Фон дер Лајен: Подготвени сме да напишеме ново поглавје во односите меѓу ЕУ и Кина - Канал 5

Свет

Фон дер Лајен: Подготвени сме да напишеме ново поглавје во односите меѓу ЕУ и Кина

Главни приоритети на кои треба да се фокусира ЕУ, според Фон дер Лајен, се ребалансирање на економски односи со Кина, намалување на ризикот и унапредување на дипломатијата за глобалните прашања, вклучително и климата. 

Фон дер Лајен: Подготвени сме да напишеме ново поглавје во односите меѓу ЕУ и Кина

Европската Унија и Кина се две од трите најголеми економски и трговски сили во светот и нивните односи ќе бидат едни од најважните до крајот на овој век, па затоа тие мора да се базираат на јасна проценка на новата реалност, порача претседателката на Европската комисија, Урсула фон дер Лајен при денешната дебата во Европарламентот посветена на односите ЕУ-Кина.

- За само 50 години, кинескиот БДП порасна за повеќе од десет пати. Селата беа заменети со мегаградови. Повеќе од 800 милиони луѓе се извлекоа од сиромаштија. Некогаш аграрно општество, Кина стана индустриски гигант и лидер во чистата технологија. Некогаш неразвиената земја, се претвори во најголем заемодавач на земјите во развој. Кина отсекогаш била една од големите глобални цивилизации, но во последните педесет години, таа стана и една од големите глобални сили, нагласи Фон дер Лајен.

Според неа, Европа е целосно посветена на соработка со Кина ориентирана кон резултати, при што Еврокомисијата ќе работи на намалување на реалните ризици од стратешка и системска природа, кои влијаат на европската безбедност и конкурентност.

- Овие ризици произлегуваат од фактот дека Кина има сосема поинаков систем и има на располагање уникатни инструменти за да игра надвор од правилата. Ова и овозможува на Кина да ги преплави глобалните пазари, не само за да ги зајакне сопствените индустрии, туку и да ја задуши меѓународната конкуренција, рече Фон дер Лајен.

Таа нагласи дека во исто време Кина стана и сериозен актер во глобалниот информативен и кибер простор, па затоа Европа многу да биде многу внимателна поради разни форма на обиди за влијание и кибер напади.

- Овие реалности претставуваат вистински предизвик за Европа. И ние почнавме да се справуваме со овие предизвици. Во исто време, верувам дека тука постои и можност за изградба на позначајно партнерство со Кина. Но, за да го движиме нашиот однос напред, треба да постигнеме вистински напредок и да најдеме фер решенија за прашањата за кои предолго сме во ќорсокак, додаде Фон дер Лајен.

Главни приоритети на кои треба да се фокусира ЕУ, според Фон дер Лајен, се ребалансирање на економски односи со Кина, намалување на ризикот и унапредување на дипломатијата за глобалните прашања, вклучително и климата.

- Да бидам јасна, ако сакаме нашето партнерство да продолжи напред, ни треба вистинско ребалансирање, помалку нарушувања на пазарот, помалку прекумерни капацитет извезени од Кина и фер реципрочен пристап за европските бизниси во Кина, истакна претседателката на ЕК, додавајќи дека елиминирањето на ризикот едноставно е прашање поврзано со европската независност.

Фон дер Лајен нагласи дека во современиот свет безбедноста на евроатлантскиот и индо-пацифичкиот регион се меѓусебно поврзана, како што не била во последните неколку генерации, па затоа во интерес на ЕУ е да соработува со Кина.

- Но, исто така знаеме дека непопустливата поддршка на Кина за Русија создава зголемена нестабилност и несигурност овде во Европа. Можеме да кажеме дека Кина де факто ја овозможува воената економија на Русија и не можеме да го прифатиме ова. Како Кина продолжува да комуницира со војната на Путин, ќе биде одлучувачки фактор за односите ЕУ-Кина во иднина, рече Фон дер Лајен.

Таа потенцира дека има многу што ЕУ и Кина можат да ги направат заедно, доколку Пекинг е подготвена да работи во духот на предвидливост и сигурност.

- Нашиот однос мора да ја одразува оваа комплексност. Секогаш ќе ги браниме нашите интереси. Ќе ги отстраниме ризиците од нашите економии. Но, не сакаме да се раздвојуваме. Додека влегуваме во втората половина од векот на соработка, Кина се менува. Но, ова е и нова ера за Европа - независна Европа. Подготвени сме да изградиме поурамнотежен и постабилен однос и да напишеме ново поглавје во овој значаен однос, додаде Фон дер Лајен.

Тагови: ЕУ Кина Фон дер Лајен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

„Беше прекрасен татко, но падна во депресија по отказот“- мајка за сопругот кој ги уби нивните две деца

Мајката на две деца чиј татко ги убил фрлајќи ги од покривот на гаража, а потоа извршил самоубиство, проговори за околностите околу нивната трагична смрт!

„Беше прекрасен татко, но падна во депресија по отказот“- мајка за сопругот кој ги уби нивните две деца

Шестгодишната Каролин Линч и нејзиниот брат Џејмс Линч, на осум години, беа пронајдени во вторник, 3 ноември, пред општинска зграда во Маунт Либан, Пенсилванија, со повреди за кои се сомнева дека се предизвикани од падот, објави Пипл.

Нивниот татко, Патрик Линч, исто така е пронајден со слични повреди. Сите тројца починаа во инцидент што полицијата го истражува како убиство-самоубиство, соопшти шерифската служба на округот Алегени.

Според PennLive, Патрик ги фрлил децата од петкатна паркинг гаража. По убиствата, мајката на децата објави на Фејсбук дека Патрик бил депресивен откако неодамна ја изгубил работата.

На снимка од екранот од објавата, која ја споделија Daily Voice, WPXI TV и PennLive, Ана ДеМеј Линч напиша дека Патрик „донел неповратна одлука да ги убие нашите две деца и себеси“, додавајќи дека тој бил „прекрасен татко“.

„Тој беше отпуштен во август и набргу потоа, стана депресивен“, додаде таа во објавата.

На профилот на Патрик на LinkedIn е наведен како научник за податоци, кој работел на машинско учење и вештачка интелигенција, а неговата последна работа завршува во август.

Ана во својата објава на Фејсбук напиша дека успеала да го убеди Патрик да оди на терапија и дека тој имал закажан преглед за следниот ден.

„Еден ден предоцна“, напиша таа. „Никогаш не помислив дека нашата приказна ќе заврши вака“.

За Ана е отворена страница GoFundMe додека се бори со загубата на Каролин и Џејмс и се подготвува за нивните погреби.

Заедницата на Маунт Либан, исто така, се собира за да им оддаде почит на децата, за кои канцеларијата на медицинскиот испитувач соопшти дека починале од „повеќе повреди од тап предмет“.

„Таа беше само мало снопче радост. Ги сакаше луѓето“, изјави Вики Хефелфингер, која го познаваше семејството Линч преку нивното учество во училиштето за пливање.

„Секој пат кога ја гледавме, таа им мавташе на сите. Ги гледаше другите деца и беше едноставно толку храбро мало девојче“.

Тагови: деца татко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е колку заработува Ламар Одом за една недела на OnlyFans (ВИДЕО)

Поранешната НБА ѕвезда Ламар Одом би можела да заработи повеќе од 180.000 евра благодарение на својот нов профил на платформата OnlyFans. 

Познато е колку заработува Ламар Одом за една недела на OnlyFans (ВИДЕО)

Поранешниот кошаркар на Лос Анџелес Лејкерс заработил повеќе од 45.000 евра за само осум дена, изјавил извор за TMZ.

Месечната претплата за пристап до неговите ексклузивни фотографии и видеа е околу 13,45 евра.

Одом отвори профил на OnlyFans минатиот месец, што го прави првата поранешна НБА ѕвезда што се приклучила на платформата, според медиумските извештаи.

Тој ја објасни својата одлука велејќи дека смета дека времето е вистинско за тоа. Призна дека во текот на својот живот поминал низ многу бурни периоди, но исто така рече дека подготвува уште неколку изненадувања за своите фанови.

„Сите опции се отворени“

Поранешниот кошаркар на Лос Анџелес Клиперс објави дека на неговиот профил ќе има разновидна содржина, вклучувајќи изненадувања што неговите фанови можеби не ги очекуваат.

„Сè уште нема да откривам премногу. Ќе мора да се претплатите за да дознаете. Само знајте дека сум искрен и сите опции се отворени“, рече тој.

Одом рече дека во текот на целиот свој живот често донесувал непредвидливи одлуки и дека сè уште може да ја изненади јавноста. „Отсекогаш сум бил отворена книга, но има поглавја што луѓето сè уште не ги виделе“, изјави тој.

Неговата девојка Рејчел Бредли исто така отвори профил на OnlyFans. Извор близок до двојката откри за TMZ дека постои можност тие да објавуваат содржина заедно во иднина.

Беше во брак со Клое Кардашијан

Одом јавно ја потврди својата врска со Рејчел Бредли во април, кога објави видео на Инстаграм од нив како заедно влегуваат во Crypto.com Arena во Лос Анџелес. Неколку дена претходно, тие споделија и заедничка фотографија со актерот Тери Крус и неговата сопруга Ребека Кинг Крус.

Пред врската со Бредли, Одом беше во долгогодишна врска со Лиза Моралес, со која има две деца, ќерката Дестини (28) и синот ЛЈ (24).

Тој е особено познат на јавноста по бракот со ријалити ѕвездата Клое Кардашијан, со која се ожени во 2009 година. Нивниот брак западна во криза, а во 2013 година решија да се разделат. Разводот официјално беше финализиран во 2016 година.

Тагови: OnlyFans Ламар Одом

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер