Автомобилизам

Фолксваген потврди: Новите батерии задржуваат 95% од капацитетот и после 500.000 километри

Фолксваген неодамна ги тестираше напредните батерии од компанијата Квантум Спејс (QuantumSpace), а резултатите ги надминаа очекувањата.

Компанијата QuantumSpace долго време работи на развој на цврсти батерии, односно батерии со цврст електролит, за кои интерес пројавија многу производители, меѓу кои и Volkswagen. Според последните резултати од тестовите, батериите покажале дека речиси воопшто не стареат, односно, со текот на времето не го губат капацитетот.

По повеќе од 1000 циклуси на празнење и полнење, ќелиите задржале над 95% од нивниот почетен капацитет, што е еквивалентно на користење на електричното возило на речиси 483.000 км. Дополнителен плус е анулирањето на можноста од пожар, и можноста за натамошен пад на цените.

Да потсетиме дека целта на компанијата беше постигнување на 80 проценти капацитет по 800 циклуси. Овие тестови на прототип чија структура на ќелиите не отстапува од сериските изведби на QSE-5 покажуваат дека се можни малку подобри резултати.

Резултатите, како што објави самиот Volkswagen, дојдоа по неколкумесечното тестирање во лабораториите PowerCo на Volkswagen во Салцгитер. Така, тие нагласуваат дека ваквата технологија во автомобил со досег од околу 600 километри, би обезбедила можност во својот животен век тој да помине и до половина милион километри без проблем.

QuantumSpace не го крие својот ентузијазам во врска со резултатите. Извршниот директор на PowerCo, Френк Блом, изјави: „Ова се многу охрабрувачки резултати кои импресивно го поддржуваат потенцијалот на ќелиите во цврста состојба. Резултатот од овој развој би можел да биде бактериска ќелија што овозможува голем досег, може да се полни многу брзо и практично, не старее“.

Volkswagen и QS се партнери од 2012 година, а се планира првите производи да се комерцијализираат веќе во 2025 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски јавно призна кривично дело - повеќе од две години водата во Гостивар не била за пиење

Христијан Мицкоски вчера јавно изјави: „Верувам дека за првпат по многу години граѓаните ќе користат вода која е целосно бактериолошки исправна.“

Со оваа реченица премиерот јавно призна: Повеќе од две години, додека ВМРО-ОКГ има апсолутна власт, водата во Гостивар не била бактериолошки исправна.

Две години знаеле.

Две години молчеле.

Две години граѓаните пиеле загадена вода.

А водата сѐ уште не е целосно исправна.

По хиперхлорирањето се појавила нова бактерија, изјави Христијан Мицкоски.

Министерот Клековски ветуваше дека до крајот на неделата ќе биде безбедна.

Сѐ уште чекаме официјална потврда.

Сѐ уште не се доставени ни документите за тоа кој потпишал дека водата е технички исправна за капење, додека граѓаните ја користат.

Гостивар не е изолиран случај. Проблеми со неисправна вода има во десетици места низ Македонија.

Дали знаел и за другите места во Македонија?

Овој тендер-патриот, Мицкоски, оди на екскурзија во Белгија, иако им порача на граѓаните на Македонија, поради изолацијата во која ја доведе државата, да летуваат во Македонија - на планините и езерата.

Оди на екскурзија додека половина Македонија се соочува со проблеми со неисправна вода за пиење. Во Гостивар има епидемија на жолтица.

За загадувањето на Лепенец и Вардар - нема утврдена одговорност, како што нема утврдена одговорност ниту за многу други случаи што ја потресоа Македонија.

Мицкоски сакаше да се претстави како спасител.

Наместо тоа - јавно призна кривично дело.

Скопје, 02.08.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Салах пред трансфер во Трабзонспор

Трабзонспор е блиску до тоа да го „украде“ досегашниот ас на Ливерпул, Мохамед Салах од Бешикташ.

Клубот влезе во напредна фаза на преговори со агентот на играчот и сега е многу блиску до постигнување целосен договор со самиот Салах.

Како резултат на тоа, Бешикташ официјално ги прекина преговорите на неодредено време, иако претходно имаше постигнато устен договор со претставниците на фудбалерот.

Договорот предвидуваше едногодишна соработка со опција за продолжување за уште една сезона, годишна нето-плата од 10 милиони евра и дополнителни 2 милиони евра преку бонуси, според турскиот новинар Јагиз Сабунџуоглу, чии информации ги пренесе неговиот колега Санти Ауна.

Тагови: Мохамед Салах

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Во Перу падна туристички авион,13 загинати

Тринаесет лица загинаа денес при падот на мал туристички авион над археолошкиот локалитет „Наска линии“ во јужниот дел на Перу, соопштија локалните власти.

Перуанскиот државен информативен канал „ТВ Перу“ соопшти дека во авионот имало 11 патници и двајца пилоти, пренесе Ројтерс.

Локалните власти изјавија дека авионот се урнал во областа Пуебло Виехо, на околу шест километри од градот Наска и приближно 12 километри од локалитетот со Линиите од Наска.

Малиот авион ѝ припаѓал на локалната перуанска авиокомпанија „Аеродијана“ (Aerodiana). Авионот полетал од аеродромот во Писко за да прелета над линиите Наска, но неколку минути подоцна ја изгубил врската со контролната кула, објавија локалните медиуми.

A small tourist plane crashed on Saturday while conducting a sightseeing flight over Peru’s famous Nazca Lines, killing all 13 people on board. Authorities said the aircraft was carrying 11 passengers and two pilots when it went down near the UNESCO World Heritage site in… pic.twitter.com/6yFqmtUDxs
— Mighty News (@Mighty__News) August 1, 2026

Причините за падот на авионот сè уште се непознати, а локалните власти најавија покренување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.