Македонија

Фон дер Лајен: ЕУ и САД заеднички ќе работат на враќање на украинските исчезнати деца

Европа и САД ќе работат заеднички за да ги вратат дома исчезнатите деца од Украина и да ја ублажат нивната тешка положба.

Тоа го изјави доцна синоќа претседателката на Европската комисија, Урсула фон дер Лајен по средбата со американскиот претседател Доналд Трамп во Њујорк.

- Имав добра дискусија со претседателот Трамп на маргините на Генералното собрание на ОН. Разговаравме за агресијата на Русија врз Украина. Се согласивме за потребата од брзо намалување на приходите на Русија од фосилните горива, нагласи Фон дер Лајен.

Според неа, токму ова е и целта на 19-тиот пакет санкции што Европската комисија го предложи во петокот, со кои се предвидува забрана на увозот на руски течен природен гас (ЛНГ) во ЕУ и се санкционираат трговци со нафта и рафинерии во Русија и во трети земји. Дополнително, како што нагласи, до 2027 година, Европа засекогаш ќе прекине со употреба на руските фосилни горива.

- Исто така, се осврнавме и на провокациите на Кремљ, вклучително и на постојаните упади во европскиот воздушен простор. Ова се јасни обиди да се тестира нашиот одговор, истакна Фон дер Лајен.

Токму поради ваквите случување, според претседателката на ЕК, ЕУ ги засилува одбранбените напори за зајакнување на своето источно крило, бидејќи „мора да дејствува како штит и за Европа и за НАТО“.

Фон дер Лајен додаде дека на средбата со Трамп станало збор и за состојбата на Блискиот Исток, при што се согласиле дека мора да се стави крај на страдањето на цивилите.

- Европа стои цврсто обединета зад решението за две држави, додаде Фон дер Лајен.

Тагови: Доналд Трамп Фон дер Лајен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Четворица под истрага, пукале со три пиштоли и пушка на семејна прослава

Четири лица се осомничени за пукањето на семејната прослава во Добри Дол гостиварско, што се случи на 31 јули.

За време на прославата, осомничените со три пиштоли и една пушка пукале во воздух, со што, ги довеле во опасност животите на поголем број присутни. Постапката е поведена по поднесена кривична пријава од страна на МВР. Од ОЈО Гостивар наведуваат дека поради опасност од бегство на осомничените, меѓу кои еден кој има македонско и словенечко државјанство, доставиле предлог за определување притвор.

Од МВР претходно сопоштија дека привеле шест лица , а едно било повикано на службен разговор во врска со пукањето. За време на претресите на повеќе локации во Добри Дол, полицијата пронашла и одзела оружје и муниција

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се уште трае борбата со огнената стихија во кавадаречко

Се уште трае борбата со огнената стихија во кавадаречко.

Пожарот е активен и гори ниско стеблеста шума , а голем дел е изгаснат ова утринава за Канал 5 го изјави директорот на Дирекцијата за заштита и спасување Стојанче Ангелов кој информираше дека активен пожар има и во Прилепско.

Се вложуваат максимални напори за локализирање и отсекување на огнената линија, со цел да се заштити секој објект и да се спречи понатамошно ширење на пожарот. Се интервенира во два правци кон селото Дреново кон Ќесендре и кон селото Раец.

Во Кавадарци на терен се ангажирани сирте ресурси од општината , а помага и дел од месното население.

Поставено е и амбулантно возило со доктор, стационирано во селото Дреново, како превентивна мерка за здравствена заштита на жителите, информира градоначалникот Митко Јанчев.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес сончево и многу топло

Времето денес ќе биде сончево и многу топло со мала локална облачност.

Ќе дува слаб до умерен променлив ветер. Минималната температура ќе биде во интервал од 10 до 20, а максималната ќе достигне од 33 до 40 степени.

Во Скопје, сончево и многу топло со слаб променлив ветер. Минималната температура ќе се спушти до 17, а максималната ќе достигне до 38 степени.

Во наредните денови продолжува периодот на сончево и многу топло време со дневна температура која во некои места ќе надмине 40°C. Од четврток до крајот на седмицата во попладневните часови ќе има услови за локален развој на нестабилна облачност со краткотраен пороен дожд и грмежи.

Тагови: Сончевo УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.