Автомобилизам

Фолксваген губи по 415 евра по произведен автомобил

Големите разлики во загубите зборуваат многу за деловната структура на одделни компании.

Нема сомнение дека кризата предизвикана од пандемијата на коронавирус е една од најголемите во модерната историја и особено ја погоди автомобилската индустрија. Месеци нема да бидат доволни за закрепнување, но на некои ќе им требаат години, проценуваат експертите.

За подобро разбирање на обемот на кризата, германскиот „Хандесблат“ објави студија во која се прикажани загубите од кризата по продаден автомобил.

И резултатите се изненадувачки. На пример, продажбата на Фолксваген падна за 28%, „Тојота“ за 29% и пренесена на автомобили, тоа значи минус од 415 евра за автомобил за „Фолксваген“, додека „Тојота“ губи 533 евра по автомобил. Уште полоша е загубата за ПСА корпорацијата со Опел што губи 707 евра по автомобил. Треба да се има предвид дека VW ги користи придобивките од закрепнувањето од кинескиот пазар, каде што PSA е скоро непостоечка компанија.

Преку јазикот на бројки, пред оданочувањето загубата во првото полугодие е 1,4 милијарди евра за VW, додека во истиот период лани VW оствари 9,6 милијарди плус.

И резултатите во премијата се интересни. БМВ најмногу изгуби, дури 1.100 евра по автомобил, додека Мерцедес и Ауди се во црвена зона со околу 600 евра по автомобил. Во исто време, Volvo изгуби само 343 евра по автомобил со ист пад на продажбата.

Се разбира, целата германска автомобилска индустрија не е во црвена зона. Порше е сè уште во голем плус со заработка од 10.000 евра по автомобил. Одличен пример е „Тесла моторс“. Тие, од друга страна, заработуваат 3.000 евра по автомобил. Авторот на студијата, др. Фердинанд Дуденхафер проценува дека позитивниот резултат е дел од брокерството со CO2 сертификатите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре променливо облачно со сончеви периоди

Времето утре ќе биде променливо облачно со сончеви периоди.

По одделни котлини ќе има услови за појава на утринска магла. Ќе дува слаб до умерен ветер од јужен правец. Минималната температура ќе биде во интервал од 2 до 9, а максималната ќе достигне од 11 до 15 степени.

Во Скопје, променливо облачно со сончеви периоди. Ќе дува слаб ветер од променлив правец. Минималната температура ќе се спушти до 7, а максималната ќе достигне до 14 степени.

До сабота времето ќе биде релативно топло со повремени локални врнежи од дожд. По одделни котлини ќе има услови за појава на утринска магла. Во недела поради продор на постудена воздушна маса од север ќе има заладување и стабилизирање на времето. Ќе дува слаб до умерен, а во петок повремено засилен до силен ветер од јужен правец.

Тагови: облачно

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

За шест часа контролирани 870 возила – утврдени 73 неправилности кај возилата и 186 прекршоци кај возачите

За сите констатирани неправилности и прекршоци преземени се соодветни мерки согласно законските прописи.

На 06.11.2026 година, во периодот од 14:00 до 20:00 часот, на територијата на целата држава, Секторот за сообраќајни работи при Министерството за внатрешни работи спроведе општа акциска контрола на возачи и возила, насочена кон зголемување на безбедноста во сообраќајот и откривање на неправилности и прекршоци.

Во рамки на контролата биле контролирани вкупно 870 возила, при што констатирани се 73 неправилности во однос на возилата. Од нив, 48 возила биле упатени на технички преглед, при што кај 37 е утврдена техничка неисправност.

Во однос на возачите, констатирани се 186 прекршоци, од кои најголем дел се однесуваат на користење мобилен телефон при управување со возило, некористење сигурносен појас, непрописно паркирање и други прекршоци.

Дополнително, евидентирани се и три случаи на кривичното дело „безобѕирно управување со моторно возило“, согласно член 297-а од Кривичниот законик, како и 137 прекршоци од друг вид.

За сите констатирани неправилности и прекршоци преземени се соодветни мерки согласно законските прописи.

Министерството за внатрешни работи продолжува со спроведување на сообраќајни контроли и апелира до возачите редовно да ја проверуваат техничката исправност на возилата, да ги почитуваат сообраќајните правила и прописи и да придонесат за побезбеден сообраќај.

Тагови: прекршоци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Учество на претседателката Сиљановска-Давкова на 9. Париски мировен форум

Претседателката Гордана Сиљановска-Давкова престојува во работна посета на Француската Република, по повод учеството на деветтото издание на Парискиот мировен форум.

Сиљановска-Давкова утре, 10 ноември 2026 година, вторник, ќе присуствува на отворањето на форумот којшто годинава се одржува под наслов „Здружување на силите за она што е најважно“.

Таа ќе се обрати на панел-дискусијата „Одбрана на линијата: Суверенитет во ера на хибридни закани“, а ќе биде дел и од свечената вечера, којашто во чест на шефовите на држави и влади – учесници на Парискиот мировен форум, ќе ја приреди претседателот на Француската Република, Емануел Макрон.

Парискиот мировен форум, основан во 2018 година, e меѓународна платформа за унапредување на глобалното управување, мирот и мултилатералната соработка.

Тагови: Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.