ФК Брегалница Делчево одбележува 100 години од постоењето: целодневна програма, признанија и ревијални натпревари - Канал 5

Фудбал

ФК Брегалница Делчево одбележува 100 години од постоењето: целодневна програма, признанија и ревијални натпревари

ФК Брегалница Делчево одбележува 100 години од своето постоење. Клубот, основан во 1926 година, важи за еден од најпрепознатливите симболи на Делчево, регионот, и е клуб со значајно место во македонскиот фудбал.

ФК Брегалница Делчево одбележува 100 години од постоењето: целодневна програма, признанија и ревијални натпревари

Во текот на својата историја, Брегалница Делчево настапуваше во повеќе рангови на натпреварување, меѓу кои и во Првата македонска фудбалска лига, а клубот беше дел и од натпреварувањата во поранешните југословенски лиги. Низ децениите, дресот на Брегалница го носеа голем број фудбалери и спортски работници од Делчево, кои оставија белег во развојот на клубот и спортот во регионот.

Одбележувањето на јубилејот „100 години една БРЕГА“ ќе се одржи утре, на 23 мај со целодневна програма. Според најавата, ќе се одиграат натпревари во јуниорска и ветеранска конкуренција, ќе има културно-забавна програма, како и доделување признанија и плакети.

Во рамки на програмата ќе се одигра јуниорски натпревар меѓу Брегалница Делчево и Вардар, како и ревијален натпревар на ветераните на Брегалница Делчево против ветераните на Локомотив Пловдив од Бугарија.

Во рамки на настанот ќе бидат доделени:

-100 признанија за ветерани на Брегалница Делчево,

-6 плакети за ветерани со посебен придонес,

-3 постхумни признанија за личности кои оставиле значаен белег во историјата на клубот.

Програмата предвидува и музички настапи, културен дел и обраќања посветени на историјата и развојот на клубот низ изминатиот век.

По повод јубилејот, организаторите најавија и доделување бесплатни јубилејни маици и шалови за навивачите на ФК Брегалница Делчево.

Тагови: ФК Брегалница Делчево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп одговори на условите на Иран за мировен договор:иран да плати отштета за луѓето убиени во војни и протести

Предлогот на Трамп е одговор на барањата на Техеран за компензација и укинување на санкциите. Иранските барања беа во голема мера во согласност со условите на прелиминарниот мировен договор потпишан во јуни, кој пропадна.

Трамп одговори на условите на Иран за мировен договор:иран да плати отштета за луѓето убиени во војни и протести

Американскиот претседател Трамп вчера одговори на условите на Иран за мировен договор со свои барања иран да плати отштета за луѓето убиени во војни, напади и протести, во реторичка ескалација што веројатно ќе ги комплицира напорите за повторно отворање на Ормутскиот Теснец.

Предлогот на Трамп е одговор на барањата на Техеран за компензација и укинување на санкциите. Иранските барања беа во голема мера во согласност со условите на прелиминарниот мировен договор потпишан во јуни, кој пропадна.

Откако започна војната во февруари, Трамп постојано осцилира помеѓу заканите за ескалација и тврдењата дека мировниот договор е неизбежен.

„Ќе побараме пари за штетата што ја направија во период од 50 години“, рече Трамп во Белата куќа, велејќи дека исплатите ќе ги покријат смртните случаи и за цивилните демонстранти и за американските сили во регионот.

„Значи, ако има штети што треба да се платат, мислам дека иран треба да ги плати тие штети“, рече Трамп.

Цените на нафтата вчера се зголемија за 5% откако барањата ги намалија изгледите за договор за повторно отворање на Теснецот.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Уапсен турски новинар: Проблемот настанал бидејќи тој излажал за трансферот на еден фудбалер?!

Турскиот новинар Бурхан Џан Терзи беше уапсен поради ширење невистинити информации за трансферот на Џамал ​​Мусиала во Галатасарај.

Уапсен турски новинар: Проблемот настанал бидејќи тој излажал за трансферот на еден фудбалер?!

Во светот на фудбалот сме виделе секакви работи, особено за време на преодниот рок. Трансфери на фудбалери што пропаѓаат, што не се реализираат, па дури и погрешни трансфери. Но, никој поради тоа не завршил во затвор. Сè досега, кога е уапсен турскиот новинар Бурхан Џан Терзи.

Постои и видеоснимка од апсењето, како и потврда дека тоа навистина се случило. Зошто? Затоа што тој го најави трансферот на Џамал ​​Мусиала од Баерн Минхен во Галатасарај, и тоа во два наврати.

Турскиот клуб и во двата наврати ги отфрли тие обвинувања, а потоа Терзи беше уапсен пред својот дом. Тој беше обвинет за ширење лажни информации. Помина неколку часа во притвор, по што беше пуштен на слобода.

Многумина сметаат дека ова било некаков вид предупредување да внимава на информациите што ги објавува во иднина.

Тагови: турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Изгаснат пожарот во „Средорек“, утрово горела и сендвичарница во Куманово

Пожарот што рано утрово избувна во кумановската населба „Средорек“ е  изгаснат, соопштија од Територијалната противпожарна единица Куманово.

Изгаснат пожарот во „Средорек“, утрово горела и сендвичарница во Куманово

Сигналот за пожарот бил примен во 05 часот и 35 минути , по што екипите интервенирале околу два часа.

Огнот избувнал на локација со отпад и диви депонии.кумановските пожарникари утрово интервенирале и на пожар во сендвичарница на улицата „Борис Кидрич“.

Во интервенцијата учествувале едно противпожарно возило и пет пожарникари.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер