Фон дер Лајен најави „Патоказ за подготвеност 2030“ за зајакнување на одбраната - Канал 5

Свет

Фон дер Лајен најави „Патоказ за подготвеност 2030“ за зајакнување на одбраната

Го свикавме овој состанок за да разговараме за безбедносната состојба во Европа и да ги чуеме мислењата на НАТО. 

Фон дер Лајен најави „Патоказ за подготвеност 2030“ за зајакнување на одбраната

Клучно за одбранбена подготвеност на Европа е создавање на засилена, отпорна и иновативна европска одбранбена индустрија, која ќе произведува најсовремена воена опрема, брзо и во доволен обем, па затоа за две недели ЕУ ќе презентира „Патоказ за подготвеност 2030“, изјави претпладнево претседателската на Европската комисија, Урсула фон дер Лајен пред седницата на Колеџот на комесари посветена на одбранбени и безбедносни прашања, на која присуствува и генералниот секретар на Алијансата, Марк Руте.

- Го свикавме овој состанок за да разговараме за безбедносната состојба во Европа и да ги чуеме мислењата на НАТО. Зачувувањето на мирот отсекогаш било основна задача на Европската Унија и иако инструментите се менувале со текот на времето, целта останува иста, рече Фон дер Лајен придружувана од Руте.

Таа нагласи дека Европа мора да даде силен и заеднички одговор на упадите на руски беспилотни летала на територијата на ЕУ, па затоа Европската комисија ќе предложи итни мерки за создавање на „Ѕид од дронови“ како дел од иницијативата на НАТО, „Источна стража“.

- Мора брзо да се движиме напред заедно со Украина и во тесна координација со НАТО. Потребни ни се капацитети кои се интероперабилни со НАТО. За да го постигнеме ова, потребни ни се повеќе заеднички набавки, рече претседателката на ЕК.

Фон дер Лајен потсети дека во изминативе месеци ЕУ презеде чекори без преседан поврзани со одбраната, како промовираната „Бела книга“ со стратешките одбранбени насоки и приоритети, предлогот за нови начини за финансирање на одбраната, како и создадениот инструмент „Безбедносна акација за Европа“ (САФЕ), најавувајќи дека за идните безбедносни планови ќе се разговара и на утрешниот неформален Самит на Унијата во Копенхаген.

Таа се осврна и на состојбата во Украина, посочувајќи дека поминаа три години и седум месеци од почетокот на руската агресија, а украинските сили продолжуваат да се спротивставуваат на бојното поле, практично не отстапувајќи ни педа територија оваа година.

- Во последните 1000 дена, Русија зазеде само еден отсто од окупираната територија во Украина и покрај тоа што оваа година своите животи на бојното поле ги загубија повеќе од четвртина милион Руси. А Русија се повеќе е и под економски притисок. Каматните стапки се на 17 отсто, а инфлацијата е далеку над 10 проценти. Цврсто верувам дека сме во момент кога решителната акција од наша страна може да доведе до пресвртница во овој конфликт, рече Фон дер Лајен.

Претседателката на Еврокомисијата додаде и дека санкциите на ЕУ кон Русија функционираат, посочувајќи дека се предвидува оти растот на рускиот БДП ќе забави од 4,3 отсто во 2024 година на 0,9 проценти во 2025 година.

- Треба да го зголемиме притисокот. За таа цел предложивме нов пакет санкции со цврсти мерки за енергетиката, финансиските услуги и трговијата. Еден од неговите клучни елементи е забраната за увоз на течен природен гас од Русија, рече Фон дер Лајен.

Паралелно со ова, според неа, потребно е и зајакнување на воената помош за Украина, од кои две милијарди евра ќе бидат потрошени за зголемување на украинските капацитети за производство на дронови.

- Сепак, потребно е поструктурно решение за воена поддршка. Затоа ја предложив идејата за „Заем за репарација“ од замрзнатите руски средства. Кредитот нема да биде исплатен одеднаш, туку во транши и под одредени услови. Ќе ја зајакнеме и нашата сопствена одбранбена индустрија со тоа што ќе обезбедиме дел од кредитот да се користи за воени набавки во Европа и заеднички со Европа. Важно е дека нема заплена на средствата. Украина ќе мора да го врати кредитот, доколку Русија плати репарации. Сторителот мора да преземе одговорност, заклучи Фон дер Лајен.

Тагови: Урсула фон дер Лајен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Делови од Бутел и Карпош денеска без струја

Од ЕВН Македонија АД известуваат дека денеска без електрична енергија ќе останат:

Делови од Бутел и Карпош денеска без струја

– во периодот од 08.00 до 12.00 часот, корисниците од улицата Костурска ,ул. Тале Христов Слога, Клиника ВФВ и Санте плус 3, општина Бутел;

– во периодот од 09.00 до 14.00 часот, корисниците од улица Франце Прешер околу објект 141, општина Карпош;

– во периодот од 12.00 до 14.00 часот, корисниците од Бул. Босна и Херцеговина и ул.Боро Менков, општина Бутел.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Променливо облачно со повремен дожд и грмежи

Времето денеска ќе биде променливо облачно со повремени врнежи од дожд, локално проследени со грмежи. 

Променливо облачно со повремен дожд и грмежи

Наместа процесите ќе бидат поинтензивни во форма на невреме со пообилен пороен дожд (20 литри на метар квадратен), електрични празнења, силен ветер и појава на град. Минималната температура ќе биде во интервал од 9 до 16, а максималната ќе достигне од 21 до 29 степени, информира Управата за хидрометеоролошки работи (УХМР).

Во Скопје, променливо облачно со повремени врнежи од дожд. Во делови од котлината ќе има поинтензивни процеси во форма на невреме со интензивен пороен дожд, електрични празнења, силен ветер и изолирана појава на град. Минималната температура ќе се спушти до 14, а максималната ќе достигне до 27 степени.

– Во следните денови ќе се задржи променливо облачно време со сончеви периоди во текот на денот. В сабота и в понеделник повторно се очекуваат поинтензивни процеси со пообилен пороен дожд, грмежи, засилен ветер и локално невреме – најави УХМР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 4. јуни 2026 година

Дневен хороскоп за четврток, 4. јуни 2026 година. 

Дневен хороскоп за 4. јуни 2026 година

Близнаци 21.5.-21.6.

Љубов

Ќе копнеете консвојот љубовен идеал, но како што ќе минува денот , така ќе бидете свесни дека тој е далеку од вас.

Кариера

Ќе чувствувате преодна потреба да се повлечете , па ако е некако можно ќе се обидете да делувате од сенка.

Здравје и совет

Грижите што ќе се појават се обична илузија.

Рак 22.6-22.7.

Љубов

Доколку излезете, има голема веројатностубаво да си поминете. Сепак , внимавајте што зборувате за да не направите збрка.

Кариера

На работното место нема да бидете кој знае колку ангажирани. Се ќе одработите рутински и ќе ви недостига мотив.

Здравје и совет

Вежбајте јога за подобра концентрација.

Лав 23.7-22.8.

Љубов

На моменти ќе имате потреба да пресечете и да избегнете некои напори или мали проблеми во врската, но тоа нема да биде потребно. Се е во ред.

Кариера

Мали недоразбирања во односите со соработниците ќе имаат преоден карактер, па не им придавајте значење.

Здравје и совет

Останете мирни.

Девица 23.8.-23.9.

Љубов

Вашиот партнер ќе покажува потреба за повеќе нежности , па без проблеми ќе го направите тоа. Добро е.

Кариера

Повремено во главата ќе си ги анализирате претходните работни денови и предизвиците што сте успеале да ги совладате. Потоа ќе се опуштите.

Здравје и совет

Вежбајте на отворено.

Вага 24.9.-23.10

Љубов

Ќе имате потреба да ги покажете своите емоции и ќе ја доживеете саканата личност на нов начин. Ќе има малку немир ,но врската е во ред.

Кариера

Ве очекува непромиослено однесување на вашите надредени , поради што ќе се чувствувате повредени.

Здравје и совет

Не ги земајте работите при срце. Ќе помине.

Шкорпија 24.10-22.11.

Љубов

Денеска наоѓате вистински начин некому да ги покажете своите чувства , било да станува збор за погледи или само за зборови.

Кариера

Поради добро завршената работа , некои денеска би биле малку под заштита и пуштени дома пред крајот на работното време.

Здравје и совет

Имате право да уживате.

Стрелец 23.11.-21.12.

Љубов

Вашиот стил на забава надалеку е познат по оригиналноста. Денеска дури и ќе претерате.

Кариера

Можно е дека ќе изјавите нешто што ќе повреди некого од вашите колеги. Затоа контролирајте си го јазикот.

Здравје и совет

Бидете умерени.

Јарец 22.12.-20.1.

Љубов

Денот е идеален за да останете дома , било во двојка или сами. Многумина нема да сакаат да излезат со друштво.

Кариера

Со олеснување ќе го прифатите фактот дека се наближува викендот. Тоа ќе ви ги олесни работните часови.

Здравје и совет

Наспијте се добро.

Водолија 21.1.-19.2.

Љубов

Некои денеска би можеле да се покажат како вистински сонувачи. Ќе сонуваат за љубовта што ја нема или ќе ги малтретираат другите со такви приказни.

Кариера

Кога ќе ги сведете сите сметки , ќе видите дека има нови трошоци , но и нови добивки. Пак сте на исто , не се нервирајте.

Здравје и совет

Одморете се.

Риби 20.2.- 20.3.

Љубов

Ќе дојде до мало подобрување на вашите лични односи, но и натаму тешко ќе наоѓате вистински зборови во комуникацијата со партнерот.

Кариера

За да ги ослободите новите идеи , поврзете се со младите соработници . Тие ќе ви помогнат за да се изразите.

Здравје и совет

Следете ги своите сништа.

Овен 21.3-20.4.

Љубов

Повторно ќе најдете рамнотежа во личните односи . На некои во тоа ќе им помогнат пријателите. Саканата личност сепак ве сака.

Кариера

На работното место ќе чувствувате мир и стабилност. Тајните остануваат за некој друг да ги решава.

Здравје и совет

Продолжете да го градите започнатото.

Бик 21.4- 20.5.

Љубов

Веројатно ќе ја споите саканата личност со друштвото и така ќе минете една убава вечер или попладне.

Кариера

Веќе ништо поврзано со работата нема да ве загрижува. Вашите задачи ви се целосно јасни и тоа ви е доволно.

Здравје и совет

Вежбајте гимнастика.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер