Финците по осми пат најсреќната нација во светот, Македонците 86-ти на листата - Канал 5

Македонија

Финците по осми пат најсреќната нација во светот, Македонците 86-ти на листата

 Новиот „Извештај за среќата во светот“ на Обединетите Нации ја рангираше Финска на првото место осма година по ред. Финците го оценуваат својот живот како особено задоволувачки со просечна оценка од 7,74 од можни 10 поени.

Финците по осми пат најсреќната нација во светот, Македонците 86-ти на листата

Овој, 13-ти годишен Извештај, објавен по повод Меѓународниот ден на среќата на ОН, ги рангира најсреќните и најнесреќните земји во светот, прашувајќи ги луѓето да го оценат својот живот на скала од 0 до 10. Студијата, објавена од Истражувачкиот центар за благосостојба на Универзитетот во Оксфорд, Велика Британија. Така, Костарика и Мексико за првпат влегоа во топ-10 државите.

Најсреќните 10 држави во светот се: Финска, Данска, Исланд, Шведска, Холандија, Костарика, Норвешка, Израел, Луксембург и Мексико.

Македонските граѓани се наоѓаат на 86-то место. Испитувањето на јавното мислење годинава опфаќа 147 држави и нации.

Џефри Д. Сакс, претседател на Мрежата за решенија за одржлив развој на ОН, рече дека резултатите потврдуваат дека среќата е вкоренета во довербата, добрината и социјалната поврзаност.

- Од нас, како доблесни поединци и граѓани, зависи да ја пренесеме оваа витална вистина во позитивно дело, а со тоа да негуваме мир, учтивост и благосостојба во заедниците ширум светот, изјави Сакс.

Јан-Емануел де Нив, директор на оксфордскиот Центар за истражување на благосостојбата, додаде:

- Во оваа ера на социјална изолација и политичка поларизација, мора да најдеме начини да ги собереме луѓето повторно заедно „на маса“ - тоа е од клучно значење за нашата индивидуална и колективна благосостојба.

Непознатите се двојно пољубезни отколку што мислат луѓето, според Извештајот, бидејќи според посебен експеримент, голем дел од нив би вратиле изгубен паричник на сопственикот кого не го познаваат, наместо да го зачуваат за себе. Тоа посочува дека верувањето во добрината на другите луѓе е посилно поврзано со среќата, отколку што се мислеше.

Џон Ф. Хеливел, економист на Универзитетот во Британска Колумбија во Канада, и автор на извештајот, смета дека податоците од експериментот со паричникот покажал дека луѓето се многу посреќни живеат таму каде што мислат дека се грижат еден за друг.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија. 

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала. 

ДЗС: Неексплодирана граната со калибар 75mm извлечена од под вода во Црна Река кај с. Радобор

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

Лишен од слобода црногорец, со „БМВ“ возел со брзина од 205 километри на час

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер