Филозофски филмски фестивал од 7 до 13 јуни - Канал 5

Култура

Филозофски филмски фестивал од 7 до 13 јуни

Пет долгометражни филмови и 16 кратки се во официјалните селекции на 14. Филозофски филмски фестивал и ќе се натпреваруваат за наградата „Златен був“. 

Филозофски филмски фестивал од 7 до 13 јуни

Фестивалот со мото „Неред меѓу редови“ ќе се одржува од 7 до 14 јуни во организација на Филозофското друштво на Македонија, во соработка со Филозофскиот факултет на УКИМ.

Покрај главната програма со филмовите за награди, ќе има и ревијална и придружна, како и едукативната програма која беше организирана во пресрет на фестивалот.

Фестивалот ќе биде отворен в петок во 21.00 часот во летното кино во Кинотеката со проекција на шпанскиот филм „Затвори ги очите“ на режисерот Виктор Ерисе. Тој е првиот од петте во официјалната програма на долгометражни филмови кои и годинава ги селектираше професор Кирил Трајчев.

Во оваа конкуренција се и: романскиот филм „Не очекувај премногу од крајот на светот“ на Раду Жуде, „Во лушпата на златниот кожурец“ – дебитантски филм на виетнамскиот режисер Тјен Ан Фам, иранскиот филм „Прозаични стихови“ на Али Асгари и Алиреза Катами и филмот на грузиската режисерка Тинатин Кајришвили – „Граѓанинот светец“.

Директорката на фестивалот Ана Дишлиеска-Митова на прес-конференција на која беше претставена комплетната програма на годинашниот ФФФ, истакна дека филмовите нудат различни теми – од сеќавањата и идентитетот, социјална критика на капитализмот или авторитарноста, моќта и контролата во општества, како на пример во Иран, но и теми за верата, надежта и смртта.

-Се обидуваме колку што можеме, и покрај скудните финансиски средства, да направиме програма која ќе биде интересна за македонската публика и која на некој начин ќе може да ја врати магијата на филмските дела коишто, за жал, не се дистрибуирани во киносалите, а честопати не се прикажани и од поголемите филмски фестивали. Како и во минатите години, и овојпат е голем квалитетот на продукцијата. Петте филмови се од последните две години, некои од докажани автори, како и дебитантскиот од Виетнам, кој е подеднакво зрел како и останатите, рече Дишлиеска-Митова.

Во селекцијата на кратки филмови ќе бидат прикажани 16 од повеќе земји. Селектор е Дејан Здравков, а проекциите ќе бидат во два дена – на 9 и 10 јуни од 18 часот во Кинотеката. Имаат различни теми и се произведени во 2022 и 2023 година. Најголем дел од нив имале премиера на значајни филмски фестивали, како што се Кан и Венеција.

Филмовите од двете селекции (долгометражни и краткометражни) ќе се натпреваруваат за „Златен був“, која ќе биде доделена на 13 јуни, а покрај оваа награда ќе биде доделено и признанието „Стефан Сидовски-Сидо“.

За двете селекции ќе одлучува тричлено жири, во состав: Славица Србиновска, професорка на Катедрата за општа и компаративна книжевност на Филолошкиот факултет на УКИМ, Иван Миленковиќ, филозоф од Србија, и македонскиот филмски и театарски режисер Јане Спасиќ.

Во ревијалната програма, која ги поврзува филмот и филозофијата, од 11 до 13 јуни во Кинотеката ќе бидат прикажани три филма придружени со три предавања: „Убавината на порокот“ на режисерот Живко Николоќ од 1986, со предавање на српскиот филозоф Иван Миленковиќ, „И сепак Лоренс“ на режисерот Гзавие Долан од 2012, со предавање на проф. Слободанка Марковска од Филозофскиот факултет, и филмот „Златната треска“ на Чарли Чаплин од 1925 придружено со предавање на филозофот Стивен Фридман од „Харвард“. Во рамки на фестивалот, на 10 јуни на Филозофскиот факултет. професорот Миленковиќ ќе одржи предавање за Кант - „Друштвена недруштвеност“.

Во фокусот на придружната програма, пак, ќе бидат шест завршени филмови на Маја Дерен, основоположничка на експерименталниот филм, вклучително и нејзиниот дебитантски „Мрежи на попладнето“ од 1943 година. Шесте филма, секој од по 15-ина минути, ќе бидат прикажани на една проекција на 8 јуни. Токму презимето на Маја Дерен, читано одназад, е директна референца за мотото на годинашното издание на фестивалот - „Неред меѓу редови“.

ФФФ во својата придружна програма вклучува и проекции на четири видеоесеи во селекција на Ивана Мирчевска, кои се тематски разновидни – од осаменоста на перифериите на градовите, трансформацијата на глината до утробата на китовите.

Едукативната програма на ФФФ, која е посветена на филмската писменост, опфати неколку завршени настани во кои беа вклучени ученици и адолесценти. Во април и мај, во рамки на оваа програма, се одржаа три нејзини сегменти – Средношколска видеолектира, Филмософија со деца од 7 до 11 години и работилница „Естетика на филмскиот јазик“ за млади од 17 до 19 години. Во пресрет на отворањето на 14. ФФФ в петок, денеска ќе бидат доделени наградите од конкурсот за најдобри филмски есеи во рамки на едукативната програма. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бред Пит не планира брак со 29 години помладата Инес (ФОТО)

Бред Пит и Инес де Рамон се во силна врска, но нивната свадба не е планирана.

Бред Пит не планира брак со 29 години помладата Инес (ФОТО)

Иако дизајнерката на накит станала исклучително блиска со семејството на актерот, кое целосно ја прифатило, двојката нема намера да се венча, пишува Page Six.

Ја сметаат за дел од семејството

Според извор близок до семејството, 33-годишната де Рамон е во одлични односи со семејството на 62-годишниот Пит, со кого е во врска од 2022 година. „Тие апсолутно ја обожаваат и ја пречекале со отворени раце од самиот почеток. Во овој момент, ја сметаат за член на семејството, една од нивните“, рече изворот, додавајќи: „Но, Бред нема планови да се ожени и покрај тоа колку Инес се зближила со сите“.

Изворот наведува дека дизајнерката на накит воспоставила вистински односи со целото семејство на актерот, вклучувајќи ги и неговите браќа и сестри и внуки и внуци. „Инес и семејството на Бред се во редовен контакт и навистина уживаат да поминуваат време со неа. Таа никогаш не изгледа како „девојка на Бред“. „Кога се заедно, таа е само дел од семејството“, објасни тој.

Нејзиниот однос со најблиските на Пит наводно се протега надвор од нејзиниот однос со актерот. „Тие се допишуваат и остануваат во контакт независно од Бред, што многу зборува за тоа колку се зближиле“, вели изворот.

„Инес е многу приземјена и лесна за дружење. Таа ќе седи со часови, ќе се смее и ќе се шегува со сите. Ништо не изгледа наметнато. Луѓето прашуваат за неа, ја вклучуваат во семејните планови и искрено ја сакаат во близина. Таа стана природен дел од семејната динамика.“

„Животот едноставно се случува“

Пит ретко коментира за својот приватен живот, но минатиот мај во интервју за списанието GQ, тој даде краток увид во неговата врска со де Рамон.

Кога го прашале дали нивното прво заедничко појавување на јавен настан било намерно, актерот се насмеал. „Не, човече, не е толку пресметано“, рекол тој. „Ако живееше така, о Боже, колку би било исцрпувачки? Ако живееше со тие пресметки? Не, животот едноставно се случува. Врските се развиваат.“

Тој се осврна и на постојаното медиумско внимание. „Мојот приватен живот е секогаш во вестите. 30 години е во вестите, брате. Или да речеме некоја верзија од мојот приватен живот“, рече тој во тоа време.

Осумгодишниот развод финализиран

Во декември 2024 година, долготрајниот развод на Пит од Анџелина Џоли беше финализиран, со што заврши правна битка што траеше повеќе од осум години. Џоли поднесе барање за развод во септември 2016 година. Во интервју за GQ, Пит го минимизираше настанот. На прашањето дали е олеснет, тој рече: „Не, не мислам дека беше толку голема работа. Само нешто што законски заврши.“

Поранешната двојка има шест деца: Медокс (24), Пакс (22), Захара (21), Шајло (19) и 17-годишните близнаци Нокс и Вивиен. Во последниве години, некои од децата се дистанцираа од својот татко и неговото презиме. „Пејџ Сикс“ претходно објави дека Пакс „сè уште има врска со страната на семејството на неговиот татко“, но дека „нема близок однос со Бред“.

Инес де Рамон, исто така, има брак зад себе. Таа се омажи за актерот Пол Весли во 2019 година, но двојката се раздели во 2022 година по повеќе од три години брак. Претставниците на Пит и де Рамон не одговорија веднаш на барањата за коментар.

Тагови: Бред Пит

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Разузнавачки извори откриваат дека Русија подготвува можна провокација во балтичките земји или Полска

Две земји на источното крило на НАТО предупредија дека Русија подготвува можна провокација во балтичките држави или Полска, во обид да ја тестира кохезијата на западниот воен сојуз.

Разузнавачки извори откриваат дека Русија подготвува можна провокација во балтичките земји или Полска

Западните извори, исто така, стравуваат дека може да има опасност на хоризонтот, бидејќи Кремљ е под притисок од кампањата на Украина за напади со долг дострел врз цели во близина на Москва и Санкт Петербург.

На почетокот на неделата латвиските разузнавачки служби соопштија: „Гледаме индикации дека Русија подготвува воени провокации против балтичките земји или Полска“. Сепак, тоа би било далеку од целосен напад. Висок политички извор од втора членка на нато даде слична изјава минатата недела. Тие рекоа дека прибираат разузнавачки информации дека Владимир Путин планира нешто против балтичките држави.

Тие рекоа дека Путин можеби е спремен да ја тестира поддршката на САД за некои од најмалите земји-членки на НАТО – Естонија, Латвија и Литванија – во очаен обид додека Русија се бори со својата инвазија на Украина.

Тагови: русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба на министерот Муцунски со министерот за надворешни и европски работи на Словенија, Тоне Кајзер

Во рамки на учеството на Дубровник форумот, министерот за надворешни работи и надворешна трговија, Тимчо Муцунски, денеска оствари средба со министерот за надворешни и европски работи на Република Словенија, Тоне Кајзер.

Средба на министерот Муцунски со министерот за надворешни и европски работи на Словенија, Тоне Кајзер

Во рамки на учеството на Дубровник форумот, министерот за надворешни работи и надворешна трговија, Тимчо Муцунски, денеска оствари средба со министерот за надворешни и европски работи на Република Словенија, Тоне Кајзер, прва по неговото назначување на оваа функција.

На средбата беше потврдена одличната билатерална соработка и традиционалното пријателство меѓу двете земји. Соговорниците се согласија дека во периодот што следи ќе се работи на внесување нова динамика и натамошно унапредување на билатералните односи, потврдувајќи ја заедничката определба за продлабочување на соработката, како на билатерално, така и на мултилатерално ниво.

Посебно внимание беше посветено на процесот на европската интеграција на Македонија, реформските процеси и потребата од кредибилен, предвидлив и на заслуги заснован пристапен процес. Министерот Муцунски ја нагласи посветеноста на Владата за спроведување на реформите и изрази благодарност за континуираната и принципиелна поддршка што Словенија ѝ ја дава на нашата држава на европскиот пат.

Во разговорите беа разменети мислења и за актуелните регионални и глобални безбедносни прашања, како и за натамошното унапредување на соработката во рамките на НАТО, соопштуваат од МНР иНТ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер