Фон дер Лајен: Губиме половина милијарда евра дневно поради војната на Блискиот Исток - Канал 5

Европа

Фон дер Лајен: Губиме половина милијарда евра дневно поради војната на Блискиот Исток

Последиците од израелско-американската војна против Иран ќе се чувствуваат со месеци, па дури и со години, изјави претседателката на Европската комисија, Урсула фон дер Лајен, во дебата во Европскиот парламент во Стразбур.

Фон дер Лајен: Губиме половина милијарда евра дневно поради војната на Блискиот Исток

„Суровата реалност со која сите мора да се соочиме - последиците од овој конфликт би можеле да се чувствуваат со месеци или дури со години. Ова е втора голема енергетска криза за краток период од четири години“, рече фон дер Лајен во дискусија за стратегијата на ЕУ како одговор на кризата на Блискиот Исток, нејзините импликации врз цените на енергијата и достапноста на ѓубрива.

„Губиме половина милијарда евра дневно“

Таа истакна дека во Европската Унија, во 60-те дена од конфликтот, сметката за увоз на фосилни горива се зголемила за повеќе од 27 милијарди евра за истата количина енергија увезена пред војната.

„Губиме речиси 500 милиони евра дневно“, рече таа. Затоа, Европа мора да се ослободи од зависноста од фосилните горива.

Претседателката на Комисијата наведува дека земјите-членки со повеќе извори со ниска емисија на јаглерод во нивниот енергетски микс се помалку погодени од кризата, истакнувајќи го примерот на Шведска.

„На пример, во Шведска, кога цената на гасот се зголемува за 1 евро за мегават-час (MWh), сметката за електрична енергија се зголемува само за 0,04 евра за MWh, бидејќи речиси целата шведска електрична енергија доаѓа од обновливи извори и нуклеарна енергија“, рече таа.

Со оглед на тоа што сите земји-членки имаат различен енергетски микс, не постои универзално решение во оваа криза.

Справување со енергетската криза

Фон дер Лајен потсети дека минатата недела Комисијата презентираше низа мерки што можат да се комбинираат различно во различни делови од Унијата. Клучен елемент на тие мерки е поголема координација меѓу земјите-членки.

„Предлагаме посилна координација, не само во полнењето на националните складишта за гас, туку и кога станува збор за резервите на гориво - особено горивото за авиони и дизелот, каде што пазарите се намалуваат. Можеме да бидеме многу поефикасни ако го координираме ослободувањето на нафтените резерви и обезбедиме рафинериите да можат да го зголемат производството низ целата Унија“, рече фон дер Лајен.

Исто така, клучно е сите мерки насочени кон поддршка на домаќинствата и економијата да бидат насочени.

„За време на последната криза, само една четвртина од итна помош беше насочена кон ранливи домаќинства и бизниси. Повеќе од 350 милијарди евра беа потрошени за нецелни мерки. Ова имаше огромно влијание врз финансиите на земјите-членки, а исто така ги ослабна и мерките за заштита на оние на кои им е најпотребна. Да не ја повториме истата грешка и да ја фокусираме нашата поддршка таму каде што е најпотребна“, рече претседателката на Комисијата.

Како трет важен елемент за справување со енергетската криза, фон дер Лајен го наведува намалувањето на побарувачката на енергија. „На краток рок, можеме да го направиме ова преку комбинација од енергетска ефикасност, електрификација и побрзо распоредување на дигиталните технологии“, рече таа, додавајќи дека Комисијата ќе презентира акционен план за електрификација пред летото.

Тагови: Фон дер Лајен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО. 

АКТО завршува во недела со „Бистро на еден ден" во дворот на Железничката зграда

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер