Фон дер Лајен и Зеленски од Брисел: Важно е војната да запре, а Украина да добие безбедносни гаранции - Канал 5

Свет

Фон дер Лајен и Зеленски од Брисел: Важно е војната да запре, а Украина да добие безбедносни гаранции

 Претседателката на Европската комисија Урсула фон дер Лајен денеска во Брисел имаше средба со украинскиот претседател Володомир Зеленски.

Фон дер Лајен и Зеленски од Брисел: Важно е војната да запре, а Украина да добие безбедносни гаранции

Претседателката на Европската комисија Урсула фон дер Лајен денеска во Брисел имаше средба со украинскиот претседател Володомир Зеленски, за да го договорат заедничкиот настап на утрешната средба во Вашингтон со американскиот претседател Доналд Трамп.

Покрај Фон дер Лајен и Зеленски на средбата со Трамп ќе учествува и европската „тешка артилиерија“: францускиот и финскиот претседател, германскиот канцелар, британскиот премиер, и италијанската премиерка, како и со генералниот секретар на НАТО.Консултациите меѓу нив се одвиваат вчера и денеска преку видо врски.

На заедничката прес-конференција по средбата Фон дер Лајен и Зеленски беа прашани за ставот на американскиот претседател Доналд Трамп дека примирјето е непотребно и дека војната може да се запре со склучување мировен договор без прекин на огнот.

Трамп претходно рече дека „мировниот договор е поважен од примирјето“ и дека „примирјето не е потребно за да се запре војната“, на што Фон дер Лајен денеска одговори дека „како тоа ќе се нараче и не е важно“.

-Важно е каква ќе биде изведбата, а изведбата мора да биде за да се запре убивањето, рече Фон дер Лајен, додавајќи дека „тоа е најважното нешто, без разлика дали го нарекувате примирје или мировен договор“.

Украинскиот претседател и денеска се изјасни дека е клучно Европа да остане обединета како што беше во 2022 година, кога започна целосната руска инвазија, бидејќи само тогаш ќе биде можно да се постигне „вистински мир“.

-Путин има многу барања, но не ги знаеме сите, рече Зеленски, додавајќи дека ќе биде потребно време да се разгледаат, но дека е „невозможно да се направи тоа под притисок на оружје“.

Тој го повтори вчерашниот европски заеднички став дека е потребен трилатерален самит на Украина, Русија и САД, но дека „Русија не покажува знаци дека се согласува на такви разговори“.

-Доколку Русија одбие, тогаш мора да следат нови санкции, рече Зеленски.

Тој им се заблагодари на американскиот претседател Доналд Трамп и на САД за нивната подготвеност да соработуваат со Европа за да обезбедат безбедносни гаранции за Украина, но нагласи дека „сè уште нема детали за тоа како би функционирало тоа“.

-Нешто како Член 5 од НАТО, и веруваме дека пристапувањето кон Европската Унија мора да биде дел од безбедносните гаранции, додаде Зеленски.

Претседателката на ЕК беше децидна дека меѓународните граници не можат да се менуваат со сила.

-Само Украина и никој друг не може да одлучува за тоа. Тие не смеат да бидат доведени на маса без тоа, рече таа. Додаде дека Европската Унија ќе продолжи со санкциите против Русија сè додека продолжува крвопролевањето во Украина.

Таа на крајот ја поздрави подготвеноста на американскиот претседател да учествува во осигурувањето безбедносни гаранции слични на оние во Член 5 од НАТО, додавајќи дека и Европската Унија е „подготвена да придонесе“ и нагласи дека одбраната на Европа е нејзина сопствена одговорност.

Меѓутоа, додаде и дека мирот мора да се постигне „преку сила“ и ги наведе главните услови што треба да ги содржи мировниот договор: безбедносни гаранции за заштита на Украина и Европа, зачувување на територијалниот суверенитет на Украина и целосна слобода на нејзините вооружени сили - вклучително и правото да се приклучат кон меѓународни организации и да добиваат помош од други земји.

Тагови: зеленски Урсула фон дер Лајен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Денеска стартува новата сезона на Лигата на шампионите- почнува со спектакл во Мадрид

Започнува новата сезона на Лигата на шампионите. 

Денеска стартува новата сезона на Лигата на шампионите- почнува со спектакл во Мадрид

Натпреварите од првото коло ја отвораат лигашката фаза од најсилното европско клупско натпреварување, а распоредот за ова коло е растегнат во три дена, од вторник до четврток. Вкупно 18 натпревари ќе се играат во тој период.

Првиот ден носи неколку интересни дуели. Реал Мадрид игра на Сантијаго Бернабеу против Интер. Манчестер Сити, гостува кај Порто, додека Борусија Дортмунд, го пречекува Виљареал. Првите два натпревари започнуваат во 18:45 часот, а преостанатите четири се играат во 21:00 часот.

Лига на шампиони денеска, вторник, 8 септември

18:45 АЕК – ЛАСК,

18:45 Клуб Бриж – Астон Вила,

21:00 Реал Мадрид – Интер,

21:00 Борусија Дортмунд – Виљареал,

21:00 Лил – Реал Бетис,

Среда, 9 септември

Програмата продолжува во среда со уште шест натпревари. Барселона ја отвора новата европска сезона против Феенорд, Ливерпул го пречекува Атлетико Мадрид, додека Наполи и Арсенал се среќаваат во еден од најинтересните натпревари од колото.

18:45 Барселона – Феенорд,

18:45 Штутгарт – Викинг,

21:00 Ливерпул – Атлетико Мадрид,

21:00 Наполи – Арсенал,

21:00 Париз Сен Жермен – Слован Братислава,

21:00 Спортинг – Галатасарај,

Четврток, 10 септември

18:45 Фенербахче – Рома,

18:45 ПСВ – Шахтјор

21:00 Комо – Лајпциг,

21:00 Баерн Минхен – Боде/Глимт

21:00 Манчестер Јунајтед – Сабах,

21:00 Славија Прага – Ленс

Тагови: Лига на шампионите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Сите загинати при излизгувањето на товарен авион од пистата во Мајами, биле во паркираните автомобили (ВИДЕО)

Пет лица загинаа, а пет други беа повредени кога товарен авион на „Амазон“ се излизга при слетување на аеродромот во Мајами. 

Сите загинати при излизгувањето на товарен авион од пистата во Мајами, биле во паркираните автомобили (ВИДЕО)

Истражителите потврдија дека сите жртви биле во две возила на земја. Боингот 767-300, управуван од „21 Ер“, се лизна од пистата во неделата. Удри во комбе за чистење во кое се наоѓаа седум лица, се урна низ заштитна ограда и се урна во теренско возило „Тојота“ во кое се наоѓаа три лица, објави Би-Би-Си.

Претседателката на Националниот одбор за безбедност на сообраќајот (NTSB), Џенифер Хоменди, го опиша местото на несреќата како место на целосно уништување и рече дека е прерано да се утврди причината. Истражителите ги пронашле црните кутии и ќе ги испитаат системите за летање, искуството на екипажот и временските услови како можни фактори.

Реконструкција на несреќата

На прес-конференцијата одржана вчера, Хоменди објасни дека во авионот имало двајца членови на екипажот. Авионот пристигнал од Сан Хуан, Порторико, и бил на својот трет лет за денот. Откако се лизнал од пистата, авионот удрил во навигациска опрема, а потоа и во бел комбе „Форд“ што припаѓало на надворешна компанија за чистење. Потоа се урна низ заштитна ограда и се судри со Тојота Корола, застанувајќи на околу 400 метри од крајот на пистата.

НТСБ не прецизираше во новите информации колку луѓе загинаа во кое возило, а состојбата на двочлениот екипаж на авионот не е позната. Пошироката област на несреќата е покриена со остатоци од авионот, уништени возила и делови од оградата на аеродромот.

„Сцената е тешка и сигурна сум дека беше многу трауматично за службите за итни случаи кои први пристигнаа на местото на настанот“, рече Хоменди. Таа нагласи дека приоритет е да се пронајдат телата на жртвите. „Истрагата, пристапот до авионот и собирањето докази можат да почекаат“, додаде таа.

Анализа на црните кутии

Снимачот на податоци за летот и снимачот на гласови во пилотската кабина се пронајдени и испратени во седиштето на НТСБ за анализа. Хоменди објасни дека истражителите сè уште не можат да дадат детали за причината бидејќи сè уште се собираат докази на терен.

НТСБ, исто така, ќе испита дали пистата требало да има EMAS, систем од специјални материјали за забавување на авионите што излегуваат од пистата. Хоменди потврди дека ова ќе биде клучен дел од истрагата. Според претходна анализа на Би-Би-Си, непосредно пред несреќата, областа на аеродромот била погодена од грмотевици со налети на ветер до 48 километри на час.

Апел до јавноста и идни мерки

NTSB ги повика членовите на јавноста да достават какви било фотографии или видеа од несреќата што можат да помогнат во истрагата. Хоменди најави дека агенцијата ќе издаде безбедносни препораки по истрагата. „Нашата цел е да спречиме следната трагедија. Нашите препораки мора да се спроведат, во спротивно повторно ќе се најдеме во истата ситуација“, рече таа.

Тагови: авион Мајами

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Таксист од Скопје под закана со нож ограбил Кинез, ќе се гони за разбојништво

МВР расчисти кривично дело разбојништво веднаш по пријавувањето, лишен е од слобода сторителот, следува соодветна пријава .

Таксист од Скопје под закана со нож ограбил Кинез, ќе се гони за разбојништво

На 08.09.2026 во 01:50 часот во Скопје, на подрачјето на општина Аеродром, полициски службеници од Единицата за интервентна полиција при СВР Скопје го лишија од слобода А.К.(29) од Скопје.

Според пријавеното, тој претходно со неговото приватно такси возило го превезол Ј.Т.(26) од Кина на бараната дестинација, по што му побарал да плати повеќе отколку што реално чини превозот. Откако Ј.Т. не се сложил, А.К. со закана со остар предмет му одзел пари.

По целосно документирање на случајот ЕВР Аеродром и Драчево при СВР Скопје ќе поднесат кривична пријава поради постоење основи на сомнение за сторено кривично дело „разбојништво“ по член .237 од Кривичниот законик, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер