Фон дер Лајен: Ќе ја посетам Белата куќа кога ќе имаме пакет трговски договор - Канал 5

Свет

Фон дер Лајен: Ќе ја посетам Белата куќа кога ќе имаме пакет трговски договор

Ќе отидам во Белата куќа тогаш кога ќе имаме пакет со решенија за трговските прашања со кој ќе се согласиме со американскиот претседател Доналд Трамп, изјави денеска претседателката на Европската комисија.

Фон дер Лајен: Ќе ја посетам Белата куќа кога ќе имаме пакет трговски договор

- За мене е важно ако одам во Белата куќа, да имам пакет и сакам да имам решение за кое двајцата можеме да се согласиме, тоа е она на што работиме во моментов во рамки на разговорите со САД, рече Фон дер Лајен на заедничката прес-конференција со германскиот канцелар Фридрих Мерц во Брисел.

Таа додаде дека не би сакала да навлегува во детали за текот на преговорите, посочувајќи дека во разговори ништо не е договорено, додека на биде постигнат договор за целиот пакет.

Фон дер Лајен нагласи дека во тој правец ЕУ предложи модел на „нула за нула“ царини од двете страни на Атлантикот.

- Ние сме подготвени да ги укинеме царините за индустриски стоки и како што знаете, интензивно работиме на договор за решение за прашањето за царините. Решение кое е балансирано, фер, неутрално и корисно за двете страни на Атлантикот. Но, ако преговорите не успеат, ние ќе дејствуваме и затоа во моментов се консултираме за можната листа на реципрочни мерки. Со други зборови, сите наши инструменти и опции остануваат на маса, додаде Фон дер Лајен.

Мерц, од своја страна, истакна дека ги поддржува преговорите што се водат со САД, посочувајќи дека во интерес на двете страни е да се најде решение. Тој нагласи дека Вашингтон не може да ги одбира земјите членки на ЕУ една по една и со нив да преговараат за трговски договори, бидејќи трговијата е во целосна надлежност на Европската комисија и нивни трговски партнер е ЕУ во целина.

Според Мерц, централен проект на ЕУ за наредните години треба да биде јакнење на конкурентноста на европската индустрии, за што е потребно намалувањето на бирократијата и поедноставување на регулативите на Унијата.

- Ни треба фундаментална модернизација и подобри рамковни услови во Европската Унија, рече Мерц.

Тагови: САД Урсула фон дер Лајен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривичниот суд одреди 30 дена притвор за Стефан Богоев и други три лица

Кривичниот суд одреди 30 дена притвор за Стефан Богоев и други три лица осомничени за случајот со злоупотреби  околу тендер за чистење на граничните премини и терминалите, во периодот од јули 2023 до март 2024 година.

Кривичниот суд одреди 30 дена притвор за Стефан Богоев и други три лица

Oсомничените преку фаворизирање на одреден економски оператор и ограничување на конкуренцијата му овозможиле на правниот субјект да се стекне со противправна имотна корист во износ од над 18 милиони денари од обвинителството велат и дека во рамките на истрагата се обезбедени докази и за примање и давање награда за противзаконито влијание и дека првоосомничениот примил награда во износ од 111.600 денари за искористување на својата службена положба.

По распитот обвинителката соопшти дека барањето за притвор е заради опасност од бегство и влијание врз сведоци...

Тагови: Кривичен суд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Вучиќ: „Не ме исплашија ниту ме фасцинираат заканите“

Претседателот на Република Србија, Александар Вучиќ, изјави дека не се плаши од закани и дека е целосно посветен на напредокот на земјата и подобар живот за нејзините граѓани.

Вучиќ: „Не ме исплашија ниту ме фасцинираат заканите“

„Скинете му ја главата на Вучиќ - ниту се плашам ниту ме фасцинираат заканите. Единственото нешто што ме интересира е како нашите луѓе живеат подобро и како Србија може да биде уште поуспешна“, рече Вучиќ.

Вака реагира претседателот на Србија, Вучиќ на предупрадувањето да не патуват на самитот во Тиван во Црна Гора од српската безбедносна агенција БИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија и Украина постигнаа договор за правата на унгарското малцинство, се отвора патот на Киев за влез во ЕУ

Унгарскиот премиер Петер Маѓар изјави дека Унгарија и Украина постигнале договор за правата на унгарското малцинство во Украина, што би можело да овозможи отворање на првиот кластер.

Унгарија и Украина постигнаа договор за правата на унгарското малцинство, се отвора патот на Киев за влез во ЕУ

Унгарскиот премиер Петер Маѓар изјави дека Унгарија и Украина постигнале договор за правата на унгарското малцинство во Украина, што би можело да овозможи отворање на првиот кластер, односно група преговарачки поглавја за пристапување на Украина во Европската унија.

Договорот претставува потенцијален пробив во долготрајниот спор околу правата на малцинствата, кој ги затегна односите меѓу Будимпешта и Киев и ја комплицира поддршката за пристапувањето на Украина во ЕУ.

„Постигнавме напредок во разговорите со Украина за јазичните, културните и образовните права на етничкото унгарско малцинство“, напиша Маѓар на фејсбук.

Во вторникот тој рече дека е подготвен да се сретне со украинскиот претседател Зеленски следната недела за да отвори ново поглавје во односите, доколку се постигне договор за правата на малцинствата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер