оддалечува сè повеќе од неговото семејство.

Во последните месеци, 43 годишниот Алвеш патува низ светот како проповедник и предавач, ширејќи ја евангелската вера.

На 25 март 2024 година, Алвеш беше пуштен од затворот „Бријанс“ во близина на Барселона откако плати кауција од еден милион евра, а претходно беше осуден на четири и пол години затвор под обвинение за силување. Сепак, на 28 март 2025 година, Апелациониот совет на Судот на правдата на Каталонија го ослободи од обвиненијата, по што тој стана целосно слободен човек. Тогаш тој целосно ѝ се сврте на религијата.

Токму оваа животна посветеност, како што е наведено, довела до сериозно отуѓување од сопругата. Наводно, на Санз не му пречело тоа што тој имал вера, што ја читал Библијата или што одел во црква, но ја вознемирувало тоа што религијата станала центар на неговиот живот, поради што таа се чувствувала осамено и запоставено.

„Тоа го оддалечи од неа и од нивната ќерка, а таа се чувствува сосема сама. Таа има разбирање за верата на Дани и не би имала ништо против тој да ја чита Библијата или да оди во црква. Сепак, неговата одлука да му го посвети целиот свој живот на религијата го изолираше од неговото семејство“, пренесува новинарот зборови на сопругата на Алвеш.

Според истите изјави, Санц конечно одлучила да стави крај на таквиот однос со зборовите: „Доста е, ми е преку глава, овде завршува сè“.

Поранешниот дефанзивец на Барселона, Јувентус и Пари Сен Жермен на тој начин би можел да стави крај на бракот што траеше речиси девет години. Засега, ова се информациите што ги објави еден шпански новинар, повикувајќи се на разговор со Џоана Санц.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Нов проблем за европскиот шампион ПСЖ, поради тешка повреда заврши сезоната Дезире Дуе

Еден од најталентираните фудбалери на денешницата ја заврши сезоната! Крилниот напаѓач на Пари Сен Жермен, 21 годишниот Дезире Дуе во саботата навечер трпеше страшн болка откако се повреди на првенствениот натпревар на францускиот гигант против Ница. 

Нов проблем за европскиот шампион ПСЖ, поради тешка повреда заврши сезоната Дезире Дуе

Крилото на ПСЖ, Дезире Дуе, ја заврши сезоната откако ги скина предните вкрстени лигаменти на натпреварот против Ница, исто како и Квича Кварацхели еден месец претходно.

Само еден ден подоцна пристигна ужасната вест. Дезире Дуе ги скинал предните вкрстени лигаменти на десното колено, поради што ќе мора да паузира неколку месеци.

Тој ќе биде опериран до крајот на ноември, по што ќе започне периодот на рехабилитација, кој во одредени случаи може да трае и до девет месеци.

Секако, Дуе нема да се врати на терените до крајот на оваа сезона. Овој крилен напаѓач на Париз, кој важи за еден од најталентираните фудбалери на планетата, оваа сезона одигра 15 натпревари, при што постигна шест гола и забележа четири асистенции.

Се очекуваше тој да биде еден од главните адути на Пари Сен Жермен во продолжението од сезоната, особено со оглед на тоа што Квича Кварацхели е отсутен поради повреда.

Пред точно еден месец, Пари Сен Жермен објави дека грузискиот фудбалер ќе мора да паузира подолго време поради скинати предни вкрстени лигаменти – истата повреда што сега ја доживеа и Дезире Дуе. Без овие двајца играчи, ПСЖ ќе биде значително ослабен, особено во Лигата на шампионите, каде што имаат амбиција да ја освојат третата титула по ред.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер