Македонија

Финансиска стабилност бараат ветеринарните друштва, во спротивност постои опасност руралните средини да останат без ветеринарни лекари

Ветеринарните друштва бараат исплата на заостанатите финансиски средства од минатата година и зголемување на цените за да се обезбеди одржливост на ветеринарната професија.

Во спротивно, постои опасност во блиска иднина руралните средини да останат без ветеринарни лекари.

Од Ветеринарната комора посочуваат дека ветеринарната професија е една од петте најнеплатени професии во државава и дека тоа иницира недоволен интерес и кај младите за изучување на ветеринарната медицина.

- Еден од најакутните проблеми е немањето доволно финансиски средства што државата ги одвојува во однос на здравствената заштита на животните и кратењето на буџетот. Да не го заборавиме моментот дека ветеринарната професија е меѓу петте најнеплатени професии во нашата држава што имплицира недоволен интерес кај младите за изучување на ветеринарната медицина и акутен недостаток на ветеринари за третман на фармските животни. Значи, руралните средини во блиска иднина ќе останат без ветеринари лекари. Тоа значи дека ако ветеринарната професија е одговорна за јавното здравје во државата тоа значи дека се загрозува здравјето и на животните, но и на луѓето, вели Томислав Николоски, извршен директор на Ветеринарната комора.

Од Агенцијата за храна и ветеринарство велат дека се подготвува нова одлука за висината на надоместоците и дека со ребалансот на буџетот ќе биде познато колку дополнителни средства ќе бидат одобрени.

- Со претставници од Ветеринарната комора и Владата разговаравме за корекција на цените. Дали тоа ќе биде во висина од 40 или 50 проценти ќе се знае откако ќе биде донесен рабалансот. Што се однесува до нас, во финална фаза е подготовката на истата. Заостанатите обврски од минатата 2025 година се доставени за исплата до трезор и согласно утврдената динамика од Министерството за финансии се врши исплатата на финансиските средства, вели директорот на Агенцијата за храна и ветеринарство Оливер Миланов.

Во финална фаза е и Законот за здравје на животните кој предвидува регионализација во рамки на осумте региони.

- За решавање на било какви проблеми согласно договорот кој го постигнавме со Ветеринарната комора, еднаш до двапати месечно ќе одиме во посета на секој од регионите со цел нивно заедничко надминување, појаснува Миланов.

Смета дека е потребен системски пристап кој ќе биде во насока на подобро вреднување на трудот на оваа категорија вработени и дека од суштинска важност се и прашањата што се однесуваат на зголемување на интересот на новите генерации за оваа професија за што, вели, потребно е вклучување на повеќе чинители во опшетството.

Тагови: ветеринарните друштва

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Фудбалски спектакл во Париз, европскиот шампион ПСЖ подобар од фуриозната Барселона

Сè што сакаме од фудбалот видовме синоќа на Паркот на принцовите во Париз. Дуелот меѓу во моментов сигурно двете најдобри екипи на светот европскиот првак ПСЖ и шпанскиот шампион Барселона покажа зошто фудбалот е најпопуларниот спорт на планета

Бранителот на тронот ПСЖ во спектакуларен дуел го победи големиот ривал Барселона во рамките на 3 коло од Лигата на шампионите со 4-2.

Целиот свет со големо нетрпение го очекуваше овој натпревар и, без сомнение, овој спектакл ги оправда сите очекувања.

Во меч во кој топката скоро никогаш не мируваше видовме многу феноменални порези од фудбалерите на двете екипи , се редеа шанси пред двата гола и на крајот сосема заслужено трите пода останаа на контотои на домаќинот ПСЖ, иако ако победеше и барселона тоа немаше да биде незаслужено. Предводникот на Барса , Флик дури и на ваков супер дерби успеа да одмори неколку свои ѕвезди пред неделното ел класико против Реал. Мадрид.

Седум натпревари се одиграа во вечерната сесија од 3.коло во Лигата на шампионите.

ПСЖ - Барселона 4:2 (Дуе 38', Ернандез 72', Витиња 81', Руиз 86' / Еспарт 55', Јамал 79')

Манчестер Сити - АЕК 5:1 (Андерсон 12', Фоден 34', 65', 76' Черки 57' / Пилиос 52')

Рома - Слован 4:0 (Хермосо 21', Молина 39', Писили 52', Мален 58' - 11 м.)

Порто - ПСВ 0:1

Ливерпул - Виљареал 4:3 (Мак Алистер 36', 65' Араухо 45+2', Вирц 68' / Микаутадзе 4', Кардона 29', Олувасеи 87')

Штутгарт - Атлетико Мадрид 1:1 (Левелинг 36' / Алварез 47')

Наполи - Бодо/Глимт 4:3 (Политано 1', МекТоминај 41', 75', Бјортуфт 88' - аг / Хауге 27', Хелмерсен 62', Фет 90+4')

Вечерва играат :

среда

18.45

Комо - М. Јунајтед

Лил – Галатасарај

21.00

Астон Вила - Викинг

Баерн - Арсенал

Бетис - Феенорд

Клуб Бриж - Ланс

Интер - Шахтјор

Реал Мадрид - Лајпциг

Спортинг - ЛАСК

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тројца повредени во вчерашниот судир на две возила кај мостот „Беласица“

Во сообраќајна несреќа синоќа на мостот Беласица во Скопје при судир на две возила повредени се три лица.

Според информациите од МВР, несреќата била пријавена околу 20:50 часот, кај крстосницата со улицата Ѓуро Ѓоновиќ, во правец кон трговскиот центар.

Во несреќата учествувале патничко возило „мерцедес“, управувано од 37-годишниот М.П. од Скопје, и автомобил „ауди“ управуван од 21-годишниот О.Ц., исто така од Скопје.

Од судирот, двајцата возачи и еден сопатник се здобиле со телесни повреди. Увид на местото на несреќата извршила екипа на СВР Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски: Украина сака што поскоро да ја заврши војната со Русија и е подготвена за преговори

Зеленски по разговорите во Осло изјави дека Украина сака што поскоро да ја заврши војната со Русија и е подготвена за преговори.

Финскиот претседател Александар Стуб изјави дека на средбата со американскиот претставник Стив Виткоф е постигнат вистински напредок и дека предлозите за мир ќе бидат доставени до руската страна, пишува Би-Би-Си.

Зеленски потврди дека американскиот систем за рано предупредување против руски напади сега повторно функционира и им се заблагодари на САД за соработката.„благодарни сме на американската страна.

- Сега функционира, одлично е“рече Зеленски нагласувајќи колку се важни навремените предупредувања за безбедноста на украинското население.

Неговата изјава доаѓа по неколкудневните тензии меѓу Киев и Вашингтон поради украинските тврдења дека САД повеќе не даваат навремени информации за руските ракетни напади.

Американскиот државен секретар Марко Рубио претходно ги отфрли обвинувањата дека Вашингтон намерно крие разузнавачки информации од Украина. Тој тврдеше дека немало политичка одлука за прекин на соработката, туку дека проблемите се од техничка природа.

Финскиот претседател Александар Стуб изјави дека учесниците на состанокот постигнале вистински напредок по две важни групи прашања – долгорочни мировни решенија и итни мерки што би можеле да го намалат бројот на жртви. Зборувајќи за долгорочното решение, тој рече дека се пронајдени одредени елементи од можен мировен договор и дека предлозите ќе ѝ бидат презентирани на руската страна за време на утрешните разговори во Русија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.