Фолксваген ја отвори листата на нарачки, позната е цената на новиот Пасат (ФОТО) - Канал 5

Автомобилизам

Фолксваген ја отвори листата на нарачки, позната е цената на новиот Пасат (ФОТО)

Долгоочекуваниот новитет е достапен за нарачка.

Фолксваген ја отвори листата на нарачки, позната е цената на новиот Пасат (ФОТО)

Деветтата генерација на Passat, како што е познато, е достапна исклучиво како караван. Деновиве, Volkswagen го стави својот неодамна претставен новитет достапен преку онлајн конфигураторот. Понудата започнува со бензинскиот 1.5 TSI во форма на благ хибрид.

Иако има над 34 милиони продадени единици, Passat во своето деветто и веројатно последно издание е сведен на караван модел, технолошки целосно компатибилен со штотуку лансираната Škoda Superb. Улогата на опцијата за лимузина сега ја презема електричниот ID.7, кој воедно е најголемиот и најсериозен Volkswagen на електричен погон.

Ако се вратиме на Пасат, работата е следна. Опцијата eTSI на основно ниво започнува од 39.995 евра, но сè уште не е достапна. Така, на конфигураторот на германските страници на Volkswagen, почетокот го претставува побогато опремената Business верзија со цена од 44.995 евра.

Со цел да биде појасно што се нуди, Volkswagen ги истакнува алуминиумските тркала од 16 инчи, LED светлата, тризонската Air Care Climatronic контрола на климата, бројните системи за помош (ACC, Side Assist, Lane Assist, Front Assist, MIB4 дисплеј, Car2X, итн.) .) и инфозабава со екран од 32 cm (12,9").

Доколку го изберете подеднакво моќниот 2.0 TDI дизел, со истата опрема започнува од 48.495 евра, а понудата ги вклучува и побогато опремените нивоа Elegance и R-Line.

За потсетување, со 50 mm подолго растојание помеѓу оските, ова е и најудобниот Passat досега. Акцентот е ставен на удобноста, додека товарниот капацитет се искачува до 1.920 литри.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Тешка несреќа во Италија: Шестмина загинати, 30 повредени

 Шест лица загинаа, а 30 се повредени во сообраќајна несреќа што се случи денеска на автопатот во италијанската провинција Риети, во близина на езерото Вентина, соопштија полициски извори.

Тешка несреќа во Италија: Шестмина загинати, 30 повредени

Според полициски извори, загинале двајца возачи на автобус и двајца патници, додека другите две жртви биле во камперот, пренесува „Кориере дела сера“. Од 30-те лица повредени во судирот, тројца се во тешка состојба.

Во челниот судир меѓу кампер што се движеше кон Терни и автобус што се движеше по спротивната лента, кон Риети, учествуваа и три автомобили.

Камперот вклучен во судирот беше целосно уништен, додека еден автомобил се преврте.

Причината и деталите за несреќата сè уште се предмет на истрага.

Тагови: сообраќаен хаос

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

ВИДЕО: Хеликоптери се судрија при гаснење пожар во Грција – извлечени телата на пилотите

Грчката противпожарна служба потврди дека се извлечени телата на пилотите чиј хеликоптер експлодираше и се урна по судирот со друг хеликоптер за време на мисија за гаснење пожар во Грција.

ВИДЕО: Хеликоптери се судрија при гаснење пожар во Грција – извлечени телата на пилотите

Пилотот бил Данец, а копилотот Грк, објави државниот сервис ERT. Со нивната смрт, вкупниот број на жртви од шумските пожари во Грција се искачи на пет, по смртта на тројца пожарникари на Крит и на Пелопонез минатата недела.

ERT емитуваше снимка на која се гледа како роторот на едниот хеликоптер удира во другото летало, по што тоа експлодира и во пламен паѓа на земјата.

Двајца членови на екипажот од вториот хеликоптер го преживеале инцидентот откако пилотот успеал да изведе принудно слетување, објави медиумот.

Хеликоптерите се судрија додека гаснеле пожар западно од Атина.

Започната е голема операција за пребарување и спасување во областа близу селото Псата, соопшти противпожарната служба.

Во меѓувреме, пламените јазици од огромен пожар, што беснее на околу 50 километри западно од Атина, се проширија до непосредна близина на градот Мегара, кој брои околу 36.000 жители. Според првичните проценки, од петокот досега се уништени повеќе од 10.000 хектари шума, како и куќи, штали и земјоделско земјиште, објави ЕРТ. Стотици припадници на службите за итни интервенции, вклучително и пожарникари од Романија и Франција, се борат со големиот пожар што беснее околу густо пошумениот планински венец Китерон.

Тагови: пожари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Продолжува топлотниот бран, денесска сончево со температура до 39 степени

Управата за хидрометеоролошки работи информира дека времето денес ќе биде сончево и топло со мала локална облачност.

Продолжува топлотниот бран, денесска сончево со температура до 39 степени

Во западните делови ќе дува слаб до умерен ветер претежно од североисточен, а во источните делови од северозападен правец. Минималната температура ќе биде во интервал од 9 до 19, а максималната ќе достигне од 33 до 39 степени.

Во Скопје, сончево и топло со слаб ветер од променлив правец. Минималната температура ќе се спушти до 18, а максималната ќе достигне до 39 степени.

ВРЕМЕТО ВО НАРЕДНИТЕ ДЕНОВИ

Под влијание на топла воздушна маса од југ во деновите од продолжениот викенд и до крајот на следната седмица времето ќе биде сончево и многу топло со мала до умерена локална облачност. Дневната температура насекаде ќе биде над 33°C, а на некои места ќе надмине 40°C. Високи температури ќе се задржат и во текот на ноќните часови.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер